595-ə hissə-Həcci surə-52-57 şərifə ayəon

595-ə hissə

وَمَا أَرْسَلْنَا مِن قَبْلِكَ مِن رَّسُولٍ وَلَا نَبِيٍّ إِلَّا إِذَا تَمَنَّى أَلْقَى الشَّيْطَانُ فِي أُمْنِيَّتِهِ فَيَنسَخُ اللَّهُ مَا يُلْقِي الشَّيْطَانُ ثُمَّ يُحْكِمُ اللَّهُ آيَاتِهِ وَاللَّهُ عَلِيمٌ حَكِيمٌ (52) 

Və ıştı bənav hiç qıləy peyğomər iyən rəsul nıvğandemone ki, əv hafaxti oruzo kardedəbe, şəyton bəçəy(plan) oruzu ilğa kardedəbe. əmmo Xdıovənd çı şəytoni ilğa kardə çiyon çı miyoniku bardedəbe. peşo ıştə ayəon ğoym kardedə və Xıdovənd aqah iyən hikməti soybe.

Vəynə proqramədə bə kofiron bo tohidiyə dini məhv kardey xoto bıə cəhdi işorə kardeşe. ın ayə hamyedə:çı şəytoni ilğa iyən planon ki,mumkine çəvon veyni çı bəşəri cinsiku bıbu,tarıxi dırozi movcud bıə.çəvon hədəf mominon əğedə bə ilahi ayəon nisbətədə sıst kardey,peyğombəron bərnomə zəyif kardey iyən osmoniyə dinon pevolo kardey vəy qəteye.qıləy holədə ki,Xıdovənd irodəş kardə ıştə sıxani bə milləti quşi bırosni iyən hejo ıştə peyğombəron himoyə kardedə və bəvon koməq kardedə.

Çın ayəku umutedəmon:

1-çı şəyton iyən çəy duston proqrammə Xıdo ayəonədə şəkko-tərdidi icod kardey, qıləy dayimiyə cərəyone.muminon həm bəbe de əvon mıborizə bardeyro hərəkətkəyn.

2-Xıdovəndi və`də çı həxı bə botıli ğələbəy və mominon de bə Xıdo təvəkkul kardey ın ğələbə bə dast omeydə.

لِيَجْعَلَ مَا يُلْقِي الشَّيْطَانُ فِتْنَةً لِّلَّذِينَ فِي قُلُوبِهِم مَّرَضٌ وَالْقَاسِيَةِ قُلُوبُهُمْ وَإِنَّ الظَّالِمِينَ لَفِي شِقَاقٍ بَعِيدٍ (53) 

Ta(Xıdovənd) şəytoni bo çəvon dılon noxəş bıə kəson iyən sığədıl bıə kəson imtovoni vositə ğərol bıdəy və hukmən sıtəmkoron qıləy dıroz iyən nığılə deşmonətiyədən.

وَلِيَعْلَمَ الَّذِينَ أُوتُوا الْعِلْمَ أَنَّهُ الْحَقُّ مِن رَّبِّكَ فَيُؤْمِنُوا بِهِ فَتُخْبِتَ لَهُ قُلُوبُهُمْ وَإِنَّ اللَّهَ لَهَادِ الَّذِينَ آمَنُوا إِلَى صِرَاطٍ مُّسْتَقِيمٍ (54) 

Elm iyən zıney əhl bəbe bızınon(yəğınkəyn) ki(ın ayəon,peyğombəri oruzon), ıştı pərvərdıqori tərəfiku nozil bıə qıləy həxe. çən, bəy imon biyəyn və çəy mığobilədə çəvon dılon təvozukor bıbu və hukmən Xıdo imon vardə kəson bə rostə ro hidoyət bəkay.

In ayəon vəynə ayəon dəvomədə hamyedə:çı mıxolfon hiyləon bo həmməkəsi imtovoni meydone. ısət çı mominon bıbu ya kofir.kofiron ki,noxəşin və həxə sıxan bəvon nufuz kardedəni və əvon çı şəytoni ilğaon ğəbul kardedən iyən bəy pemandedən. həmonə ko boyis bedə ki,əvon rujbəruj çı həxıku bə diyəro bımandon iyən çəvon de həxı miyono bıə fosilə ziyod bıbu.qıləy holədə ki,mominon bə mərıfət iyən aqahəti əsos həxı çı botıliku mıəyyyən kardedən iyən ğoymə həxə kəlomi çı şəytoni ilğaonku co kardedən.əvon ıştə pərvərdıqori mığobilədə təvozukorin.Xıdovənd həm əvoni dınyo jimonədə bə rostə ro tərəf hidoyət kardedə.

Təbiiye həxıku bə diyəro mandey ya bə həxı pemandey təsironış heste.ım əsəron dınyoku əlovə ğıyomətədə həm zohir bəbe və kofiron bə cəhəndım iyən mominon bə vəhışti tərəf sovğ doydə.

Çın ayəonku umutedəmon:

1-nəğbətəti iyən pəxıləti,noxəşətiyonin ki,insoni çı həxı ğəbul kardeyku oqəteydə iyən insoni bə sıtəmkorəti və sığədıləti dıço kardedə.

2-həyğiyə elm əve ki,bə insoni həxı çı botıliku co kardey ğudrəti doydə iyən insoni çı həxı vədə təvozukor kardedə.

3-Xıdovənd bə həxı royədə ğədəm şodə şəxsi koməq kardedə  iyən əy bə roy oxo tərəf hidoyət kardedə.

وَلَا يَزَالُ الَّذِينَ كَفَرُوا فِي مِرْيَةٍ مِّنْهُ حَتَّى تَأْتِيَهُمُ السَّاعَةُ بَغْتَةً أَوْ يَأْتِيَهُمْ عَذَابُ يَوْمٍ عَقِيمٍ (55)‏

Və kofiron hejo bəy şəkk kardedən tainki, ğıyomət ğəflətən bome bərəse ya əğimi əzobi ruj bəçəvon soyəx bome.

الْمُلْكُ يَوْمَئِذٍ لِّلَّهِ يَحْكُمُ بَيْنَهُمْ فَالَّذِينَ آمَنُوا وَعَمِلُوا الصَّالِحَاتِ فِي جَنَّاتِ النَّعِيمِ (56) 

Ğıyoməti ruji hukumət bo Xıdoe. əv çı məxloği miyono hukm bədoe. çən, imon vardə kəson iyən çokə ko əncom doə kəson de neməton pur bıə(vəhışti) boğonədə bəbeyn.

وَالَّذِينَ كَفَرُوا وَكَذَّبُوا بِآيَاتِنَا فَأُوْلَئِكَ لَهُمْ عَذَابٌ مُّهِينٌ (57) 

Və kofir bıə kəson iyən çəmə ayəon təkzib kardə kəson. çən, boəvon xarəkə əzob heste.

Vəynə ayəon dəvomədə,ın ayəon hamyedə:kufr iyən inodkorəti ruhiyyə boyis bedə ki, kofiron de tobə ıştə umri oxo bə həxə roy tərəf nıvon iyən hejo bəvədə şəkko-tərdidkəyn tainki,deştə çəşon ğıyoməti ruji bıvindon iyən əzobi bıçaşton.vəyo həni çı inkori mənoş ni,çoko ki,əyo imon vardey həm hiç qıləy foydəş ni.

Ğıyoməti ruji çı hisobi ruje iyən hakim alim iyən adilə  Xıdo ıştəne.əv hakəsi bəçəy əğıdə iyən əməli əsos bəçəy hisobi bərəse.çokə ko soybon bıə muminon bə vəhışt varid bəkay iyən yavə ko soybon bıə kofiron bə cəhəndımi tərəf bəşıkırne.

Çın ayəonku umutedəmon:

1-şəkko-tərdid,ehanə çı təhğığ iyən həyğəti sərəseyro mığəddimə bıbu, ğeymətine. əmmo əgər de tosə ıştə umri dəvom pəydukəy,bə zəlolət və inhirofi dıço bəbe.

2-ğıyomət bənə mardey ğəflətən bome və çəy rəse sovə Xıdo hiçki zıneydəni.

3-Xıdovənd ğıyoməti ruji bıə hakiməti əsl,çı insonon dınyoədə bıə bə ğəlbiyə imon iyən kufri və çok və bevəcə əməlon əsose.