Ayətullah Muvahhidi Kermani: bə beynəlxalğiyə təşkilaton umdəvo nimon, Mısılmonə milləton bə Miyanma hərbiyon iyən buddiston cinoyəton əleyh ğiyam bıkon.
-
Rohinqiyavıjə mısılmonon zidd dəvardə 2 haftə cinoyəton nəticəku 164 həzo mısılmonon avarə bıən.
Tehroni cumə nımuji xətib votşe: çı Rohinqiya mısılmonon nəsli məhv karde vəy qətero bə dınyo təşkilaton komək hiç umdəvo nimon çumçiku mısılmonon bəbe bə Miyanma hərbiyon iyən buddiston cinayəton əleyh ğiyam bıkon.
Zinə çı Tehroni cumə nımoji xutbəonədə Ayətullah Muvahhidi Kermani bə Rohinqiyavıjə mısılmonon nəsli bırniye iyən Myanmaədə cinoyəton dəvomədə siyoniston nufuz iyən roli işarəş kardə və həminə cinoyəton barədə çı İbıə Milləton Təşkilat və bəşər həxon mudafiyə əkə organon sukuti vey insoni bə təəcub vardə telə hağiğət zınəş be.
Myanma ğərbədə bıə Raxin ostani Rohinqiyavıjə mısılmonon nəsli məhv karde dəvomədə tojədən ım kişvəri hərbiyon 400 nəfər məzlum iyən bepənohə mısılmonon ğətliam kardeşone.
İ bıə Milləton Təşkilat həm elanış kardə ki Myanmaədə bə Rohinqiyavıjə mısılmonon zidd dəvardə 2 haftə mıddətədə cinoyəton nəticəku 164 həzo Ruhinqiyavıjə mısılmonon bə Bənqladeş avarə bıən.
Tehroni cumə nımoji xətib bə Yəmənədə Səudiyon cinoyəti dəvom peydo karde işarəş kardə iyən votşe: Ali Səud bə İslam dini təlimon hiç bovəş ni.
Ayətullah Muvahhidi Kermani ijən bə Amerkə tojə cəhd iyən planon çı İroni hərbi bazaonku diyə karde işarəş kardə iyən təsdiğ kardə: Amerkə ım orzo bə qur bəbarde.
Tehroni zinə ruji cumə nımoji xətib həmçınin İroni ətomiyə fəaliyəton sulhin bey barədə bə Ətom Enerji Beynəlxalğ təşkilati təsdiğəkə raporton işarəş kardə iyən votşe: Tehron həmmişə ətomiyə təvafuği bəkəno de Ətom Enerji Beynəlxalğ təşkilat həmkariş kardə.
İroni xarıci vəziri sıxanəvot Bəhram Ğasımi həm tojədən elanış kardə: de ətomiyə təvafuği bəhonə çı İroni hərbi bazaonku diyə karde tələb ğəyri ğanuniye ijən çı Amerkə həminə han təbir nibəbe.
