809-ə hissə-Yasini surə-51-58 şərifə ayəon

809-ə hissə

وَنُفِخَ فِي الصُّورِ فَإِذَا هُم مِّنَ الْأَجْدَاثِ إِلَى رَبِّهِمْ يَنسِلُونَ (51) 

Və bə suri pu kardey bəbe, çən ğəflətən əvon quronku(bəhışten) de surəti bəştə pərvərdıqori tərəf bomen.

قَالُوا يَا وَيْلَنَا مَن بَعَثَنَا مِن مَّرْقَدِنَا هَذَا مَا وَعَدَ الرَّحْمَنُ وَصَدَقَ الْمُرْسَلُونَ (52) 

Bəvoteyn: vay(bıbu) bəmı kon şəxsi əməş çəmə hıtə vırəku rostış karde. ım həmonə çiye Rəhmonə Xıdo və`dəş doəbe və pəyğombəron rost votəşone.

إِن كَانَتْ إِلَّا صَيْحَةً وَاحِدَةً فَإِذَا هُمْ جَمِيعٌ لَّدَيْنَا مُحْضَرُونَ (53) 

(Bəle)Ğərəz qıləy vanqi(sədo) ğəflətən əvon həmmə çəmə palu hozzı bəbeyn.

Vəynə bərnomə ayəonədə bə ın mevzu işorə be ki, mevcud bıə dınyo de Xıdovəndi tələbi bə oxo bərəse və zəmini qırd sakinon de qıləy dıjdə sədo vositə bəmardeyn və ıştə coni çı dasto bədon.

In ayəon hamyedə: de Xıdovəndi tələbi ijən de qıləy osmoniyə vanqi həmmə məxloğ sənibəton bəyji bəbeyn və zəminiku xaric bəbeyn. zəmin bənə hamilə inə və jeni ıştə tojə hırdənon bə dınyo bəvarde. yəni zəmini jiyədə hıtə iyən çəvon bədəmon vırto-volo bıə insonon-bənə inə ləvədə ozavziyə iyən ruşd kardə nutfəon pebərəseyn və komilə insonon formədə xəlğ bəbeyn.

Təbiiye ğıyoməti ruji səhnədə hozzı bıə kəson deştə çəşi xılğətədə bımyon ijən sənibəton bəyji bıey koyədə ilahi ğudrəti mışohidə bəkardeyn və həmçinin əvon pəyğombəron dınyoədə doə ilahi və`dəon təsdığ bəkardeyn.

Çın ayəonku umutedəmon:

1-miad cismoniye və insonon deştə dınyoədə bıə bədəmi ğıyoməti ruji məhşur bəbeyn.

2-ğıyoməti ruj həsrəti ruje. kofiron bədbinəti və muminon kamə ko əncom doeyro bıə həsrət.

3-ğıyoməti ruj, iqlə məkon iyən zəmoni tarıxədə həmmə insonon iştiroki ərsəy.

فَالْيَوْمَ لَا تُظْلَمُ نَفْسٌ شَيْئاً وَلَا تُجْزَوْنَ إِلَّا مَا كُنتُمْ تَعْمَلُونَ (54)‏

Çən, jıqo qıləy rujədə bə hiçkəsi sıtəm nibəbe və ğərəz şımə kardə əməlon bəşmə cəzo doey nibəbe.

إِنَّ أَصْحَابَ الْجَنَّةِ الْيَوْمَ فِي شُغُلٍ فَاكِهُونَ (55) 

Beşək vəhışti əhl həmonə ruji de kef-xoşi məşğulin.

هُمْ وَأَزْوَاجُهُمْ فِي ظِلَالٍ عَلَى الْأَرَائِكِ مُتَّكِؤُونَ (56) 

Əvon iyən çəvon jimoni həmroon soğnəon jiyədə bə ziynətinə taxton təkyə bəkardeyn.

لَهُمْ فِيهَا فَاكِهَةٌ وَلَهُم مَّا يَدَّعُونَ (57) 

Vəyo boəvon(harcurnə miyvə) hozzıe və əvon harçi bıpyişone boəvon mevcude.

سَلَامٌ قَوْلاً مِن رَّبٍّ رَّحِيمٍ (58) 

Səlom, çəvon mehribonə pərvərdıqori sıxane boəvon.

Ğıyoməti ruji insonon ilahi ədoləti məhkəmədə iştirok bəkarden ta hakəs bəştə əğedə iyən əməlon əsos, bə cəzo iyən mıkofati bırəson. liza Kərimə-Ğıron hamyedə: bın məhkəmədə həmmə çi bə ilahi mizoni əsos təyin bəbe və bə hiçkəsi izərrə həm sıtəm rəvo vindey nibəbe. çokə ko soybon bəştə ləyoğtinə əməlon xoto bə çokə mıkofaton bərəse və yavə ko soybon həm bevəcə ağıbətışon bəbe.

Ayəon peşo bə vəhışti əhli vəzyəti işorə kardedə və bə vəhıştədə bıə kali ilahi neməton işorə kardedə ki, ımi əmə dınyo sakinon dərk kardey iyən fame zıneydənimon. bənə xorak, tankardemon, məskən iyən jimoni həmro bıə neməton çı asayiş, rifoh iyən oroməti nışonəonkuye. ə neməton ki, bə vəhışti əhli tələb iyən irodəon əsose və boəvon vəyo harcurnə ləzzətiku bəhrə bardey zəminə hozzı bəbe və əvon əyo hiçvaxti sıst iyən bezo nibəbeyn.

Həlbəttə, ilahi maddi neməton kəno mənəviyə lutfon həm bəvon şomil bəbe. ım, ilahi səlome ki, Xıdovəndi bo vəhışti əhli nəzədə qətə qıləyməxsusə rəhməti nışonəy ki, ım həm çı har qıləy maddiyə nemətonku vey bəpe iyən barze.

Çın ayəonku umutedəmon:

1-ğıyomət ilahi ədoləti buruz iyən zuhur kardə ruje və hakəs çı harcurnə dınyəvi nisbət və nezətiyonku bə diyəroə bıə holədə bəştə əməlon cəzo bərəse.

2-vəhışt, de şoyvonəti iyən kefi pure və  ğəmo-ğussə bəvədə mevcud ni.

3-vəhıştədə həm insonon xıyzoniyə jimonış heste və jimoni həmroon iyandeyku ləzzət bardedən.

4-vəhıştədə bo insoni hiç qıləy məhdudiyyət mevcud ni və əv çiç oruzuko boəy əyo hozzı bəbe.