544-ə hissə-Taha surə-43-48 şərifə ayəon

544-ə hissə

اذْهَبَا إِلَى فِرْعَوْنَ إِنَّهُ طَغَى (43) 

(Ha Mosə ha! deştə bo bə ico) Bə Fironi tərəf bışənən. zira əv tuğyon və yoləşəxətiş kardə.

فَقُولَا لَهُ قَوْلاً لَّيِّناً لَّعَلَّهُ يَتَذَكَّرُ أَوْ يَخْشَى (44) 

Çən, deəy de namə(zıvoni) sıxan bıkə. ğasbu əv pand bıqəto ya(çı Xıdoku) bıtarso.

Həzrəte Mosə(ə) iyən çəy bo Harun(ə)-i iminə məmuriyyət,Fironi bə ibıə Xıdo tərəf iyən bə Bəni-İsrayil və məxloği zılm və sıtəm kardeyku bə diyəro bıey dəvət kardey be.

Fironi hukumət kardə soxtemonədə,harcurnə isloh bəbe çəyku bino bıbu .zira əv çı qırd bədbəxtiyon iyən fəlokəton amile və jinə səthədə bıə har qıləy ğədəm ya məğlub bedə və ya kamə təsirış bedə.

Ruşine ki, moyizə iyən irşod bəbe de nam iyən oromə zıvoni bıbu ta bə muxatəbi və məsəkəsi nufuzkəy iyən təsirkəy.joqo ki,ya bəbe məntiğiyə dəlilon ğəbulkəy iyən imon biyəy yaanki,hiç nıbu çı Xıdo əzobi tarsiku çı zılm iyən sıtəmiku dast bıkəşon.

Çın ayəonku umutedəmon:

1-ilahi peyğombəron nəinki,siyasi iyən iştimayi koonku bə diyəro bıənin, bəlkəm, çəvon Xıdovəndi tərəfiku iminə məmuriyyət camiyə irşod iyən islohe.bədihiye çın islohi təsir çı camiyə qırd sektoronədə,min cumlə ixtisodi,iştimayi iyən siyosiyə baxşonədə ıştəni nışon doydə.

2-de hoziyə sıxanon iyən rəftoron kardey nibəbe məxloğiku çəşkəmon ki,çəmə həxə sıxani ğəbulkəyn.

قَالَا رَبَّنَا إِنَّنَا نَخَافُ أَن يَفْرُطَ عَلَيْنَا أَوْ أَن يَطْغَى (45) 

Voteşone: Xıdolim ha! əmə, çəy bəmə zərəl rosney iyən nıpemandeyku tarsımon heste.

قَالَ لَا تَخَافَا إِنَّنِي مَعَكُمَا أَسْمَعُ وَأَرَى (46) 

Xıdovəndi hamyeşe: mətarsənən ki, az hejo deşməm. (şımə qırd sıxanon və koon) məsedəm iyən vindedəm.

Təbiiye çı fironi sarayədə huzur pəydu kardey, əv həm de çəy hidoyəti məğsədi, qıləy təhlukəninə ko iyən  çəş kardəninə çi nıbe.mumkin be əvon hələ hiç qıləy sıxan nıvote iyən ilahi ayəon və mecuzəon nışon nıdoe,firon əvoni dastgirkəy və şodəy əvoni bə zindon iyən bəvon saxtə işkəncə bıdəy və bə Bəni-İsrayili ıştə təzyiği ziyodkəy. liza həzrəte Mosə(ə) iyən çəy bo,ıştə tarsi ki,qıləy məntiğiyə tars be, bəyon kardedən. Xıdovənde-Aləm bəvon xatırcəməti doydə ki,az ıştən bəşmə dı nəfəri koməq bəkam iyən şımə de fironi miyono bıə çiyon zıneydəm və məsedəm. çən,şımə norohət məbənən.

Çın ayəonku umutedəmon:

1-har ko nəticə və təsiri bəbe çı naviku bıvindi iyən boçəy vəy qəteyro,lozım bıə tədbiron bıvindi.

2-Xıdovəndi həmmə vırədə hozzı bıey iyən çəy harçi vindey iyən məsey, imon iyən bovə, mominon de problemon dimbədim omə faxti çəvon ruhiyyə zumand kardedə.

فَأْتِيَاهُ فَقُولَا إِنَّا رَسُولَا رَبِّكَ فَأَرْسِلْ مَعَنَا بَنِي إِسْرَائِيلَ وَلَا تُعَذِّبْهُمْ قَدْ جِئْنَاكَ بِآيَةٍ مِّن رَّبِّكَ وَالسَّلَامُ عَلَى مَنِ اتَّبَعَ الْهُدَى (47) 

Çən,(nıtarsə holədə) bəçəy tərəf bışənən və bıvotən: ıştı pərvərdıqori əmənış vığandə. Bəni-İsrayili(ıştə bandəçətiku ozodkə və) de əmə bə ico bıvğand iyən bəvon işkəncə və əzob-əziyyət məkə. həlbəttə əmə ıştı pərvərdıqori tərəfiku de mecuzəon bəştı tərəf oməmon.səlom bıbu bə kəsiki,bə həxə hidoyəti pemandedə.

إِنَّا قَدْ أُوحِيَ إِلَيْنَا أَنَّ الْعَذَابَ عَلَى مَن كَذَّبَ وَتَوَلَّى (48) 

(Bəy bıvotənən) Bəmə vəhy bıə ki, əzob bo əkəsiye ki,(ilahi ayəon) təkzib kardedə iyən(bəy) pemandedəni.

Xıdovənd ijən bə fironi tərəf hərəkət kardey fərmonış imzo karde iyən bə Mosə(ə) və Harun(ə)-i votə çiyon bə çəvon yodış dənoe.məmuriyyəti iminə ğədəm Bəni-İsrayli çı fironi sultə jiku ozod kardeye.dıminə ğədəm ilahi ayə və mecuzəon de təşviğ iyən təhdidi bə ico nışon doeye.

Ilahi rəhməti həxı ğəbul kardə faxti ğəbul kardeye və çı həxıku dim qordınə iyən əy təkzib kardə faxti ilahi ğəzəb iyən ğəhri ğəbul kardeye.

Əcib-ğəribə nuktə ıme ki,həzrəte Mosə(ə) ıştə iminə rəftorədə bəbe məhrum iyən məzlumə şəxson mıdofiyəkəy iyən əvoni çı fironi çənqaliku ozod kardey fikədə bıənin be. qıləy holədə ki,adiyə formədə bəbe sıftədə bıvoti:əmə çı pərvərdoqore-aləmi tərəfiku vığandə bıəmon ta tıni çı kufr iyən şırkiku nicot bıdəmon iyən bə Xıdopərəstəti və tohidi tərəf dəvətkəmon.ım əy nışon doydə ki,diniyə rəhbəron məxloği mığobilədə nığılə məsuliyyətışon heste.joqo ki,hətta əgər firon bə Xıdo imon həm nıvoy,hiç nıbu çı zılmiku dast bıkəşo iyən Bəni-İsrayili ozodkəy.

Çın ayəonku umutedəmon:

1-irşod iyən təbliği koyədə bəbe sıftədə bə ğəbilə yolon soyəx bışi.zira camiyə isloh de çəvon yolon islohi bino bedə.

2-de tağuton mıborizə bardey iyən məxloği ozod kardey,çı peyğombəron yolə vəzifəonku iyən çəvon iminə dərəcə koonku bıə.

3- camiyə və fərdi səlomətəti iyən əmniyyət,ilahi təlimon istifodə kardey girovədəy və ehanə jıqo nıbu ım sovə dınyoədə problemon iyən axırətədə əzobi co qıləy çi dumo ıştə nibəvay.