573-ə hissə-Ənbiya surə-51-56 şərifə ayəon

573-ə hissə

وَلَقَدْ آتَيْنَا إِبْرَاهِيمَ رُشْدَهُ مِن قَبْلُ وَكُنَّا بِه عَالِمِينَ (51) 

Və həyğətən əmə çımi bənav İbreyimro bə ruşd iyən kəmol rosnomone. və(həlbəttə) əmə bəçəy(ləyoğəti) aqah bimon.

إِذْ قَالَ لِأَبِيهِ وَقَوْمِهِ مَا هَذِهِ التَّمَاثِيلُ الَّتِي أَنتُمْ لَهَا عَاكِفُونَ (52) 

Bə zəmon ki, bəştə pı(amu) və ğovmi voteşe: şımə hejo pərəstış kardə ım beruhə(beconə) heykəlon çiçin?

Dəvardə proqramədə ərzımon karde ki,bın surədə bə şonzə qılə ilahi peyğombəron jimoni işorə bıə.əmmo həzrəte İbreyim(ə) çın peyğombəron miyono qıləy məxsusə məğamış heste.çı həzrəte İbreyim(ə)-i de bıtpərəston miyono bıə diyaloq,çın surə çandə qılə ayə təşkil doydə.

In ayəon sıftədə hamyedə:Xıdovənde-Aləm bə İbreyim(ə)-i bo risoləti məsuliyyəti ğəbul kardeyro bıə ləyoğəti aqah be.əve çəy ruşd iyən kəmoli vositəon və səbəbonış çəy ixtiyorədə ğərolış doe.çın ləyoğəti nışonə əvbe ki,əv ıştə novcıvoni soronədə deştə ğəbilə camaati bəhs kardedəbe ki,boçi şımə ım beconə bıton pərəstış kardedon iyən bəşəv-bəruj çəvon vədə tə`zim kardedon?

Ruşine ki, ıştə piyəmerdəti faxti ilahi risoləti bə duş peqətə və bo məxloği nicotiro bə şırk iyən xorafati ələyh ğıyom kardə kəs,novcıvonəti faxti həm deştə ğovmi jıqo sıxan kardey bəzıne.

Çın ayəonku umutedəmon:

1-Xıdovənd qıləy şəxsi ləyoğət nıbə holədə bəy hiç qıləy mənəviyə nemət doydəni.

2-məxloği irşod iyən hidoyətoi koyədə,bəbe sıftədə çı nezə odəmonku binokəy.

قَالُوا وَجَدْنَا آبَاءنَا لَهَا عَابِدِينَ (53) 

(Əvon cəvobədə)Voteşone: əmə(hejo) ıştə pıon bəvon ibodət kardeyımon vində.

قَالَ لَقَدْ كُنتُمْ أَنتُمْ وَآبَاؤُكُمْ فِي ضَلَالٍ مُّبِينٍ (54) 

(İbreyimi)Voteşe: bə rosti ki, şımə iyən şımə pıon ojə-oşkoə zəlolətədə bıən.

Həzrəte Ibreyim(ə)-i ruşinə sıvoli mığobilədə ki,çı mışrikonku dəparseyşe ki,şımə boçi bedəlil bə ın beconə əşyaon ibodət kardedon,əvon hiç qıləy cəvob nıdoşone. əmmo fəğət ımışon vote ki,ım çəmə dədə-bobo adət və ğanun bıə və çəmə icozəmon niki, əmə ıştə ənkə-bobon ğanuni əvəzkəmon.qıləy holədə ki,hiç qıləy dəlil ni ki, dədə-bobon səhv nıkəyn və ya əvon çı peşonə omə nəslonku vey ağılmand və vey aqahin.bəlkəm,elmiyə koonədə adətən çımi əks səhihe və ımrujnə nəslon de dəvardə nəslon mığoyisədə vey aqah və məlumatinin.

Liza həzrəte İbreyim(ə) çı mışrikon ğeyri-məntıği cəvobi mığobilədə hamyeşe: ehanə şımə dəlil şımə cəddo-əbo qətə royebu,çən şımə de əvon bə ico çəvon həmonə qətə səhvə royədə şərikiyon.

Çın ayəonku umutedəmon:

1-çı yolon nodırıstə rəftoron,çəvon fərzəndon tərbiyədə vey təsirış heste və vey mumkine ıştə bədiqə bıə nəslon inhirofi zəminə hozzı kardedə.

2-deştə ğəbilə rəsmo-adəton hifz kardey və hiç qıləy dəlil nıbə holədə çəvon ğeyri-məntığiyə koon mıdofiyə kardey unvani bəştə dədə-bobon koon kur-kuronə təğlıd kardey, qıləy bə xoş nomə koe.

قَالُوا أَجِئْتَنَا بِالْحَقِّ أَمْ أَنتَ مِنَ اللَّاعِبِينَ (55) 

(Mışrikon)Voteşone: ayə tı həyği(ciddi) votedəş ya(deəmə) zərfət kardedəş?

قَالَ بَل رَّبُّكُمْ رَبُّ السَّمَاوَاتِ وَالْأَرْضِ الَّذِي فَطَرَهُنَّ وَأَنَا عَلَى ذَلِكُم مِّنَ الشَّاهِدِينَ (56) 

(İbreyimi)Voteşe: həlbəttə(kihəxədə votedəm) şımə pərvərdıqor(həmonə) osmonon iyən zəmini pərvərdıqore ki, əvonış bə vucud vardə və az(həm) bın həyğəti şoydəti kardə kəsonkum.

Həzrəte İbreyim(ə)-i de mışrikon bıtpərəstəti movzuədə bıə ğətiyyət və ğoyməti, boyis be ki, kali mışrikon çəyku xəbə bıstənon ki,ayə tı çəmə dədə-bobon zəlolətədə bıey, bə zərfət voteydəş ya ciddi və həyği? Zira bovə kardedənıbin ki, ikəs jıqo curətkəy bəçəvon əbo-əjdodi əğıdə ələyh sıxan bıvoti.əmmo de zərfəti votey istisno be.əmmo həzrəte İbreyim(ə) ıştə əğıdəş ojə-oşkoə holətədə bəyonış karde ki, çımı nəzəku şımə iyən aləmi ofəyəkəs və pərvərdıqor ikəse və ım bıton çı hestemoni aləmi koonədə hiç qıləy rolışon ni.

Çın ayəonku umutedəmon:

1-İdelojiyə xorafaton mığobilədə bəbe ciddi iyən ğətiyə formədə sıxan bıvoti və ıştə movğıyyəti bəbe elankəy ta ğasbu mınhərifon çı hani ğəflətiku oğo bıbon.

2-inson iyən dınyo ofəyə kəs,çəy koon tədbirış həm ıştə dastə qətə.nəinki,aləmi xəlğkəy və çəy idorə koon bə cokəson bıdəy.