Suriyədə İroni hərbi mışovironku co qılə bə şəhodət rəsey
Suriyədə İslomi İnğilobi Sepah Təşkiloti hərbi mışovir, Meğdad Məhğani de sionist rejimi həmlə vositə, bə şəhodəti barzə vırə rəsə.
Bə Tele-Rədio aqentiyəti raporti əsos, dəvardə Cımə sıbədə Suriyədə və Dəməşğ şəhri ətrofədə, İslomiyə İnğilobi Sepah Təşkiloti hərbi mışovir, Meğdad Məhğani zəxmin bıə be.
Şəhid Məhğani, canqədə Şəhid Milad Heydəri dust be ki əv həm Cımə rujədə de sionist rejimi həmlə vositə şəhid bıə be.
Cımə sıbədə Dəməşğədə sionist rejimi hərbi təyyorəon çand qılə hədəfi bambaonışon kardə.
Bə Suriyə mediyaon elani əsos, Əldimas məntəğə de sionist rejimi təcavuzkorə hərbi təyyorəon vositə hədəf ğərorış qətə.
Suriyə ərtışi həvoiyə mudafiə sistem muvəffəğ bıə çand qılə vığandə bıə rəketon təğib iyən məhv bıko.