İroni i minə humanitarə koməkon bə Bənqladeş varid bıə.

Bə Myanma avarə bıə mısılmonon komək kardero İroni i minə homanitarə koməkon bə Bənqladeş varid be.

Bə İrna raporti əsos ım koməkon 40 ton imdodi, dəvo-damon, xorək, xorəki ğabon, iztiroriyə təchizaton, çodı, xalçə iyən co lozimə imkanatonku iborət be ki zinə bə Bənqladeşi Çitqonq bəndərədə bıə Şah Əmonət nomo bıə ayreport varid bıə.

İroni xarici vəziri Asiya iyən Okeyaniya muavin İbrahim Rəhimpur ki de həmonə 40 toniyə boon bə Bənqladeş varid bıəbe təsdiğış kardə: umdəvomon ım səfər karde bızno məsələon təğib karde kənoədə, bə Myanma mısılmonon komək karde kənoədə çəvon məzlumiyət pəyğomi bə dınyo elan bıkə.

Əv ijən votşe: İroni prezident və İroni xarici vəzir Nyu-yorkədə bıə İ bıə Milləton Təşkilati omə umumi iclosədə Myanma mısılmonə milləti vəziyəti təğib bəkan.

Myanma ğərbədə bıə Raxin ostani Ruhinqiyavıjə mısılmonon nəsli məhv karde dəvomədə tojədən ım kişvəri hərbiyon bə 1000 nəfər nezi məzlum iyən bepənohə mısılmonon ğətliam kardeşone.

İ bıə Milləton Təşkilat həm elanış kardə ki Myanmaədə bə Ruhinqiyavıjə mısılmonon zidd dəvardə 3 haftə mıddətədə bıə cinoyəton nəticəku bə 400 həzo nəfər nezi Ruhinqiyavıjə mısılmonon bə Bənqladeş avarə bıən.