Pezeşkiyan bə Amerkə milləti xətob qıləy mesaji doəşe

Prezdent Pezeşkiyani bə Amerkə milləti mesajış vığandə.

İroni prezdent de çın sıvoliku bəhs kardey ki,cariyə canq dəğiğən çe amerkə milləti kom həyğiyə mənfəəton cəhətədəy?-elonış kardə:Bə İroni həyoti infrastrukturon,min cumlə bə enerji iyən sənaye obyekton ələyh hucumon bino kardey,qıləy hərəkəte ki,çəy sərostə hədəf çe İroni mərdume.Cənab Pezeşkiyani ımış bəyon kardə ki,ın həmləon bestabiləti hovuj kardey,insoni iyən ixtisodi xarcon ziyod kardey və deskalasiya çəxı icod kardey mənoədəy.Əy təkidış kardə ki,ın ro nəyinki,çe ğudrəti nışonə ni,bəlkəm bə qıləy poydorə həlli roy rəseyədə çe sə qim kardey iyən ocizəti nışonəy.Prezdenti bəyonış kardə ki,İron çe mızokirə royku dəvarde,bə sazışi rəse iyən ıştə təəhhudonış icro kardə be.Əy əlovəş kardə:Çın sazişiku xaric bey iyən bə canqi səmt hərəkət və peşo dı kərə çe mızokirə miyono hucum,qıləy destruktivə ğərolon bin ki,çe ibıə ştaton tərəfiku iyən çe təcovuzkoronə taməhon icro kardey cəhətədə əncom doey be.Prezdenti təkidış kardə ki,çe amerkə reqiyonalə hərbi bazəon mənşəku oxonə təcovuzon,çəy təhdidamizə iştirokış bə isbot rosnə.Əy votəşe:oşkoye ki,hiç qıləy kişfər çe jıqo qıləy şərayiti vədə,ıştə mıdofiyə ğudrəti zumand kardey koyku dast nibəkəşe və çe İroni əncom doə ko,fəğət mıdofiyə xarakterine iyən nə hucumon bino kardey və nə canq iyən təcovuz.Cənab Pezeşkiyani həmçinin ımış bəyon kardə ki,İroni millət de coqlə milləton ə cumlə de amerkə,avropə mərdumi iyən deştə hamsuyəon hiç qıləyni qıləy dışmenətiş ni və təkidış kardə: İronıjon,torıxi dırozi hətto de xarici mıdoxilə iyən təzyiğon dimbədim omeyədə,hejo çe devlət iyən milləton miyono qıləy farğışon noə.