576-ə hissə-Ənbiya surə-68-73 şərifə ayəon

576-ə hissə

قَالُوا حَرِّقُوهُ وَانصُرُوا آلِهَتَكُمْ إِن كُنتُمْ فَاعِلِينَ (68) 

(İnodkorə mışrikon)Voteşone: ehanə dılon heste qıləy ko əncom bıdənən, əy(bə otəşi dılə şodənən) bısutnən və bəştə xıdoon koməqkənən.

قُلْنَا يَا نَارُ كُونِي بَرْداً وَسَلَاماً عَلَى إِبْرَاهِيمَ (69) 

(Və oxoyədə qıləy otəş hozzı kardeşone və İbreyimışon ğande bəçəy dılə.əmə)Votemone: ha otəşha! Bo İbreymi sard və səlomət(be zərəl)bıbu.

Navnə proqramədə ğeydımon karde ki,bıtpərəston çı İbreym(ə)-i ruşinə məntıği mığobilədə qıləy dəlil vardeyku ociz mandin və de qıləy ələniyə məhkəmə təşkil kardey, əvışon mıttəhəm karde.çı məhkəmə hukm jıqo be ki,bəbe İbreyim(ə)-i barədə vey şiddətinə cəzo icro bıəninbe və əve əvışon de ın tərtibi bə ğərol omin ki, əy bə qıləy dıjdə otəşi dılə şodəyn ta həni hiçkəs curət pəydu nəkəy çəvon bıton barışto və ya bəvon beehtiroməti bıkəy.

Qıləy dıjdə otəşışon sənoe və İbreym(ə)-şon de mancanaği  bə otəşi şoləon miyon ğandeşone. əmmo de ilahi əmri otəşi nəinki,İbreym(ə)-ış nısutnışe,bəlkəm əv bə qıləy təhlukəş nıbə və səlomətə muhiti həm oqarde ta çə ilahi peyğombəri deşmınon çı Xıdovəndi ğudrəti mışohidəkəyn iyən ıştə be mənoə bıtpərəstətiku dast bıkəşon.

Çın ayəonku umutedəmon:

1-məntığışon nıbəkəson,ilahiyə merdon kıştey ya işkəncə doey dumon.qıləy holədə ki, Xıdopərəston tosə ıştə oxonə nəfəsi ıştə rostə əğedədə mandedən və de kufr iyən şırki muborizə bardedən.

2-təbyət iyən çəy ğanun,Xıdovəndi məxloğe və əvon bəçəy irodə tabeyin.əv həm səbəb icod kardedə və həm səbəb nıbə holədə qıləy çi bə əməl vardedə.

وَأَرَادُوا بِهِ كَيْداً فَجَعَلْنَاهُمُ الْأَخْسَرِينَ (70) 

Və(harçənd) əvon boəy(tədbir) hiylə irodəşon karde. əmmo əmə əvonımon çı vey ziyonkorə məxloğiku ğərol domone.

وَنَجَّيْنَاهُ وَلُوطاً إِلَى الْأَرْضِ الَّتِي بَارَكْنَا فِيهَا لِلْعَالَمِينَ (71) 

Və əv(İbreym) iyən Lutımon(çı kofiron şərriku) bo qırd dınyo məxloği bərəkətımon ğərol doə sərzəmini rosnemone(nicot domone).

Bıtpərəston xiyol kardedəbin ki,de qıləy dıjdə otəşi sənoe,İbreyim(ə)-i ko idəfənin bə oxo bərəse və əvon çəy dastiku ozod bəbeyn.əmmo de otəşi okuşe və de İbreyim(ə)-i solim mandey və  çı otəşi dıləku səlomət beşey,umum-məxloğ ıştə qətə royədə bə şəkkı-şubhə dıço bin.bə zəmon Babili sıtəmkorə podşo qıləy co məkrinə planış kəşe və dılış hestebe həzrəte İbreym(ə)-i çı miyoniku bobəy.əmmo ısət əy kıştey əvəzi,əmrış doe ki,ə həzrəti çə viloyətiku xarickən və bıtojnon. oxoyədə həzrəte İbreym(ə) deştə boə zo Lut(ə)-i bə Şami sərzəmini tərəf bə ro dəqınin.

Çın ayəonku umutedəmon:

1-Xıdovəndi irodə iyən ğudrət,bə deşmınon suyi-ğəsdi hakim və ğalibe və çəvon hiyləon bə puç bekardedə.

2-həx iyən botıli canqi miyono,oxoyədə həx səbarz bedə və botıl məhv bedə.

3-de kufri pur bıə sərzəminku bə pokə viloyəton hicrət kardey,ilahi ovliyaon şivəonkue.

وَوَهَبْنَا لَهُ إِسْحَاقَ وَيَعْقُوبَ نَافِلَةً وَكُلّاً جَعَلْنَا صَالِحِينَ (72)‏

Və bəy İshoğımon baxş karde və Yəğubımon həm əlovə karde və əvonımon salehə merdon ğərol domone.

وَجَعَلْنَاهُمْ أَئِمَّةً يَهْدُونَ بِأَمْرِنَا وَأَوْحَيْنَا إِلَيْهِمْ فِعْلَ الْخَيْرَاتِ وَإِقَامَ الصَّلَاةِ وَإِيتَاء الزَّكَاةِ وَكَانُوا لَنَا عَابِدِينَ (73) 

İyən əvonımon rəhbər vıjniyemone ki, deçəmə əmri məxloği hidoyət kardedəbin və bəvon çokə ko əncom doe iyən nımoji bərpo karde və zəkoti doey vəhy kardemone və əvon fəğət əməni ibodət kardə kəsonku bin.

Həzrəte İbreym(ə)-i  Şami sərzəminədə vırəbəvırə bıey iyən çə həzrəti de həzrəte Sara vəyə kardey bədiqə,əvon dırozə mıddəti ərzədə əğıl xıvand bedənıbin.de Sara təklifi İbreym(ə) deştə kənizi Hacəri izdivacış karde və Xıdovəndi çı Hacəriku bə İbreym(ə)-i İsmoyl(ə)-ış baxş karde.çımi bəpeştəSara həm fərzəndi soyb be və İshoğ(ə) bə dınyo ome və çı İshoğiku(ə) həm Yəğub(ə) bə əməl ome.

Bın ayəonədə bə İbreym(ə)-i əto kardə bıə fərzəndi koysə vey muhimmə çi,çəy de ilahi vəhyi ğəbul kardey vositə,camiyə rəhbərəti və imomət məğami bəştə ohdə peqətey be. Xıdovəndi bəy əto kardə risoləti məğam ki,çəy bədiqə bəçəy nəsl iyən fərzəndon həm ohdəş noe və əvonış bın qonə məsuliyyəti əncom doeyro loyığış zıne. həlbəttə ım yolə məsuliyyət de ilahi ubudiyyət və bandəçəti bino bedə iyən deəy dəvom doey tədavum pəydu kardə.

Çın ayəonku umutedəmon:

1-salehə fərzənd Xıdovəndi bəştə pok iyən salehə bandəon əto kardə yolə nemətonkue.

2-xolisonə bandəçəti,ilahi məxsusə inoyət və lutfon ğəbul kardey zəminəy iyən peyğombəron və imomon məxloği vey imominə şəxsonin.

3-ilahi vəhyi mehvər və mərkəz,milləti bə çokə koon tərəf dəvət kardeye.nımoj və zəkot çı çokə koon nımunəonku bə hisob omeydə.