Ğəzzə canq:Bo Fələstini milləti məcburi kuç doey plan.

Ğəzzə canq:Bo Fələstini milləti məcburi kuç doey plan.

seonist rejimi cinoyətkorə ləşkər 4 manqisə ziyodə qıləy vaxte ki,bə Ğəzzə tanqədə bə Fələstini bemıdofiyə milləti zidd ıştə vəhşiyonə hucumonış hevujə şikilədə bino kardə.israyili rejim bə Fələstini milləti ələyh har tərəfinə canqi təhmil kardeysə əlovə,həmçinin bə ın Ğəzzə tanqə daxil bıə humanitarə koməqon vəy həm qəteydə ta bın məntəğədə insoni faciyə bə əməl booy.sehyonist rejimi dumo yənde bə Ğəzzə tanqə kardə həmləon iyən hevujə şikilədə çın şəhri infrastrukturon,tibbi iyən səhiyyə məntəğəon,təsisoton,təlimi mərkəzon iyən çe milləti jimoni məskənon iyən vıron bombardımon iyən xərob kardey,bə odəmi vey norohətəkə statistukə və nəticəon səbəb bıə.Ğəzzə tanqədə bıə Fələstıni devləti informasiyə ofis qıləy bəyoniyyədə 120 ruji bədiqə çe seonist rejimi cinoyətkorə ləşkəri əncom doə həmməysə nuyə cinoyət iyən genosidi rəğəmonış mıntəşir iyən pevoloş kardə…..

seonist rejimi kəşfiyyot vəziri sıxanon təyid iyən təsdığ kardedə ki,ın rejim çe Ğəzzə tanqə mığobilədə sutə sərzəmini siyosəti bardedə.ın israyilıjə rəsmi şəxs votəşe ki,Ğəzzə canqi oxoyədə bın məntəğədə çe jimoni imkon nibəbe.həmçinin israyili “taymz” rujnomə bə gila gamlieli votey əsos ki,çe kenniseti(seonist rejimi parlamenti)qıləy iclosədə iştirokış hestebe,elonış kardə ki,bo Ğəzzə milləti məcburi kuç doey zəminə hozzı kardero,de kali kişfəron məxfiyonə mızokirəonışon kardə.ın sehyonistə rsəmi şəxs elonış kardə ki,seonist rejimi ləşkər bo Ğəzzə tanqədə sutə zəmini icod kardero və çəy həyoti infrastrukturon çe miyoniku bardero votəşe:Ğəzzə canqi oxoyədə çın məntəğə cəmyət komilə surətədə bə insoni iyən humanitarə koməqon niyoz və ehtiyocişon bəbe.bə israyili kəşfiyyot vəziri votey əsos,Ğəzzə canqi bədiqə bın məntəğədə bo ko kardero qıləy vırə mevcud nibəbe.zira çe Ğəzzə tanqə kaşt-devi sahəon 60 fayiz bə israyili əmniyyəti ğıvvon nəzorəti jiyədə bıə bufer zonə təbdil bəbe…..

seonist rejimi bo Ğəzzə tanqədə Fələstini milləti bə Misr iyən coqlə kişfəron məcburi kuç doeyro bıə plan ifşo bıey bədiqə,Fələstıni İslomi Cihod Hərəkot de qıləy bəyoniyyə sadir karde çe seonist rejimi rəsmi şəxsi Fələstini milləti Ğəzzə tanqəku məcburi kuç doey plani barədə bıə sıxanonış canqi cinoyətış zıne.bın bəyoniyyədə omə:çın hərəkəton mığobilədə sukut və tam jıey seonist rejimi boştə cinoyəton dəvom doeyro bıə təşviğe ki,bə milli iyən ərəbi əmniyyəti ziyon daxil bəkarde.həminə holədə çe Rusiyə İMT-ədə bıə nımoyəndə Əmniyyət Şurə iclosədə de Ğəzzə tanqə camaati şimoli sakinon bə Ğəzzə cənub,çəyo həm əvoni bə Misr məcburi surətədə kuç doey plani icro kardey ıştə kişfəri mıxolifətış elon karde və ın hərəkətış bo Fələstini millətiro bənə qıləy nuyə Nikbət ya Nəğbəti ruji unvoni zıneşe.