555-ə hissə-Taha surə-99-104 şərifə ayəon

555-ə hissə

كَذَلِكَ نَقُصُّ عَلَيْكَ مِنْ أَنبَاء مَا قَدْ سَبَقَ وَقَدْ آتَيْنَاكَ مِن لَّدُنَّا ذِكْراً (99) 

(Ha peyğombər ha!) Əmə jıləvoni dəvardə xəbəon botı hikoyət kardedəmon və bə rosti əmə ıştə tərəfiku bətı zikr(Ğıron) domone.

Həzrəte Mosə(ə)-i jimoniku i hissə oxoyədə ki,çımi bənav 90-ə ayədə bəyon be, Xıdovənde-Aləm bə islomi peyğombəri(s) xitob kardə holədə hamyedə:navkonə camaati iyən peyğombəron macəra çı vəhyi ğolıbədə botı bəyon kardemone ta bənə Kərimə-Ğıroni co ayəon bo məxloği təzəkkur,pand iyən ibrət bıbu.

Be şəkk tərbiyəviyə şivəonku qıləyni,dəvardə nəsli xəbəon iyən çəvon çok və yavə ağıbəti bəyon kardeye ki,eyni iyən ləms bıə formədə,əy fame iyən dərk kardey bedə.

Dəvardə ğovmon tarıxi bə yod dənoe,həyğətədə bo ımrujnə jimoni xoto çı vəynə umməton təcrubəonku bəhrə qəteye.ım qıləy koe ki,çı qırd millət iyən etnoson miyono ğəbul bıə.de qıləy co bəyoni bə əğli iyən məntiğiyə hışkə dəlilon ehtiyoc nıbə holədə fəğət iqlə dastə insonon əy sərəseydən.umum-məxloğ bə dəvardə nəslon tale dığğət kardeydən iyən çəyku ibrət peqəteydən.

Çın ayəku umutedəmon:

1-Ğıroni dastonon vey çokə ğıssəonin.zira çəy bəyonəkə Xıdoe iyən çəy muxotəb peyğombəre və çəy macəraon vağeyi iyən həyğiye,nəinki,təxəyyuli iyən pesoxtə bıə.

2-Kərimə-Ğıron de peyğombəron tarıxi bəyoni,əvoni çı təhrif iyən de dasti soxtə bıə çiyku hifz kardeydə.

مَنْ أَعْرَضَ عَنْهُ فَإِنَّهُ يَحْمِلُ يَوْمَ الْقِيَامَةِ وِزْراً (100) 

Çən, hakəs çəyku(Zikriku) dim bıqıordıno. şək ni ğıyoməti ruji(çı qıno) bo bəştə duş pebəqəte.

خَالِدِينَ فِيهِ وَسَاء لَهُمْ يَوْمَ الْقِيَامَةِ حِمْلاً (101) 

(Əvon) Əyo əbədi bəmandeyn və(qıno bo) bo əvon ğıyoməti ruji çı yavə boe.

Kərimə-Ğıron de dərk bıə iyən ruşinə həyğəton bə yod dənoe,bo insoni dınyo iyən axırəti baxtəvərəti xoto omə.əmmo çı məxloğiku iqlə dastə kofir ya mısılmınonku qınokorə dastə bəçəy xəbərdorətiyon be etino bedən və çəyku ibrəti dərsi qəteydənin.

Jıqo rəftoron oxo,dınyo iyən axırətədə muşkilaton bə meydon vardedə.dınyo jimon kırte və ha holədə obərəxe sə bəbe.əmmo muhim ğıyoməti şiddət və qonə bo ki,oxoş ni və əyo nə qıləy fərol kardey və nə oqardemon heste.

Çın ayəonku umutedəmon:

1-qıno qıləy qonə boe ki,ğıyoməti ruji təcəssım bəbe və qınokoron giriftor bəkay.

2-qıno təsir məhvo-nobud nibəbe iyən bə cəhəndımi əbədiyə otəşi boyis bəbe.

يَوْمَ يُنفَخُ فِي الصُّورِ وَنَحْشُرُ الْمُجْرِمِينَ يَوْمَئِذٍ زُرْقاً(102) 

(Həmonə) Ruji bə sur pu kardey bəbe və həmonə ruji qınokoron de kavu bıə iyən kuə çəşi məhşur bəbeyn.

يَتَخَافَتُونَ بَيْنَهُمْ إِن لَّبِثْتُمْ إِلَّا عَشْراً (103) 

Əvon ıştə miyono bə iyənde ahəsət bəvoteyn ki, şımə(dınyoədə) da rujisə ziyod mandəniyon.

In ayəon bə qınokoron ğıyoməti ruji bıə holəti işorə kardedə və hamyedə: ğıyoməti ruj de suri şeypuri pu kardey bino bəbe.çoko ki,Ğıroni co ayəonku bə dast omeydə, dınyo oxo iyən axırəti bino bıey,de dıqlə şiddətinə hərəkəti iyən de vahiməninə sədo bə ico bəbe ki,bo əy çı şeypuri pu kardey təbir oko doey bıə.

Dınyoədə zumandə əndomışon bıə iyən cokəson əvoni vindeyədə bə tars və vəhşəti dıço bıə kəson,ğıyoməti ruji de zəyifə bədəmi iyən de kuə çəşi məhşur bəbeyn.

Dınyo jimonədə umri dırozəti ya çı mardey bədiqə bərzəxi aləmədə mandey mıddət, çəvon palu anəndə kırte ki,əy çı da rujisə vey hisob kardedənin.ım çı ğıyoməti əzəmət,yolyəti iyən dəhşətin bıey nışon doydə ki,ısət əvonış əhotəş kardə.

Çın ayəonku umutedəmon:

1-bə ğərol omeyədə,dınyo umri de axırəti mığoyisəkəmon və bə koon poydor və sabit bıey dığğətkəmon.

2-çı qınokoron mığobilədə zəyifəti və sıstəti hiss məkəmon.bəlkəm əvon xaro-zəlil bızınəmon.

نَحْنُ أَعْلَمُ بِمَا يَقُولُونَ إِذْ يَقُولُ أَمْثَلُهُمْ طَرِيقَةً إِن لَّبِثْتُمْ إِلَّا يَوْماً (104) 

(Həlbəttə) Əmə çəvon votə çiyon vey çok zıneydəmon. bə zəmon ki, çəvon vey insofinə qılə bəvote: şımə i ruj mandəyon.

Dınyo jimonədə bıə umri da ruj zınəkəson barədə Kərimə-Ğıron hamyedə: Xıdovənde-Aləm çı dınyo koon iyən axırəti qırd həyğtəon vey çok zıneydə.əmmo dıno jimoni da ruj aşmardə kəson,ım zəmon çəvon nəzədə ziyod cilvəş pəydu kardə, zira ağl iyən zıneşon ziyod bıə kəson dınyo iqlə rujisə vey vindeydən.ruşine ki,dınyo umr çı axırəti umrisə çın miğdorisə vey ni.

Çın ayəku umutedəmon:

1-ki vey ağılmande,dınyo jimoni umri veykam və vey kırt vindedə.

2-Xalığ bıə Xıdo,dınyo fani iyən kam hisob kardedə.realiston həm ım həyğəton ıştə həddədə dərk kardeydən.