Pars Today

İroni ətom enerji təşkilati rəis votışe: ətomiyə təvafuği ləğv bey bəpeştə İroni reaksiya ənəxəbə bəbe ijən Amerkə və çəy həmpeymonon təəcubi bois bəbe.

Əli Əkbər Salehi ıştə mısohibədə ğərbiyə kişvəron məxsusən Amerkə ğeyri ğanuniyə rəftoron ijən ətomiyə təvafuği cərəyonədə maneon icod bey barədə təkidış kardə: İronədə ətomiyə zərfiyəton bə təvafuği bə nav rəsero imkonış heste ki bəzne ğərbion pəşimon bıkə əmmo əmə vey ım mıvzo və siyasəti ısət əncom doe pidəmon ni.

Salehi təsdiğış kardə: əhd-peymonon, milliyə mənafe iyən foydəon əsos İron ətomiyə təvafuğ jentonədə hərəkət kardedə və əqə Amerkə bə məhdudiyəton soxte dəvom bıdə İron həm bə milliyə faydon əsosi ijən de tədbironi cəvob bədoy.

Salehi təkid kardə: İron karde bəzne əqə ətomiyə təvafuğ ləğv bıbu 1 sori mıddətdə 100 həzo vahid Urani co bıkə ijən Fordo nomo bıə ətomiyə mərkəz həm karde bəzne çand ruji mıddət'də 20 faiz qəncin bıə Urani soxte bino bıkə.

İroni ətom enerji təşkilati rəis votışe: Avropavıjə kişvəron veyni ətomiyə təvafuği ləğv karde pidəşon ni və əqə Amerkə i tərəfi sorətədə ım təvafuğiku xaric bıbu co qılə imzo əkə kişvəron Amerkəşon coyli bebəhaşten.

Əli Əkbər Salehi ijən təsdiğış kardə: İroni ətomiyə sənaye de zumandəti bə na hərəkət kardedə və de diğğət bə təvafuğədə mıvcudə maddon, ım təvafuğ ətom enerji sənayeədə texniki cəhətiku qıləy dıroz mıddətə bərnoməon bois bıə.