Ğahirədə İroni xarici koon vəziri de Misri prezdenti miyono dido iyən diyaloq
Ğahirədə İroni xarici koon vəziri de Misri prezdenti miyono dido iyən diyaloq
Ğahirədə İroni xarici koon vəziri de Misri prezdenti miyono dido iyən diyaloq
İroni xarici koon vəzir və Misri prezdenti vindemon kardə holədə,Ğərbi Asiya reqiyonədə bə əməl omə hodisəon mızokirə kardəşone.
Bə İroni Tələbəon Xəbə Aqentəti(İSNA) məlumoti əsos,bə Ğahirə səfər kardə İroni xarici koon vəzir Seyd Əbbos Ərağçi de Misri prezdenti Əbdulfəttah Əs-sisi didoədə çəy kişfəri Ğərbi Asiyədə sabitəti və əmniyyəti bə dast vardey istiğomətədə məntəğədə dəvominə səyonış barz qətə.
Əbdul-Fəttah Əs-sisi çəy kişfəri bə mınoğişəon mığyosi hevujəti ələyh nəzə təkid kardə holədə, qenosidəkə israyili rejimi bo Ğəzzə tanqə və Livanədə əmniyyəti bə məntəğə kişfəron iyən millətonro təhlukəynə nəticəon səbəb bıə canqi dərhol oqəteyış tələb kardə.
Misri prezdent həmçinin Ğəzzə tanqə və Livanədə bo ziddiyyəti bəkam kardero iyən reqiyonədə otəşvəsi bə dast vardero bə beynəlxalğə səyon dəvom doey və ziyod kardey vocibəti təkid kardəşone.
Bə ın xəbon əsosən,İroni xarici koon vəzir və Misri prezdent çe dıqlə kişfəri miyono mınosibəonədə mıştərəkə inkişofi perspektivon tədğiğiro hozzıə prosesi dəvom doey vocibəti barədə bə roziyəti omən.
De Misri rəsmiyon dido iyən sehbət kardero Qahirədə bıə İroni xarici koon vəzir de Misri xarici koon vəzir Bədr Əbdul Ati həm vindemon kardəşe və çe vey muhimmə reqiyonal məsələon və hodisəon ətrofədə fiki mıbodilə bardəşone.
