549-ə hissə-Taha surə-72-76 şərifə ayəon

549-ə hissə

قَالُوا لَن نُّؤْثِرَكَ عَلَى مَا جَاءنَا مِنَ الْبَيِّنَاتِ وَالَّذِي فَطَرَنَا فَاقْضِ مَا أَنتَ قَاضٍ إِنَّمَا تَقْضِي هَذِهِ الْحَيَاةَ الدُّنْيَا (72) 

(İmon vardə sehrbozon bə fironi) Voteşone: əmə tıni hiçfaxti bəsə de mecuzəon omə çiyonsə iyən əməni ofəyə kəsisə bəpe nibəqətemon. çən, (ısə)har hukmi sadir kardey bəzıneş. tı fəğət bın dınyo jimonədə hukm kardeydəş.

إِنَّا آمَنَّا بِرَبِّنَا لِيَغْفِرَ لَنَا خَطَايَانَا وَمَا أَكْرَهْتَنَا عَلَيْهِ مِنَ السِّحْرِ وَاللَّهُ خَيْرٌ وَأَبْقَى (73) 

Həyğətən,əmə bəştə pərvərdıqori imon vardəmone ta çəmə xətoonku dəvardo iyən bəştı vodor kardə sehrbozəti xoto əməni bıbaxşo. və Xıdovənd vey çok iyən(çəy əzob) poydore.

Dəvardə proqramədə ğeydımon karde ki,sehrbozon de Mosə(ə)-i mecuzə vindey,xatırcəm bin ki,çə ə həzrəti ko sehro-codu ni,bəlkəm qıləy ğeybiyə ğudrəte ki, jıləvoni ləvo bə əşivo təbdil kardeydə.liza əvon həmmə bə Mosə(ə)-i imonışon varde və çı firon iyən məxloği çəşi vədə bə səjdə eqınin.əvon de ojə-oşkoə holəti ıştə bə Mosə(ə)-i i bıə Xıdo bıə imonışon elan karde.firon ım macəra vindey bədiqə, əvonış təhdid karde ki,şıməni de vey şiddətinə işkəncəon bəkıştem.

In ayəon hamyedə:çı fironi təhdidon mığobilədə,tojə imon vardə sehrbozon, nəinki, nıtarsin və bə dumo nıpekırin,bəlkəm vey ğoym mandin və cəvobışon doe ki,əmə tıni bəsə Xalığə Xıdosə bəpe qətey nibəzınemon iyən əmə çəy ruşinə mecuzəon inkor kardey əzınimon.tı həm çəmə barədə kon ko əncom doey piyedə, əncom bıdə.ımon həmmə bə çand rujnə dınyo jimoni ayide,əmmo axırət bəmə məxsuse. zira umu heste Xıdovənd çəmə dəvardə qınoonku dəvardo iyən çəmə bo Mosə(ə)-i rısvo kardey xoto bıə məkrinə planon qınoon xoto,əməni bıbaxşo.zira çəmə jıqo qıləy məğsədımon nıbe iyən tı əmənı məcburi surətədə bın ko vodor karde.

Çın ayəonku umutedəmon:

1-çı insoni erjo-ğeymət,çəy fik iyən əğedədəy iyən de təhdid və təmti(şini) çı məxloği bovə əvəz kardey nibəbe.

2-həyğiyə imoni nışonə,ıştə qırd hestemoni bo ilahi iyən dini erjon mıdofiyə kardey royədə fido kardeyro hozzı bıeye.

إِنَّهُ مَن يَأْتِ رَبَّهُ مُجْرِماً فَإِنَّ لَهُ جَهَنَّمَ لَا يَمُوتُ فِيهَا وَلَا يَحْيى (74) 

Bə rosti hakəs bəştə Xıdo(huzur) qınokorə holədə varid bıbu, çəy cəzo cəhəndıme ki, əyo nə bəmarde və nə jimon bəkay.

وَمَنْ يَأْتِهِ مُؤْمِناً قَدْ عَمِلَ الصَّالِحَاتِ فَأُوْلَئِكَ لَهُمُ الدَّرَجَاتُ الْعُلَى (75) 

Və hakəs de imoni varid bıbu iyən loyığinə ko əncom bıdo, bo jıqo şəxson vey barzə dərəcəon bəbe.

جَنَّاتُ عَدْنٍ تَجْرِي مِن تَحْتِهَا الْأَنْهَارُ خَالِدِينَ فِيهَا وَذَلِكَ جَزَاء مَن تَزَكَّى (76)‏

Əbədiyə(Ədni) vəhışton ki, çəy doon jiku ruon cari bəbe və(əvon) əbədi əyo bəmandeyn və ıme çı pokon mıkofot.

In ayəon çı fironi təhdid iyən təmtii mığobilədəy.firon sıftədə bo sehrbozon təşviğ kardey xoto, bəvonış vote ki,ehanə Mosəro(ə) rısvokoyn,az şıməni ıştə saray nezə odəmənku ğərol bədom.

In ayəon hamyedə:hakəs imon biyəy iyən çokə koon əncom bıdo,Xıdovəndi palu bə vey barzə dərəcəon bərəseyn iyən ilahi vəhıştədə bıə əbədiyə nemətonku bəhrə bəbardeyn.

Firon de təhdidamizə formə voteşe:az şımə dast-lınqon bərəks bəbırnem iyən şıməni bə dar bəkəşem ta de vey yavə formə şımə çı dınyoku bışon.ın ayəon hamyedə: cəhəndımi əzob anəndə şiddətine ki,hakəs bəy varid bıbu,çı jimoniku hiççi nidəbərəse.nə bəmarde ki,rohət bıbu və nə rohətətiş bəbe ki,jimoni hisskəy.

Həlbəttə ısət ım seqlə ayə çı sehrbozon sıxani dəvome ya Xıdovəndi tərəfiku qıləy mıstəğilə ayəy ta çəvon sıxanon təkmil kardedə,təfsirəvonon iyo ixtilofinə nəzəşon heste. zira imkonış nıbe iyən qıləy təbiiyə ko nıbe ki,həmonə sehrbozon rəyrə çı momin iyən qınokoron ğıyoməti ruji bıə ağıbətiku xəbədo bıbon və çı vəhışt iyən cəhəndımi vəsfi jıqo mıfəssələ şikilədə bəyonkəyn.əmmo ehanə Xıdovəndi əvonış bəçəvon zıvon iyən ğəlbi ilhomış kardəbu,ım istisnay.

Ha holədə bın macəradə muhimmə çi daxiliyə inğilobe ki,çı sehrbozon imon vardey zəminəş hozzı karde və ım çı  insoni fik iyən əmələdə bıə istedad və zərfiyyətiəvəz karde nışon doydə.çı sehrbozon imon vardey macəra  bə ə şəxson nəzə əkse ki, etığodışon heste inson bəştə jimoni muhiti tabeye və çoko çəy camiyə iyən xıyzoni əvış tərbiyəş kardə,əv jəqo həm bəjiye.

Çın ayəonku umutedəmon:

1-inson çı irodə iyən ixtiyori soybe iyən ha ləzə çı kufriku bə imon iyən çı imoniku bə kufri tərəf şıey bəzıne.

2-çı insoni ağıbət və koy oxo muhimme.vey insonon hestin ki,i umr kofirin.əmmo ıştə umri oxoyədə de imoni çı dınyoku şedə və ya çımi əks ki, i umr de ibodəti məşğul bedə, əmmo oxoyədə de kufr və şırki şedə.

3-təğva iyən təzkiyə dınyo iyən axırətədə bə baxtəvərəti rəsey roye.çəş,quş və dıli pokəti  insoni çı harcurnə inhirof iyən kəcətiku səlomət oqəteydə və bə ilahi vəhışti varid kardeydə.