581-ə hissə-Ənbiya surə-95-99 şərifə ayəon

581-ə hissə

وَحَرَامٌ عَلَى قَرْيَةٍ أَهْلَكْنَاهَا أَنَّهُمْ لَا يَرْجِعُونَ (95) 

Ha şəhri və diyori məxloğ ki, bə həlokət rosnemone, ğeyri-mumkine(hərome) əvon bə dınyo oqardon. əvon onıbəqarden.

Vəynə ayədə çı saleh iyən çokə ko əncom doə şəxson barədə sohbət kardedəbe ki, Xıdvənde-Aləm çəvon bə dumo noə əsəron və əməlon de tovə ğıyoməti ruji nıvıştedə və bəçəvon cəhdo-təloşi xoto,bəvon komilə surətədə mıkofot bədoe.

Bın ayədə bə muğobil qrupi işorə kardedə və hamyedə:kofiron iyən fosiğon ki, bəştə qınoon xoto,dınyoədə bə həlokət giriftor bedən,mardey bədiqə oruzu bəkayn ki, bə dınyo oqardon.əmmo ilahi rəhməti bə kofiron tərəf oqardey hərom bıə və çəvon jıqo qıləy oruzu kardey hiç qıləy foydəş nibəbe.

Kərimə-Ğıroni co ayəonədə həm çı kofiron mardey faxti kardə ım tələb omə.çoko ki, əvon çı mardey əlomət iyən nışonə vində vaxti,Xıdovəndiku tələb kardedən ki, əvoni ijən bə dınyo oqordıni  ta əvon çokə əncom bıdəyn.əmmo bəvon cəvob doey bedə ki, jıqo qıləy çi imkonış ni.

Çın ayəku umutedəmon:

1-çanədə bəyjimon,çokə ko əncom doey iyən ıştə yavə koon əvəzi beşey fikədə bıbəmon. zira mardey bəpeştə həni fırsət nibəbe

2-dınyo iyən axırəti soxtemon,qıləy ğoym iyən nufuz ğəbul nıkardə sisteme və bəvədə xilofə ko əncom doe ğeyri-mumkine.

حَتَّى إِذَا فُتِحَتْ يَأْجُوجُ وَمَأْجُوجُ وَهُم مِّن كُلِّ حَدَبٍ يَنسِلُونَ (96) 

De tobə əz zəmoni ki, ro bo Yəcuc-və Məcuci oj bəbe və əvon çı har qıləy bılındə vırəku obəvaşteyn və de surəti dəbəvardeyn.

وَاقْتَرَبَ الْوَعْدُ الْحَقُّ فَإِذَا هِيَ شَاخِصَةٌ أَبْصَارُ الَّذِينَ كَفَرُوا يَا وَيْلَنَا قَدْ كُنَّا فِي غَفْلَةٍ مِّنْ هَذَا بَلْ كُنَّا ظَالِمِينَ (97) 

Və həxə vədə nez be və çı kofiron çəşon  bə zəmon mot iyən oj bəmande və bəvoyen: vay bıbu bəmə bərosti ki, əmə çın rujiku ğəflətədə bimon. bəlkəm, əmə sıtəmkor bimon.

Dınyo bə oxo rəse iyən ğıyoməti bərpo bıey əlomətonku qıləyni,de Zul-Ğərneyni dasti soxtə bıə iyən çı Yəcuc-Məcuci hucumu qəteyro səddi darıştıeye.çoko ki, Kəhfi surə 98 iyən 99-ə ayəonədə votemone:Yəcuc iyən Məcuc qıləy ğovm bin ki, deştə bə co vırəon bıə həmləon,bəçəvon məhvi boyis bedəbe.tainki,Zul-Ğərneyn çəvon vədə qıləy bılındə divoş soxte və çəvon nufuzi vəyış qəte.Zul-Ğərneyn ıştə koy oxoyədə voteşe: hafaxti çımı pərvərdıqori və`də bırəso,ım sədd barışiye və həmonə ruji sur pu kardey bəbe iyən həmmə kəs cəm bəbeyn.

In ayəon həm hamyedə:dınyo cərəyon de ım minvoli dəbəvarde tosə ə zəmoni ki, Yə`cuc və Mə`cuci ğovm bə qırd dınyo pevolo bəbeyn və çı har qıləy bılındə vırəku de surəti obəvaşteyn və bə məxloği hucum iyən təcavuz bəkayn.

De suri pu kardey iyən de dınyo oxoy elan kardey vositə,kofiron jıqo bə tars iyən vəhşəti dıço bəbeyn ki,çəvon çəşon çı hərəkət kardeyku bəmande iyən çı ğurur və ğəfləti pardəon bə kəno bəşeyn iyən çəvon ah-nolə və həsrəti sədo rost bəbe ki,boçi əvon ğəflətədə bin və bə peyğombəron iyən muminon votə çiyon ləğ-ləğə kardedəbin. əvon nəhoyədə bəştə kardə koon etırof bəkan iyən ıştəni sıtəmkor bəzıneyn.

Çın ayəonku umutedəmon:

1-vəhşiyə ğovmon hucum kardey,dınyo oxo iyən ğıyoməti bino bıey nışonəy.

2-həxı inkor kardey iyən kufr çı ğəflət və be etinoətiku nəşət sedə və kofiron ğıyoməti ruji bə ın həyğəti iğror bəkan ,əmmo bəvədə çı foydə.

إِنَّكُمْ وَمَا تَعْبُدُونَ مِن دُونِ اللَّهِ حَصَبُ جَهَنَّمَ أَنتُمْ لَهَا وَارِدُونَ (98) 

Bəvon votey bəbe: həyğətən şımə iyən şımə Xıdo əvəzi pərəstış kardə çiyon çı cəhəndımi ezım bəbiyon və həzo-həlbət bə vırə varid bəbiyon.

لَوْ كَانَ هَؤُلَاء آلِهَةً مَّا وَرَدُوهَا وَكُلٌّ فِيهَا خَالِدُونَ (99) 

Əgər ım bıton Xıdo bıəbin bə həmonə cəhəndımi varid nıəbin. qıləy holədə ki, əvon əyo əbədi bəmandeyn.

Əvon ki, bəştə zılm iyən kufri etırof kardedən ,çəvon ım etırof ğıyoməti ruji boəvon hiç qıləy foydəş ni və bəçəvon bə cəhəndım varid bıey iyən  əyo bə əzobi giriftor bıey mane nibəbe.nəinki,əvon bəlkəm çəvon xiyoliyə məbudon həm əbədi cəhəndımədə bəbeyn və əvon ezımi ğəzinə bə cəhəndımi otəşi şodey bəbe.beconə sığ iyən çuə bıton çəvon kənoyədə ğərol bəqəte  ta bızınon çəvon dastiku hiç qıləy ko nibome və boəvon hiç qıləy nicotiro nibəbe.qıləy holədə ki,mışrikon ım bıton dınyoədə boştə şəfi iyən şəfoətəkə unvanədə pərəstış kardedəbin.

Çın ayəonku umutedəmon:

1-qınokoron bədəm cəhəndımi otəşi şoləvər bəkayn və çə vırə otəşi hejo bəvoşneyn.

2- zolımə insonon anənədə ğeymətışon ni ki,ğıyoməti ruji əvon bənə çu iyən co cəmodəti deəvon rəftor bəbe.