Əmirəbdullahiyan: de məntəğədə xarıcion iştiroki muxalifimon

İron İslam Respublika xarıci vəzir bə Ermənistoni varid bey əvvələdə votışe: əmə de məntəğədə xarıcion iştiroki muxalifimon.

Bə Fars aqentiyəti raporti əsos, Zinə İron İslam Respublika xarıci vəzir Huseyn Əmiəbdullahiyan bə Erməniston varid bey zəmonədə de Ermənistoni xarıci vəziri muavin Monatsakan Səfəriyan vindımonış karde.

Huseyn Əmiəbdullahiyan ğəroe ım səfərədə de Ermənistoni xarıci vəzir Ararat Mirzoyan iyən Ermənistoni co qılə rəsmi şəxson vindemon iyən votımon bıko.

Huseyn Əmiəbdullahiyan bə İrəvani varid bey zəmonədə və jurnaliston cəmədə votışe: İron İslam Respublika iyən Erməniston Respublika həm mıştərəkə həmkoətionro muxtəlifə mıvzoon iyən həm muxtəlifə niqəronion soybin ki har 2 qılə tərəf hələkə roonro cəhd kardedəmon.

Əmiəbdullahiyan ijən dəvomış do: vey xoşhalimon ki dəvardə 1 sori mıddətədə və hamsuyəti siyasəti zumand kardey cəhəto, dəvardə sori muğaisədə 2 qılə kişvəri miyono ticari mıbodiləon miğdor bə 44 faiziku vey rəsə və umidımon heste ki ticari mıbodiləon bə vey barzə miğdor bərəse.

Əmiəbdullahiyan həmçınin ğərore ki ım səfərədə Ğapanədə İroni sərkunsoli oj bey mərosimədə iştirok bıko.