Danimarkədə bə Kərimə Ğıroni be ehtıroməti kardey, İroni tərəfiku məhkum bıə
Danimarkədə de radikal qrupon be ehtıroməti kardey hərəkəi vositə, bə Kərimə Ğıronni muğəddəsə sahə tojədən be ehtıroməti kardey xususi Rəməzon mıborəkə manqədə, İroni xarıci vəzarətxonə sıxənəvoti tərəfo məhkum bıə.
Danimarkədə de radikali qədə qrupon tərəfdaron vositə, Kopenhagenədə Tırkiyə səforətxonə vədə, Kərimə Ğıroni qıləy cildi otəş jəşone.
Həminə be ehtıroməti hərəkəti amilon de porçə ənıvıştəon okırniye vositə ki bəvədə bə İslomi qıromiyə dini ələyh kali mətləbon nıvıştəşon be, bə İslomi ələyh şuaroni doşoen.
Həminə cəhətədə və bə İran Peres aqentiyəti raporti əsos, İroni xarıci vəzarətxonə sıxənəvot, Nasır Kənani Çafi bəzi Avropa kişvəronədə bə Kərimə Ğıron və mısılmonon dini muğəddəsəçiyon be ehtıroməti kardey əlovə iyən tikror bey notaş do və jıqo hərəkəton vədə bəşər həxon iddioəkəyon sukuti məhkumış kardə və votışe: jıqo hərəməton, nifrət icod kardey, radikalizmi iyən vızməti rəvoc doeye ki insonon sulh və dustanə jimon kardey və qlobal əmniyyəti təhdid bəkay.
İroni xarıci vəzarətxonə sıxənəvot ijən jıqo hərəkəton vədə bə bəşər həxon nomi sukut kardey komil surətədə de qlobal bəşər həxon əks zınəşe iyən təsdiğış karde: İron İslom Respublika və mısılmonə milləton və kişvəron Danimark kişvəri rəsmi şəxsonku intizorışon heste ki de məsuliyət ğəbul kardey və jıqo nifrət icod kardey və be ehtıroməti hərəkəton icozə məhv kardey vositə, bə bəyoni ozodi bəhonə lm bevəcə nımoyeşon tikror bey vəy bıqəto.
