530-ə hissə-Məryəmi surə-56-60 şərifə ayəon

530-ə hissə

وَاذْكُرْ فِي الْكِتَابِ إِدْرِيسَ إِنَّهُ كَانَ صِدِّيقاً نَّبِيّاً (56) 

Və bın kitobədə İdrisi bə yod dənə. həyğətən, əv vey rostəvıjə peyğombər be.

وَرَفَعْنَاهُ مَكَاناً عَلِيّاً (57) 

Və əmə əvımon bə bılındə məğamon rosnemone.

Dəvardə proqramədə bənə İbreyim(ə),Mosə(ə) və İsmoyil(ə)-i bıə peyğombəron de ehtiromi çəvon nomon zikr be.ın ayəon çı İdris(ə)-i nomi zikr kardedə ki,çı Nuh(ə)-i bənav bıə ilahi yolə peyğombəronku qıləyni be.çəy nom Tovratədə Uxnuxe. çoko ki,rəvoyətonədə omə,əv iminə şəxs bıə ki,bə məxloği olət dutış umutə. İdris(ə) nucum,astranomiya və hisob elmi çok zıneydəbe və de xətti ğələmi nıvıştəşe.

Çın ayəonku umutedəmon:

1-rostəvıjəti iyən dırıstə rəftorəti ilahi peyğombəron barizə xısusiyyətonkue ki, bəbe ım boçəvon tərəfdoron ulqu iyən sərməşğ bıbu.

2-rostəti iyən dırıstəti,bə insoni çı Xıdo iyən məxloği palu məhbubiyyəti boyis bəbe və bə qıləy bılındə məğami dast pəydu bəkay.

أُوْلَئِكَ الَّذِينَ أَنْعَمَ اللَّهُ عَلَيْهِم مِّنَ النَّبِيِّينَ مِن ذُرِّيَّةِ آدَمَ وَمِمَّنْ حَمَلْنَا مَعَ نُوحٍ وَمِن ذُرِّيَّةِ إِبْرَاهِيمَ وَإِسْرَائِيلَ وَمِمَّنْ هَدَيْنَا وَاجْتَبَيْنَا إِذَا تُتْلَى عَلَيْهِمْ آيَاتُ الرَّحْمَن خَرُّوا سُجَّداً وَبُكِيّاً (58)  

Əvon peyğombəron bin ki,Xıdovəndi bəvon (məxsusə) nemətış əto kardəşbe. əvon çı Odəmi nəsliku iyən çəmə de Nuhi bə ico bə kəşti suvar kardə kəson nəsliku və çı İbreyim iyən İsrayili(Yəğubi)nəsliku iyən çəmə hidoyətəkə və vıjniyə nəsliku bıə peyğombəron bin.ha faxti Rəhmonə Xıdo ayəon bo əvon handey bedə, səjdə kardə iyən bəmə holədə və bəsə dimisə zəminisə eqıneydəbin.

Əmə ha ruj vacibə nımojədə da kərə votedəmon:ihdinəs-siratəl-mustəğim.siratəl-ləzinə ənəmtə ələyhim.ın ayə bəmə votedə ki,Xıdovəndi bəvon məxsusə nemət əto kardə kəson peyğombəronin iyən mıstəğim və sərostə ro,çəvon şıə roye.ilahi peyğombəron çı Odəm(ə)-i zəmoniku tosə oxonə peyğombər bıə həzrəte Məhəmməd(ə)-i vəynə ayəonədə çəvonku daqlə nəfəri nom zikr bıə.İdris(ə) çı Odəm(ə)-i zurriyyə be.İbreyim(ə) çı Nuh(ə)-i nəvə be.İshoğ(ə),İsmoyil(ə) və Yəğub(ə)çı İbreyim(ə)-i zurriyyə be.və Mosə(ə),Harun(ə),Zəkəriyya(ə),Yəhya(ə) iyən İsa(ə) çı İsrayili(Yəğubi)nəsliku be.

Əmmo çı peyğombəron muhimmə xısusiyyətonku,çəvon ibodət iyən bandəçəti be ki,çı i bıə Xalığə Xıdo mığobilədə bəsə zəminisə eqıneydəbin,səjdə kardedəbin iyən ıştə çəşi arsi ru kardedəbin.

Çın ayəku umutedəmon:

1-nəsli pok bıey,ilahi nemətonku qıləyniye ki,Xıdovənd ıştə peyğombəron vıjniyədə bəy dığğət kardedə iyən əvoni çı pokə nəsliku səçın kardedə.

2-çı pokə xıyzoniku bıey fəğət kifoyət kardedəni,bəlkəm inson bəbe Xıdo salehə bandə və çəy mığobildə muti iyən xaze bıbu ta çı məxsusə neməton ğəbul kardey ləyoğəti pəydukəy.

فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيّاً (59) 

Əmmo çəvon bəpeştə yavə iyən noloyığə canişinon omin ki,nımoji zay kardedəbin iyən bəştə həvaye-nəfsi itoət kardedəbin.çən,rəyrə əvon ıştə zəloləti cəzo bəbindeyn.

إِلَّا مَن تَابَ وَآمَنَ وَعَمِلَ صَالِحاً فَأُوْلَئِكَ يَدْخُلُونَ الْجَنَّةَ وَلَا يُظْلَمُونَ شَيْئاً (60) 

Əmmo tobəşon kardə və imonışon vardə iyən loyığinə ko əncom doə kəson istisnan. çən,əvon bə vəhışt daxil bəbeyn və bə sıtəmi məruz nibəmandeyn.

Navnə ayədə Xıdo bandə bıey,Xıdo vıjniyə kəson iyən peyğombəron vey muhimmə xısusiyyətonku bəhs be.ın ayəon hamyedə:deməkə ki,ilahi ovliyaon qırd anəndə zəhmətışon kəşe, çəvon bəpeştə omə ğovmon,çı Xıdo bandəçəti iyən əy pərəstış kardey məzhər və simvol bıə nımojışon,zay karde və ıştə həvaye-nəfsi tabe bin. əvon rostə royışon gim karde və yavə ağıbət əvoni çəş kardedə.əmmo ıştə kəcə royku oqardə iyən deştə əncom doə çokə koon vositə ıştə dəvardə yavə koonışon isloh kardə kəson istisnan.

De təəssıfi iyən məələsəf çı bəşəri ımrujə problemonku qıləyni ıme ki,ziyodə insonon ıştə xalıği mığobilədə səjdə kardedənin və nımoj votə kəsonku ziyodə şəxson çı nımoji adabi rioyət kardedənin və əy zay kardedən.çın əməli nəticə nodırıste. nəfsoni iyən şəhvoni həvaye-nəfson bo bəşəri iştimayi iyən xıyzoniyə koonədə bıə problemon icod kardedə.

Çın ayəonku umutedəmon:

1-vey fərzəndon və nəslon ıştə pıon zəhməton bə hədər doydən iyən noəhl bedən.

2-nımoj çı dini çehrəy.əy zay karde yəni mısılmınon ayin iyən dini zay kardey mənoədəy.

3-nımoj, çı insoni deçəy şəhvəton miyono qıləy sədde.ehanə ım sədd darıştey bıbu, insoni bəştə şəhvəton itoət kardey vey rohət bəbe.

4-həyğiyə tobə qıləy daxiliyə hərəkəte,nəinki,xariciyə təzahur.həyğiyə tobə insoni çı zəloləti royku bə səodəti tərəf hidoyət kardedə və cəhəndımi əhli çı vəhışti əhl kardedə.