İroni İslomi Şura sədr:seonist rejim dincə əhali kutləvi şikilədə kıştey təğib kardedə
İroni İslomi Şura sədri bəyonış kardə ki,israyili qenosidəkə rejimi dincə əhali kutləvi şikilədə kıştey və devlətə terrori dumo şeydə.
Bə İroni Tələbə Xəbə Aqentəti (İSNA) məlumoti əsos,İroni İslomi Şura sədr Məhəmməd Bağır Ğalibaf çı İsveçrə Cenevrə şəhrədə Beynəlxalğə Parlamentonmiyono İbemoni çərçivədə de İraği parlamenti sədr Muhsin Əl-Məndəlavi vindemonədə votəşe:oxonə i manqədə israyili tuməbırə rejim çı Livani cənubədə səy kardedə ta fəğət i metr bə ın kişfəri zəmini daxil bıbon ki,deştə qırd ziyonon ki,bə Hizbullah jıəşone iyən çəy lideronışon şəhid kardə,lakin çı mığoviməti cəbhə struktur hələm həm zumandə formədə bə çın rejimi ziyodətələbəti ələyh mandə və mığovimət nışon doydə.
İroni İslomi Şura sədr çı mığoviməti cəbhə komandiron şəhid kardey telə hodisə zınəşe və bəyonış kardə ki,İroni “Rostə Və`də 2” rəketi əməliyyot çı mığoviməti cəbhə royış bə sərostə istiğaməti səmt doeyş zıne.Əl-Əğsa tufoni əməliyyoti bədiqə qenosidəkə və ğəsbkorə israyili rejimi baği mandey çı sıvoli jiyədəy.
