545-ə hissə-Taha surə-49-54 şərifə ayəon

545-ə hissə

قَالَ فَمَن رَّبُّكُمَا يَا مُوسَى (49) 

(Fironi) Voteşe: ha Mosə ha! şımə dı nəfəri pərvərdıqor kiye?

قَالَ رَبُّنَا الَّذِي أَعْطَى كُلَّ شَيْءٍ خَلْقَهُ ثُمَّ هَدَى (50) 

(Mosə) Voteşe: çəmə pərvərdıqor ə kəse ki, bə har qıləy çi məxsusə xılğətış əto karde, peşo əvış hidoyətış karde.

Həzrəte Mosə(ə) deştə bo Harun(ə)-i bə Fironi saray ro pəydu kardey bədiqə, əvon çı Bəni-İsrayili ozodətişon tələb karde iyən Fironışon bə i bıə Xıdo tərəf dəvət kardeşone. çı Fironi iminə reaksiya ımbe ki,şımə pərvərdıqor kiye ki, şımə mıni bəçəy tərəf dəvət kardedon iyən mıni deçəy  ğəhro-ğəzəbi torsıneydon?

Həzrəte Mosə(ə)-i cəvob qıləy kırt iyən ğətiyə cəvob be. Mosə(ə) voteşe:çımı Xıdo ə kəse ki, qırd çiyonış ofəyə iyən boçəvon xılğətiro bıə çiyonış bəvon baxşəşe və movcudatonış  bə ruşd iyən kəmoli tərəf hidoyətış kardə.

Firon movcudaton xılğəti iddioədə nıbe.liza çı Mosə(ə)-i ım sıxanon vədə hiç qıləy cəvobış nıbe. zira Firon ki,xıdoəti iddoədə be,hətta ıştənış həm ofəyəş nıbe,ısət çı bımando co kəson.

Həlbəttə həzrəte Mosə(ə) Xıdovənde-Aləmi məxloği xılğətisə əlovə,bəçəy məxloği təkviniyə hidoyət kardey movzu həm işorəş karde.har qıləy movcud de təkviniyə hidoyəti bəştə jimon iyən təkamuli dəvom doydə və bə ruşdi tərəf hərəkət kardedə.çı qandımi donə bə qandımi huşə təbdil bıey iyən çı heyvonon boştə lonə soxtey,çəvon hardemon iyən balə bekardey iyən ıştə baləon perosney,ımon həmonə təkviniyə hidoyəte ki,Xıdovəndi ımış çı har movcudi daxiliədə ğərolış doə iyən bəçəy həyati dəvomış doə.

Çın ayəonku umutedəmon:

1-movcudaton xılğət, ilahi əto iyən baxşeşe və Xıdovənd bə hiç qıləy movcudi ğarzıxo ni.

2-bə aləmi hakimiyyət çə kəsi həxe ki,hestemoni aləmış ofəyə iyən əvış çı kəmoli royədə ğərolış doə.

3-qırd mocvudaton ilahi hidoyəti jiyədəy və bə təbyəti hakim bıə ğanunon,ilahi hidoyəti nışonəy.

قَالَ فَمَا بَالُ الْقُرُونِ الْأُولَى (51)‏

(Fironi) Voteşe: çən, çı navnə nəslon hol çoko bəbe?

قَالَ عِلْمُهَا عِندَ رَبِّي فِي كِتَابٍ لَّا يَضِلُّ رَبِّي وَلَا يَنسَى (52) 

(Mosə) Voteşe: çəy(çə holon) elm çımı pərvərdıqori tono qıləy kitobədəy(və) çımı pərvərdıqor(nə qıləy çi) gim bəkay və nə əv çı yodo bekardedə.

Fironi çı həzrəte Mosə(ə)-i mığobilədə hiç qıləy cəvobış nıbe.əve çı co qıləy sıvoliku bəhsış karde ta bəhsi çəy əslə royku bekəy inhirofkəy.fironi voteşe ki, şımə ki,voteydən ehanə jıqo bıbu,çən çəmə bıtpərəst iyən mışrikə dədə-bobon ağıbət çoko bəbe? ayə əvon həm bə əzobi giriftor  bəbeyn? Həzrəte Mosə(ə) çı dəvardə ğovmon barədə mıhokimə kardey iyən çəvon bəştə kufri xoto cəhəndımi əhl bıey barədə qıləy sıxan votey əvəzi,voteşe:çəvon hisob-kitob de Xıdovəndiye.çəvon qırd koon nıvıştə bıə iyən Xıdovənd bəçəy əsos əməl bəkay və bın koyədə hiç qıləy xəto və səhv bə əməl nibome.

Çın ayəonku umutedəmon:

1-çı dəvardə nəslon tarıxi və çəvon cəhəndımi ya vəhışti əhl bıey barədə ğəzovət məkəmon və əy bə Xıdo ohdə bınəmon.zira Xıdo bə şəxson botıni həm aqahe iyən hiç kəsi həxədə zılm kardedəni.

2-aləmi qırd koon hisob-kitobış heste iyən dəğiğə şikilədə ğeyd bedə.çən,bəvədə hiç qıləy səhv ni və bəvədə hiççi kamo-ziyod bedəni.

الَّذِي جَعَلَ لَكُمُ الْأَرْضَ مَهْداً وَسَلَكَ لَكُمْ فِيهَا سُبُلاً وَأَنزَلَ مِنَ السَّمَاءِ مَاءً فَأَخْرَجْنَا بِهِ أَزْوَاجاً مِّن نَّبَاتٍ شَتَّى (53) 

(Həmonə) Xıdo ki, zəminış bo şımə asayişi vırə ğərolış doe iyən bəvədə bo şımə roonış icod karde iyən çı osmoniku ovış vığande. çən, deçəy vositə novbənov beməyon qiton(çı zəminiku) bə bi bekardemone.

كُلُوا وَارْعَوْا أَنْعَامَكُمْ إِنَّ فِي ذَلِكَ لَآيَاتٍ لِّأُوْلِي النُّهَى (54) 

(Həm ıştən çəyku) Bəhənən və(həm) bəştə çolınqə heyvonon bıdənən(bıhardovnən). həlbəttə bın koyədə bo ağıl soybon qıləy nışonəon heste.

Kərimə-Ğıron iyo çı həzrəte Mosə(ə)-i sıxanon miyonodə,bə Xıdovəndi movcudaton hidoyət iyən xılğətədə bıə ğudrəti işorə kardedə.sıftədə jıqo hamyedə: zəmin iyən osmon vahidə Xıdo irodə iyən tədbiri jiyədəy.i tərəfiku zəmin iyən osmonədə çı jimoni şərayitış bo qırd coninə movcudaton hozzış kardə iyən boçəvon baği mandey xoto mıxtəlifə roonış bərğərolış kardə.

Co tərəfiyo həm çı osmoniku voşi voye,zəmin havz iyən xorrəm bedə iyən bo bəşəri və bo co məxloğati novbənov hardəninə çiyon  təmin bedə.qırd ımon çı Xıdovəndi rububiyyəti iyən ğudrəti ruşinə nışonəonkue.həlbəttə ağıl soybon bə ım nışonəon de dığğəti erəxeydən və pand qəteydən.əmmo co kəson de ğəfləti çın nışonəon kənoku dəvardedən.

Çın ayəonku umutedəmon:

1-zəmin çı insoni ruşd iyən kəmoli vırəy iyən çəy qırd ehtiyocon təmin kardedə.

2-insoni xorək ya mustəğimən və ya de vositə çı rəsəyonku hozzı bedə.çı beməyon ruşd həm çı voşi voyeku bə şıkrəy və Xıdovəndi tədbir nıbə holədə ım bə həyğət nibərəse.