596-ə hissə-Həcci surə-58-62 şərifə ayəon

596-ə hissə

وَالَّذِينَ هَاجَرُوا فِي سَبِيلِ اللَّهِ ثُمَّ قُتِلُوا أَوْ مَاتُوا لَيَرْزُقَنَّهُمُ اللَّهُ رِزْقاً حَسَناً وَإِنَّ اللَّهَ لَهُوَ خَيْرُ الرَّازِقِينَ (58) 

Və Xıdo royədə hicrət kardə kəson peşo kıştey bıbon ya bımardon, hukmən Xıdovənd bəvon çokə ruzi bədoe və həyğətən Xıdovənd vey çokə ruzi ədəy.

لَيُدْخِلَنَّهُم مُّدْخَلاً يَرْضَوْنَهُ وَإِنَّ اللَّهَ لَعَلِيمٌ حَلِيمٌ (59) 

Şəkk ni ki, Xıdovənd bə qıləy vırə varid bəkay ki, əvon(çəyku) rozi bəmanden. bə rosti Xıdovənd əzın iyən həlime.

Bo peyğombər(s)-i iyən dini-islomi himoyə kardey xoto,çı Məkkəku bə Mədinə hicrət kardə mısılmınonku I qrup de təbiiyə formə çı dınyoku şiin və i dastə həm canqonədə bə şəhodət rəsin.məxloğiku i hissə fəğət şəhidon fəzilətin zıneydəbin iyən bo mıhociron hiç qıləy hurmət ğayil nıbin.

In ayə jıqo rəftori inkor kardə holədə hamyedə:hakəs bə Xıdo xoto ıştə şəhr iyən diyoriku hicrətkəyn,Xıdovəndi palu çəvon barzə məğamışon heste iyən ğıyoməti ruji Xıdovəndi məxsusə nemətonku bəhrə bəbardeyn,ısət əvon çı şəhid bıbon ya de təbiiyə ro çı dınyoku bışon.

Bəle dınyoədə ıştə rifoh iyən kə rohətiku dəvardə şəxson iyən ıştə din və imoni mıdofiyə kardə xoto ıştə kəbəyku ixroc və dərbədər bıə kəson,ğıyoməti ruji Xıdovənd bəvon vəhıştədə məğamon bədoe ki,çəvon dınyoədə bıə ın fədokorətiyon əvəz bebəşe iyən əvon rozi bəmendeyn.

Çın ayəonku umutedəmon:

1-Xıdo royədə hərəkət kardey muhimme,ısət çı təbiiyə mardey bıbu ya şəhodət, ımon çı insoni ixtiyorədə ni.

2-Xıdovənd çı imoni əhli dınyoədə bıə məhrumiyyəton qırd əvəzi bebəşe iyən əvoni bə vəhışt varid bəkay.

3-Xıdovənd imoni əhli çı zolımon dastiku kəşə çiyonku aqahe.əmmo çəvon səbr və hovsələ ziyode və Xıdo çı zolımi cəzo iyən çı momini mıkofatış bo ğıyoməti rujiş oqətə.

ذَلِكَ وَمَنْ عَاقَبَ بِمِثْلِ مَا عُوقِبَ بِهِ ثُمَّ بُغِيَ عَلَيْهِ لَيَنصُرَنَّهُ اللَّهُ إِنَّ اللَّهَ لَعَفُوٌّ غَفُورٌ (60) 

(Bəle)Jıləvoniye. və hakəs bəy sıtəm bıə miğdorədə cəzo bıdo, əmmo ijən bəy zılm bıbu, hukmən Xıdovənd bəy koməq bəkay. həlbəttə Xıdovənd əfvəkə iyən əbaşxe.

Navnə ayə dəvomədə ki, Xıdovənd çı mıhociron mıkofoti de əbədiyə vəhışti bebəşe, ın ayə hamyedə: Xıdovənde-Aləm dınyoədə həm bəvon koməq bəkay iyən ıştə ğeybiyə imdodon bəvon nışon bədoe.hafaxti deşmınon bə mısılmınon hucumkəyn, çəvon vəzifə ıştəni mıdofiyə kardey iyən çəvon mığobilədə mandeye. həlbəttə bəbe bə ədoləti rioyətkəy iyən çı həddiku nıdəvardi.əmmo əgər deşmon dast nıkəşon iyən bəştə təcavuzi dəvom bıdo,Xıdovəndi həm bəvon koməq kardey və`dəş doə.

Şəkk ni bə zılmi tov vardedən iyən ıştəni mıdofiyə kardedənin,bə ilahi ım və`də şomil nibəben və bəbe çəşnıkəyn ki,de dıvo iyən razo-niyozi vositə Xıdovənd bəvon koməq bəkay.

Çın ayəku umutedəmon:

1-ıştəni,ıştə xıyzon iyən şəhro-diyori mıdofiyə kardey,həm qıləy təbiiyə həxe və həm qıləy diniyə vəzifəy.

2-ədolət qıləy əbədi iyən dınyəviyə erje.

3-çı cəzo palu əfv iyən rəhmət,qıləy ilahi əxloğe.

ذَلِكَ بِأَنَّ اللَّهَ يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ وَأَنَّ اللَّهَ سَمِيعٌ بَصِيرٌ (61) 

Im(ilahi koməqi və`də) bəçəy xotoe ki, Xıdovənd(bə harçi ğadire). şəvi bə ruji, ruji(həm) bə şəvi jeydə. həlbəttə Xıdovənd əməs iyən vindedə.

ذَلِكَ بِأَنَّ اللَّهَ هُوَ الْحَقُّ وَأَنَّ مَا يَدْعُونَ مِن دُونِهِ هُوَ الْبَاطِلُ وَأَنَّ اللَّهَ هُوَ الْعَلِيُّ الْكَبِيرُ (62) 

Im(Xıdo bə məzlumi koməq kardey) bəçəyroe ki, Xıdovənd həxe və sovə əv(çəvon) vanq jıə har çi botıle. həlbəttə Xıdovənd barz, yole.

Vəynə ayədə Xıdovənd bə mominon koməq kardey və`dəş doe.ın ayə hamyedə:ım koməqi və`də bəçəy xotoe ki,Xıdovənd bə har qıləy ko ğadire iyən hestemoni soxtemon çəy ixtiyorədəy.əve zəmini planeti çı həşi qırdo qordınəkəs və əve şəvı-ruji icodəkə iyən çəvon vırə və hərəkəti ro əv təyin kardedə.mıxtəlifə fəslonədə şəvı-ruji dırozi fərğ kardedə iyən əvəz bedə.əmmo çəvon qıləy mıəyyənə nəzmışon heste və ım çı Xıdovəndi benəhoyətə ğudrəti nışon doydə.

Əv nəinki, hestemoni aləmi xəlğəkəy,bəlkəm həm çəy pərvərdıqore və bəvədə çiç dəvardedə, vindedə iyən məseydə.Jıqo ni ki,əv dınyoş ofəyə,çən peşo əvış bəçəy ıştən holiş vadoə.əv həxe iyən sabite və sovə əv harki iyən harçi həm bıbu,botıl iyən şıənine iyən bo pərəstış və ibodəti ləyoğətış ni.əv bəsə har qıləy ğudrətisə bəpeye ki, bəşər əy ıştə zehnədə əy dəvordıno ya təsəvvırkəy.çən,əv kardey bəzıne bəştə duston koməqkəy iyən ıştə deşmınon məhvkəy.

Çın ayəonku umutedəmon:

1-hestemoni aləm bo Xıdovəndi elm iyən ğudrətiro veyçokə dəlile.çən,fəğət bəy təkyəkəmon iyən çəyku koməq tələbkəmon.

2-həyğiyə həx Xıdovənde iyən həxı zıney meyar,çı Xdıovəndi tərəfiku omə bə insoni rəsə çiye.

3-Xıdovənd bə mominon koməq kardey iyən həxı bə botıli ğalib omey təzminış doə. həlbəttə de ın şərti ki,muminon ıştə dasto omə koon çok-çoki əncom bıdəyn.