534-ə hissə-Məryəmi surə-75-80 şərifə ayəon

534-ə hissə

قُلْ مَن كَانَ فِي الضَّلَالَةِ فَلْيَمْدُدْ لَهُ الرَّحْمَنُ مَدّاً حَتَّى إِذَا رَأَوْا مَا يُوعَدُونَ إِمَّا الْعَذَابَ وَإِمَّا السَّاعَةَ فَسَيَعْلَمُونَ مَنْ هُوَ شَرٌّ مَّكَاناً وَأَضْعَفُ جُنداً (75) 

(Ha peyğombər ha!)Vuji: hakəs zəlolətədəy, Rəhmonə Xıdo qıləy mıddət bəy(bəştə sınnəti əsos) tosə və`də doə bıə əzobi ya(çın dınyo) əzobi və ya ğıyoməti əzobi deştə çəşi vindey mohlət doydə. çən, (həmonə ruj) bəzıneyn kon şəxsi vırə vey yavə iyən kon şəxsi ləşqər vey ocize.

Vəynə proqramədə votemone ki,Məkkə puldor iyən əşrofinə şəxson de təhğiramizə formə voteydəbin:çəmə vırə və məğam bəpeye ya çın beçiz və fəğırə mominon? In ayə çəvon cəvobədə hamyedə:ım çı Xıdo sınnət iyən adəte ki,bın dınyodə çı ruşd iyən ozavziye zəminə çı həmmə kəsi ixtiyorədə ğərol doydə(çı çok iyən bevəcə insonon bıbu). əmmo bəbe bə ilahi ım fırsət və mohləti məğrur nıbu və qımon nıkoyn ki, hejo ın neməton bəşmə əto kardey bəbe.bəlkəm,hakəs zılm iyən kufr əncom bıdo,ısət çı bın dınyoədə ya bə dınyoədə çəy cəzo bəkəşe.bə faxti mıəyyən bəbe ki, çıki məğam və vırə bəpeye.şımə kofiron ya çı fəğırə mominon.

Təbiiye ki, Xıdovənd bə qırd zəlolətədə bıə kəson mohlət doydə ki,ğasbu əvon tovbəkon oqardon və bə rostə ro tərəf hidoyət bıbon.əmmo adətən mınhərif və zəlolətədə bıə şəxson çın fırsətiku suyi-istifodə kardedən və deştə noloyığə rəftoron boştə qıləy saxt və şiddətinə əzob hozzı kardedən.

Çın ayəku umutedəmon:

1-Xıdovəndi adət bo qırfd fərdon fırsənd icod kardeye ta hakəs deştə ixtiyori ıştə roy bıvıjno və həlbəttə bəbe ıştə koy nəticə ğəbulkəyn.

2-ilahi əzob fəğət bə axırəti məxsus ni,kali əməlon əzob bə ın dınyo zərfiyyəti əsos həmonə bın dınyoədə doey bedə.

وَيَزِيدُ اللَّهُ الَّذِينَ اهْتَدَوْا هُدًى وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَاباً وَخَيْرٌ مَّرَدّاً (76)

Hidoyət pəydu kardə kəson, Xıdovənd çəvon hidoyəti ziyod bəkay və çəvon hejo baği mandə çokətiyon səvob ıştı pərvərdıqori palu vey çok və xoş ağıbəte.

Navnə ayədə zınemone ki,zəloətədə bıə mınhərifə fərdon,deştə yavə koon tiki həm ziyod bə inhirofi tərəf şedən və bə ziyodə əzobi giriftor bedən.ın ayə hamyedə:ilahi hidoyəti royədə hərəkət kardə kəson,Xıdovənd bəvon veyə inoyət kardedə və əvoni çı kəc iyən inhirofə royku hifz kardedə.de qıləy co təbiri çəvon hidoyəti ziyod kardedə. bənə qıləy pilləkani ki,qıləy ğədəm bəpe bınəmon,çı co qılə ğədəmi noey zəminə hozzı bedə və bəpe şedəmon.

İmoniku buruz doə çiyon, salehə koon əncom doeye və harçi niyyət və ruhiyyə xolis bıbu, çəy çokə koon əbədi və poydor bəmande.ruşine çokə koon çı har mol iyən sərvətisə bəpeye və vey mumkine deəy mığoyisə bıənin ni,zira dınyo sərvət fani iyən rə dəvardedə.əmmo çokə koon həm ıştən əbədiye və həmən çəy uxrəviyə əcr və mıkofot əbədiye.

Çın ayəku umutedəmon:

1-ilahi hidoyəti dərəcə və mərhələonış heste və salehə ko əncom doey ,ilahi ziyodə hidoyəti ğəbul kardey zəminə hozzı kardedə.

2-çokə ağıbət, çı çokə koon girovədəy,nəinki,qırdə kardə bıə iyən bə ambo jıə bıə sərvəton girovədə.

أَفَرَأَيْتَ الَّذِي كَفَرَ بِآيَاتِنَا وَقَالَ لَأُوتَيَنَّ مَالاً وَوَلَداً (77) 

Çən, ayə bə çəmə ayəon kofir bıə ə şəxsı vinde ki, voteşe: şək ni bəmı ziyodə mol iyən fərzənd doey bəbe.

أَاطَّلَعَ الْغَيْبَ أَمِ اتَّخَذَ عِندَ الرَّحْمَنِ عَهْداً (78) 

Ayə əv çı ğeybiku aqahe. ya çı Rəhmonə Xıdoku qıləy əhdış sıə?

كَلَّا سَنَكْتُبُ مَا يَقُولُ وَنَمُدُّ لَهُ مِنَ الْعَذَابِ مَدّاً (79) 

Huçfaxti(jıləvoni ni). rəyrə çəvon votə çiyon bənıvıştemon iyən həmişə bəvon əzob bədomon

وَنَرِثُهُ مَا يَقُولُ وَيَأْتِينَا فَرْداً (80) 

Və harçiku(mol iyən fərzəndiku) dəm jeydən, əmə varis bəbemon və əv çəmə palu yali(coyli) bəmande.

Dəvardə ayəon dəvomədə ki,de zəloləti iyən hidoyət vində kəson mığoyisə kardedəbe, ın ayəon bə dınyopərəston iyən kofiron xomə-xiyolon işorə kardedə və hamyedə: əvon jıqo sıxan voteydən və rəftor kardedən ki,jıqo bızın əvon çı dınyo podşo və xıvandin və çiçışon bıpyo ısət çı mol iyən sərvət bıbu,Xıdovənd bəvon əto bəkay. vey əcib ıme ki,de həmonə koon çı mominon vədə fəxr kardedən və əy bəştə bəpe bıey dəlil zıneydən.

Kərimə-Ğıron çəvon cəvobədə hamyedə:çəvon ım sıxanon və bə vəomə bıə çokə bovəon, inov ğeybiku qəp jıeye.əvon çokonə çı ğeybi koonku aqahin?ayə əvon de Xıdovəndi əhd-peymonışon bastə? qıləy holədə ki,ğıyoməti ruji əvoni qıləy dəhşətinə əzob ebəqəte və çəvon dınyo iyən axırəti xərob bəkay.əvon ıştə qırd mol-əmvoli və qırdə kardə sərvəti ki,çəvonku bə meres mandə,ijən təyliyə dast bə axırət bəşeyn.

Çın ayəonku umutedəmon:

1-çı kofiron nəzəku kufr,çı ozavziye iyən ruşdi amile və imon bə inkişofi mane bedə. qıləy holədə ki,dınyoədə jıqo qıləy məntığ hakim ni və Xıdovəndi jıqo qıləy adətış noə ni.

2-çəmə qırd sıxan iyən rəftoron nıvıştey bedə və bəbe qıləy ruj bəştə qırd əməlon cəvobdeh bıbəmon.