Roberto Karlosi Dınyo Çempiyonətədə dopinqış kardəbe?
Ayə Roberto Karlosi Dınyo Çempiyonətədə dopinqış kardəbe?
Real Madrid iyən Braziliya milli komandə mıdofiyəçi Roberto Karlosi 2002 Dınyo Çempiyonətədə dopinqiku istifodə kardeyış bə həşəş je.
"Varzeshe se" sayti məlumatiş doə ki,bə Braziliyə dopinqi kontrol kardə komitə təhğiğon əsos,votey bedə ki,Roberto Karlos iyən çandə nəfər co fitboliston 15 sinniku dopinqiku oko doydəbən.Braziliyə həkimon iddio kardəşone ki,Karlos enerji ziyod kardə damoniku istifodə kardəşe.
Braziliyə məşhurə atlet İlyana Preyra iddioş kardə ki,17 əv sinniku dopinqış ğandə. çandə qılə jurnalist de varzışkorə formə çı doktor Alusi palu şıən və çəykuşon qıləy məxfiyonə mısohibə səşone.doktro Alus votedə:"az Karlosım mıolicə kardəme.çəy 15 sinnış hestebe,çımı tonoku ome.vey lod be.mı çəy lınqonım bə ideal vəzyətım varde".
Alus peşo de Karlosi bə ico çandə fitbolisti nomi kəşedə ki,əvon həm dopinqiku oko doəşone. Əmmo Roberto Karlosi ım ittihomış inkor kardə və votəşe ki,mı çı hiç enerji ziyod kardə maddəonku okom doəni və çımı vəkil de ın ittihomon məşğul bəbe.
.
