İroni xarici koon vəziri de İordaniya rəsmiyon dido iyən diyaloq kardero bə çın kişfəri poytaxt Əmmani səfəş kardə.
İroni xarici koon vəziri de İordaniya rəsmiyon dido iyən diyaloq kardero bə çın kişfəri poytaxt Əmmani səfəş kardə.
İroni xarici koon vəziri de İordaniya rəsmiyon dido iyən diyaloq kardero bə çın kişfəri poytaxt Əmmani səfəş kardə.
Bə İRNA doə məlumoti əsos,İroni xarici koon vəzir Seyd Əbbos Ərağçi de çın kişfəri barzə rutbəynə rəsmiyon vindemon iyən reqiyonədə bə əməl omə proseson,xususən həm bo seonist rejimi cinoyət və təcavuzon oqəteyro mızokirə kardero ımruj maştəvoni bə İordaniyə poytaxt bıə Əmmani səfəş kardə.
İroni İslomi Respublikə xarici koon vəzir Seyd Əbbos Ərağçi de Ğəzzə və Livanədə oxonə hodisəon əloğədor reqiyonalə məsləhəton və bo mınoğişə oqəteyro anqıl çımi bənav bə Livan, Suriyə,Səudiyyə Ərəbıston,Ğətər,İrağ və Omani səfəş kardəbe və çe seonist rejimi cinoyəton barədə mızokirəş kardə və fiki mıbodiləş bardə.
İroni xarici koon vəzərotxonə sıxanəvot İsmoyl Bəğayi X kanalədə nıvıştəşe:Ərağçi de reqiyoni kişfəron məsləhəton dəvomədə bo tuməbır,canq iyən cinoyəti oqəteyro bə Misr və Tırkiyə həm səfə bəkarde.
İroni diplomatikə xıdməti rəhbəri təkidış kardə ki,İroni İslomi Respublikə de reqiyonal və reqiyonikukəno kişfəron həmkoron və diqər rəsmiyon dimbədimə qırd didoənədə iyən rəsmi və diplomatikə telefonə qəponədə reqiyonədə sulhi bərğəror kardeyış piyedə.
De Omani rəsmiyon ıştə sehbətədə Ərağçi bəyonış kardə ki,İroni İslomi Respublikə ın səfəon və dəvomin iyən intensivə diplomatikə hərəkəton reqiyonədə tosə sulh,sabitəti və əmn-əmonəti nominə mısbətə nəticəon bə dast vardey dəvom pəydo bəkarde.
