Viyanaədə i bıə milləton təşkilati şobədədə nəvuzə idi mərasimon bərpo bıə.

Nəvuz beynəl xalğiyə ruji mərasimon i bıə milləton təşkilati vırədə de İroni daim nımoyəndə zəhmət ijən çandə kişvəronku səfiron və nımoyəndon iştiroki vasitə viyanaədə bərpo bıə.

Bə İrib raporti əsos ımsornə sori nəvuz beynəl xalğiyə ruji mərasimonədə İron, Əfğanestan, Azərbaycan Respublika, Hindıstan, İrağ, Ğəzaxıstan, Ğırğızstan, Pakiston, Tacikiston, Turkəmenestan, Ozbəkiston və Tırkiyə kişvəronku nımoyəndəon huzurışon bıə.

Im mərasimədə i bıə milləton təşkilatədə İroni daimə səfir Reza Nəcəfi nəvuzə idi təbrik vote bəpeştə bə ım idi əhəmmiyət miləton miyono bənə qıləy vəhdət, həyat, ğəşənqi, sulh və dusti simvolon təkidış karde ijən votışe: nevrozə id çı etidal, sulh, veyə bərəkəton nur və jimoni simvolon heste ki bənə təbiəti vey havz və omidəbaxşə şoə mərasim bəhar fəsliku bə vıcud omə.

Nəcəfi omidvar mandə ki muxtəlifə milləton de nəvuzə idi bərəkəton bərobər bo sulh və həğiğiyə həmkariyətionro səy və cəhd bıkən.

Ğeyd bıkəmon ki Bolqarıstoni paytəxtdə Sofiyə ğom şınasiyə mozeyədə həm de İron, Azərbaycan Respublika və Ğəzaxıstani mıştərəkə bərnoməon vasitə nəvuzə idi şoə mərasimon bərpo bıə.

Im mərasimədə həm 25qılə kişvəronku nımoyəndəon huzurışon bıə.

Nəvuzə id dınyo 12 qılə kişvəronədə rəsmi sorətdə ğeyd bıə ki 9 qılə kişvəron təğvimonədə bənə tətilə ruji elan bıə.