621-ə hissə-Nuri surə-15-20 şərifə ayəon

621-ə hissə

إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّناً وَهُوَ عِندَ اللَّهِ عَظِيمٌ (15) 

Bə zəmon ki, iyənde zıvoniku(behtonon) peqəteydəbiyon və nızıne-nızıne qəv bə qəv voteydəbiyon iyən əy sodə və hırd zıneydəbiyon. qıləy holədə ki, əv Xıdo palu dıjde.

وَلَوْلَا إِذْ سَمِعْتُمُوهُ قُلْتُم مَّا يَكُونُ لَنَا أَن نَّتَكَلَّمَ بِهَذَا سُبْحَانَكَ هَذَا بُهْتَانٌ عَظِيمٌ (16) 

Boçi(həmonə behtoni məseyədə) nıvoteyone: bəmə bə ım bedəlilə iftiraon barədə qıləy sıxan votey damedəni. (Xıdolim ha)tı pok(mınəzzəhiş) ım qıləy dıjdə behtone.

Navnə proqramədə votemone ki,çı Mədinə mınofiğonku i dastə bə peyğombər(s)-i jenon qıləyni qıləy dıjdə behtonışon ğande iyən əvış mıttəhəm karde ki, de qıləy merdi rabitəş bıə.mısılmınon həmçinin de jıqo camiyədə şayiə pevolo kardə kəson tındə rəftor kardey əvəzi,bəçəvon şayiəon quş doydəbin iyənbo cokəson nəğl kardedəbin. ım ko bə peyğombər(s) iyən bəçəy jimoni həmro norohəti boyis be. Xıdovənd bın ayəonədə hamyedə:boçi şımə qıləy çi yəğın və dəğiğ nıznə nıznə holədə bəştə zıvon vardedon iyən bə cokəson voteydon və de cokəson abru-heysiyyati hənək kardedon?bəqəm zıneydəniyon ki, çı cokəson barədə məsə harçi bəbe bə cokəson nıvoti.əv həm qıləy dıjdə behton ki, çəy itərəf çı peyğombər(s)-i jimoni həmroye.

In ayə bə dıqlə iştimayi vəzifə işorə kardedə.qıləyni ıme ki,camiyədə çiç məseydon be dəlil ğəbul məkənən ta duyə şayiəon rəvoc pəydu nıkəyn.co qıləyni ıme ki, çiç məsedon iyən zıneydon bəbe əy bo cokəson nəğl nıkoyn. zira camiyədə çı ihissə insoni abru bardey nıbu ki,ım çı islomi prizmaku qıləy bə xoş nıomə koe.

Çın ayəonku umutedəmon:

1-camaati zıvononədə qardə sıxani,hiç qıləy təhğığ nıkardə holədə ğəbul məkəmon.

2-ğandə bıə behtonon nəğl kardey iyən çı cokəson abru ru kardey qıləy səhl və hostonə koe, əmmo ım çı Xıdo palu qıləy vey yavə və bə xoş nıomə koe.

3-çı cokəson abru bardey,çı qırd camiyə fərdon vəzifəy. şayiəon nəşr kardey əvəzi, bəbe de əvoni pevolo kardə kəson tındə rəftor bıbu.

يَعِظُكُمُ اللَّهُ أَن تَعُودُوا لِمِثْلِهِ أَبَداً إِن كُنتُم مُّؤْمِنِينَ (17) 

Xıdovənd boşımə moyizə kardedə ki, əgər imonon heste, hiç faxti jıqo behtonon tikror məkənən.

وَيُبَيِّنُ اللَّهُ لَكُمُ الْآيَاتِ وَاللَّهُ عَلِيمٌ حَكِيمٌ (18) 

Xıdovənd boşımə ıştə ayəon bəyon kardedə və əv əzın iyən hikməti soybe.

Çun bə cokəson şər ğandey əv həm qıləy namusiyə koy, Xıdovəndi tonoku qıləy dıjd iyən muhimmə koye.ın ayə ijən bə həmonə məsələ işorə kardedə və hamyedə: Xıdovənd bənə mehribon iyən dıləsutə pı-mo ıştə fərzəndi moyizə kardedə ta əv ijən bə səhvə ro dıço nıbu.əv şıməni nəsyət kardedə ki, mığət bıbənən və islomi camiyədə həni jıqo səhvon tikror məkənən.zira ım ko de imoni i omeydəni. ehanə dəvardə soronədə şımə bəştə nodonəti iyən ğəfləti xoto bə qıləy səhvi mırtəkib biyon və ısət ki, aqah və oğo biyon həm ıştə dəvardə qınonku tobəkənən və həmən bə ğərol boənən ki,həni ikərə həm vəoməyədə ım ko tikror nibəkayon və bıznən ki, Xıdovənd şımə ko, fik iyən niyyətonku xəbədoe.

Çın ayəonku umutedəmon:

1-insoni bə moyizə iyən pandi ehtiyocış heste və Kərimə-Ğıron bo moyizəro vey əla qıləy kitobe. çən, əy bəhandəmon iyən çəyku pand bıqətəmon.

2-bə cokəson şər ğandey ki, ım həm çı bədbinəti və suyi-zənniku bə əməl omeydə, çı imoni zəyifəti nışonəy.

3-vey çokə moyizə ıştə qınoonku tobə kardeye ki,həm dəvardə qınoon pok kardedə və həmən bəçəy vəoməyədə əy tikror kardey mane bedə.

إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ (19) 

Bərosti çı imoni əhli miyono bevəcətiyon pevolo kardey dılışon bıə kəson. boəvon dınyo iyən axırətədə dardinə əzob heste. və Xıdovənd zıneydə iyən şımə zıneydəniyon.

وَلَوْلَا فَضْلُ اللَّهِ عَلَيْكُمْ وَرَحْمَتُهُ وَأَنَّ اللَّه رَؤُوفٌ رَحِيمٌ (20)

Və əgər ilahi fəzl iyən rəhmət bəşımə bıənıəbe və çun Xidovənd şəfğətin iyən mehribone(bəşmə saxtə əzob ədəy).

Xıdovənd bın ayəonədə bə cokəson iftiro ğandey qıləy dıjdə qıno hisob kardedə və hamyedə: nəinki, bə cokəson şər ğandey iyən ım behtoni camiyədə pevolo kardey qıləy qıno məhsub bedə,bəlkəm ehanə qıləy şəxs ıştə ğəlbədə həm bıpyişe qıləy mumini abru rukəy ta əv çı məxloği miyono qıləy yavə ko soybi unvanədə zıney bıbu, ım çə həmonə qıno daxiliyə tələbe.harçənd bın barədə praktiki hiç qıləy ko həm əncom nıdo.

Deməkə ki,islomi fərhənqədə bo qıno əncom doeyro bıə məğsəd, qıno hisob bedəni, əmmo dıqlə vırədə Kərimə-Ğıron ım daxili və botıniyə koş qınoş hisob kardə. qıləy çı cokəson barədə bədbinəti iyən suyi-zənn kardey ki,hamyedə: ”innə bə`zə-zənni ismun”-yəni bərosti kali zənn və qımonon qınoe. və co qıləyni bo cokəson abru rukardey rozi bıeye ki, harçənd şəxs qıləy koş əncom doəni və bə qıno mırtəkib bıəni.

Təbiiye ğərəz Xıdo hiçki çı daxili niyyətonku xəbədo ni və əmə çı cokəson abru-həyo bardey dumo bıə kəson zıneydənimon, əmmo Xıdovənd bəştə lutfi əsos bəvon cəzo doey koyədə dastpoçə ni ki,ğasbu əvon oqardon iyən tobəkoyn.

Əmmo əmələn ım ko əncom doə kəson iyən cokəson abru-həyo bardəkəson, bın dınyoədə bəbe bəştə cəzo bırəson və həşto şəlloğ bəbe bəvon bıqno. çımisə əlovə cəhəndımi saxt iyən şiddətinə əzob həm əvoni çəş kardedə.

Çın ayəonku umutedəmon:

1-bə qıno əloğə bıey,çəy mığəddəmə və vəsəy. çı qınoon miyono kəbirə qınoonku hisob bıə qıno fəğət behton ğandey iyən çı cokəson abru-həyo bardeye.

2-islomi camiyədə yavəçiyon pevolo kardey,ısət çı de sıxani bıbu ya de əməli, həm çı insoni dınyo xərob bəkay vəhəm çəy axırəti.