Vyanaədə atom enerji təşkiloti rəyis de Qrossi vindemonış kardə
Zinə Dışəmbə və atom enerji beynəlxalğə aqentəti umumiyə konfrasi kənoədə, İroni atom enerji təşkiloti rəyis Muhəmməd İslomi de Rafael Qrosi vindemonış kardə.
Bə İran Peres aqentiyəti raporti əsos, İroni atom enerji təşkiloti rəyis İks ictimai kanal (nakonə Tıvitter)ədə de qıləy mesaj muntəşirış kardə iyən ım vindemoni vey muhim zınəşe və nıvıştəşe: bə Marti 4minnə bəyoniyə əsos, və İroni atomi bərnoməon sulhin beyro, bə etıborinə qarantiyaon iroə doey xoto, az rabitəon iyən inkişofiro aqentəti meyli təkid kardedəm.
Muhəmməd İslomi aqentəti umumiyə konfrasiyaədə təsdiğış kardə: İron İslom Respublika jəqo ki tosə ısət nışoş do bə komilə padmani sazışon əsos, bəştə təəhudon pobənde və ıştə həmmə cəhdon əncom dodə ki aqentəti bızno vey rohət İronədə rosti imtivon kardey fəaliyəton əncom bıdə.
Əv ijən votışe: komil surət, İroni atom fəaliyəton iyən həmmə maddon de aqentəti vositə təğib bıə çən İron İslom Respublika ğoym surət intizorış heste ki İroni rosti imtivon kardey fəaliyəton bə betərəfi, mıosir iyən realist prinsipon raport bıdə.
