İroni xarıci vəzir: Avropa ittifoği rəftor, Trampi be təsirə siyasəti dəvomədəy
İroni xarıci vəzir votışe ki oxonə manqon Avropa ittifoği rəftor Amerkə nakonə prezident Donald Trampi be təsirə siyasəton dəvomədə heste.
Bə xarıci vəzarətxonə məlumatərosnə raporti əsos, İşəmbə şəvədə İroni xarıci vəzir, Huseyn Əmirəbdullahiyan de Avropa ittifoği xarıci siyasəti rəsmi şəxs Cozeb Bureli telefoniyə votımonədə, İslomiyə İnğilobi səbarzəti sorəqardışədə bə İroni milləti əzəmətin və çand milyoniyə iştirok işorəş kardə və bəzi Avropa kişvəron metodiku ki terrorizmi qruponku himoyə kardedən, de şiddətin tənğidış kardə.
Əmirəbdullahiyan ijən bə İron İslom Respublika ələyh sanksiya əncom doey tikroriyə siyasəti işorəş karde iyən votışe: Avropa ittifoği oxonə manqon rəftoron, Amerkə nakonə prezident Trampi be nəticə siyasəti dəvoməyə, ki dəvardəku vey de bəşər həxon kəliməonku əbzori istifodə kardey vositə, 2curnə və ğeyri həğiğiyə standaron dəvomi subutış kardedə.
İroni xarıci vəzir həmçınin co kərə,Ukraynaədə bə canqi sə bey təkidış kardə və və əlovəş kardə: İron İslom Respublika həmişə Ukrayna daveon həlliro bə otəşbast iyən diplomatiya royon təkidış kardə.
Əmirəbdullahiyan ijən təsdiğış kardə: İron İslom Respublika nəzəku, bə kişvəron ərazi təmamiyyəti ehtırom noey həmmə kişvəron əcumlə Ukraynaədə stabilə sulhi qarantiya bois bəbe və Tehron de otəşbasti bə inkişof bardey və bə sulh dast peydo kardey hədəfi, ıştə həmmə cəhdon əncomış do.
İroni xarıci siyasəti təşkiloti yol, İron İslom Respublika həmkoətion və atomiyə beynəlxalğə təşkiloti barədə həm votışe: ehanə atomiyə təşkilot de ğeyri siyasi və texniki diyə əməl bıko, həminə mıvzo həlliro bə qıləy çərçiv rəsey imkonış heste.
Avropa ittifoği xarıci siyasəti rəsmi şəxs həm ıştə umo nışoş do ki İronİslom Respublika və atomiyə enerji beynəlxalğə təşkiloti həmkoəti royədə, de diğğət bə icod bıə inkişofon, mıvzoon həxədə veyə inkişofonro, votımoon dəvom peydo ko.
İroni xarıci vəzir və Avropa ittifoği xarıci siyasəti rəsmi şəxs, həmçınin İron və Avropa ittifoği rabitəon, sanksiyaon peqəteyro təvafuğon və Ukrayna təhəvulaton barədə de yande votımonışon kardə.
