İron iyən pokistoni diplomatikə əloğəon

İron iyən Pokistoni yolon dəvardə 5 rujədə dıminə telefonə qəpışon əncom doşone.

Pokistoni sərvəzir de İroni prezdenti bıə telefonə təmosədə:Bə İroni ələyh hərbi təcovuz məxsusən çe sehyonist rejimi Əhvoz iyən İsfəhoni şəhronədə bə İroni İslomi Respublikə ixtisodi infrastruktoron həmləon de ğətiyyəti məhkum və bə Pokistoni de İroni mərdum iyən devləti bıə həmrayəti təkid kardedəmon.Pezeşkiyan çe təcovuzkoron çe kali mısılmonə kişfəron əraziyonku bə İroni ələyh hucumədə istifodəku ıştə təəssıfi ibroz kardə holədə votəşe:İroni bə çın həmləon məbdə bıə mıdofiyə reaksiyə təbiye.qıləy holədə ki,İroni İslomi Respublikə mısılmonə kişfəron ıştə bıvon zıneydə iyən dılış ni hətto iqlə mısılmon həm ziyon bıvindo.Prezdent həmçinin de bə İroni ələyh hərbi təcovuzi oqəteyədə çe Pokistoni vositəçi roli ifo kardey səyonku təşəkkur kardə holədə votəşe:İron çe atomi mızokirəon miyono diplomatikə prosesi cərəyonədə dı kərə bə hucumi məruz mande iyən ısət həm de amerkə rəsmiyon bə ixtisodi iyən enerji infrastruktoron hucum nıkardey iddiyo bə ico,əmə bə ın mərkəzon hədəf ğərol doey şoydimon iyən hukmən ın ziddiyyətinə sıxan və əməl,çimisə həm vey çe İroni bə amerkə bıə be etımodəti boyis bıə.Şəhbaz Şərif həm de İroni bə amerkə nəzəku nəşət seyə be etımodəti fəzo təsdığ kardey,təkidış kardə ki,”harcurnə diyaloq bəpe çe mıtəğobilə etımod iyən ehtıromi fəzoədə əncom doey bıbu iyən çın ko şərt hərbi təcovuzi,çe İroni məsul şəxson iyən mərdumi bə şəhodəti məğami rosney oqəteye”.