Fələstinı parlamenti nımayəndə dəstqir kardeyu sionist rejimi məhkəmə doə hıkm.
sionist rejimi məhkəmə fələstinı parlamenti nımayəndə Omər Əbdulrazeğı muvəğğətə dəstqiri hıkmi dodə.
Bə fələstinı məlumat ərosnə mərkəzi elanon əsosi Fələstinı parlamenti nımayəndə zuə Muhəmməd Əbdulrazeğ Facebook səhifədə nıvıştəşe sionist rejimi məhkəmə çəy dədə 4 manq muddətdə muvəğğətə həbsi hıkmış doə.
sionist rejimi hərbion 2017 minnə sori iyolə manqi 23 nə ruji İordaniya ğərbiyə sahil Selfit şəhrədə bə Omər Əbdulrazeğı kə hucum karde bəpeştə əy dəstqir kardən.
fələstinı parlamenti ım nımayəndə nako həm çandə kərə sionist rejimi tərəfo bə əsorət eqıniyə və desbə ışət 7 sor çı rejimi zindononədə həbsış dəvoniyə.
fələstinı ım nımayəndəku bə kəno 13 qılə fələstinıj həm muvəğğətə sorətədə dəstqir bən. və ım qıləy holədəy ki bə beynəlxalğə ğanonon əsosi məhkəməku bə kəno muvəğğətə dəstqiri qıləy ğeyre ğanoniyə koy.
