Bo yolə təyarəon soxtero İronədə zəminəon bino bıə.
-
İronədə mudafiə sahədə nımoyişqo ımruj de İroni mudafiə vəziri iştirok bino bıə.
İroni silohinə ğıvvon mudafiə vəzir votışe: İronədə Ğahir 313 və Kosər 88 nomo bıə qədə təyarəon soxte, kişvərədə bo yolə təyarəon soxtero zəminəon bino kardedə.
Qeneral Mayor Husein Dehğan ımruj İroni mudafiə sanaye tojə nımoyişqodə bə İronədə 2 qılə tojə qədə təyarəon soxte işorəş kardə və votışe: Ğahir 313 nomo bıə təyarə qıləy ğeyri osonə qədə təyarə ijən Kosər 88 həm qıləy osoniyə təyarəe.
Qeneral Mayor Dehğan İroni ım nımoyişqoədə mudafiə sənayeədə tojə məhsulon barədə bə Mıhocir 6 nomo bıə hidoyət əkə təyarə işorəş kardə və əvış qıləy tojə profesenalə qədə təyarə zınəş bıə ki vey ğabeliyətış heste.
Əv votışe: omə zəmonədə bo Nəsir və Fəkur nomo bıə rəkıton əməliyati kardero həm bərnoməmon heste.
İroni mudafiə vəzir bə ım nımoyişqoədə bıə co məhsulon əcumlə Səba nomo bıə vertəliyot iyən Kərrar nomo bıə tank işorəş karde ijən təsdiğ kardə ki: ım 2 qılə məhsul bo İroni mudafiə vəzarəxanəro vey muhimmə məhsul heste ki çəy soxte və planon kamilən bomiye və İroni cıvonon əvoni soxtəşone.
İronədə mudafiə sahədə nımoyişqo ımruj de İroni mudafiə vəziri iştirok bino bıə.
