863-ə hissə-Zuməri surə-51-53 şərifə ayəon

863-ə hissə

فَأَصَابَهُمْ سَيِّئَاتُ مَا كَسَبُوا وَالَّذِينَ ظَلَمُوا مِنْ هَؤُلَاء سَيُصِيبُهُمْ سَيِّئَاتُ مَا كَسَبُوا وَمَا هُم بِمُعْجِزِينَ (51) 

Çən, çəvon mırtəkib bıə yavə koon(nəticə) bəvon(ome) rəse və çəvonku sıtəm kardə kəson bəvon bərəseyn və əvon əməni ociz kardey nibəzıne.

Navnə bərnomədə fəğət saxtiyonədə Xıdo zikr kardə və rifoh iyən neməton dılədə  Xıdo çı viro bekardə və ın neməton ıştə ağli məhsul zınə, nəyinki, Xlıdo tərəfiku, nunkurə millətiku sıxan votedəbe, ın ayə hamyedə: ın saxtiyon və muşkilatonki, bəvon rəsəbe, çəvon ıştən kardə kon nəticəy. çoko ki, vəomədə həm ıştə zinə və ımruj kardə zılmi nəticə, bəvon omə rəsə. həlbəttə, çəvon əməlon əsli iyən oxonə nəticə, ğıyoməti ruji əvoni dəbəqəte və əvon bəpe qımon nıkon ki, dınyo iyən axırətədə ıştə kardə koon nəticə ğəhr və ğəzəbiku fərol kardey bəzıneyn.

Çın ayəku omutedəmon:

1-çoko ki, təbyəti maddi nizomiku əməl və əksul-əməl ğanun hakime, insoni koon barədə həm ilahi sınnət və ğanun hakime. liza, bə har qıləy ko, mutənosibə reaksiyə nışon doey bedə. əve, inson oxo qıləy zəmon rə ya di deəy dimbədim bome.

2-qırd neməton Xıdo tərəfikuye, əmmo qırd ım saxtiyon iyən muşkilaton çəmə ıştən bekardə səhfə ğərolon nəticəy.

أَوَلَمْ يَعْلَمُوا أَنَّ اللَّهَ يَبْسُطُ الرِّزْقَ لِمَن يَشَاءُ وَيَقْدِرُ إِنَّ فِي ذَلِكَ لَآيَاتٍ لِّقَوْمٍ يُؤْمِنُونَ (52) 

Aya(hələm) nızneşone ki, Xıdovənd bo hakəsi bıpyişe ruzi hevuj iyən tanq bəkarde? həyğətən, bın koyədə bo imon vardə kəson qıləy nışonə heste.

Vəynə proqramədəayəonədə omə be ki, i hissə odəmon ilahi neməton bəştə nisbət doydəbin, ın ayə çəvon ım nodırıstə nəzə və iddion rədd kardedə və hamyedə: rızğo-ruzi əsl çı Xıdovəndi tərəfikuye və çəy dastədəy. liza, jıqo ni ki, hakəsi elmış bıbu, bə rızğo-ruzi bərəse.

Həlbəttə, jimoni koonədə bə insoni vocibe ki, bo elm və zıney kəsb kardero səy və cəhdko və Xıdovənd nodon və beəmələ fərdonku xoşış omeydəni. eyni holədə bəpe qımon kardey nıbo ki, həmmə çiyon bəçəy irodə və cəhdon tabeye. rızğo-ruzi qıləy çiye ki, oxoyədə bə insoni rəseydə bə mıxtəlifə fərdi iyən iştimoyi amilon tabeye və Xıdovənd bəştə hikməti əsos əy çı milləti miyono təğsım bəkarde.

Çın ayəku omutedəmon:

1-çəmə vəzifə bo maaşi kəsb kardero səy və cəhd kardeye. əmmo, hakəsi çın ruziku bəhrə bardey mizon və mığdor, bə ilahi hikməti tabeye.

2-rızğo-ruziyədə ilahi ədolət çı qırd milləti ruzi i formaədə mənoədə ni. bəlkəm, Xıdovənd hestemoni aləmədə ğərol doə bə mıxtəlifə amilon əsos, çı fərdon rızğo-ruzi farğin mıəyyən kardedə. həlbəttə, əv hakəsiku bəy doə rızğo-ruzi mizon və mığdori əsos, sıvol-cəvob bəkarde.

قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ (53) 

(Ha pəyğombər ha!)Vuji: ha bəştə nəfsi isrof(və sıtəm) kardə çımı bandəon ha! Xıdo rəhmətiku məyus məbənən. həyğətən, Xıdovənd həmmə qınoon bəbaxşe. zira, Əv vey əbaxş və mehribone.

In ayə həmməysə vey umu baxş kardə ilahi ayəonku qıləyniye. iyo Xıdovənde-Aləm deştə məhəbbət və lutfi xıç bə pur bıə ləhn və toni ıştə rəhməti ağuşi bə həmmə kəsi dimi oj kardedə və qıləy umumi amnistiyə və əfvi fərmoni sadir kardedə. ın ayə bə həmmə qınokoron və əkəson ki, bəştə zılmışon kardə və ıştə umr iyən istedodış bihudə və botılə royədə dəvordınəşone, hamyedə: oqardemoni roy hejo oje və ilahi rəhmət və lutf jıləvoniye ki, hiçkəs bəpe Xıdovəndi rəhmətiku məyus nıbu və qımon nıkon ki, Xıdo əy nibəbaxşe.

Bəle, ilahi ğufron və rəhməti bəon bə həmmə bandəon dimi oj bıə. muhim ıme ki, inson bıfamo və dərəso xəto və səhfış kardə və bəştə booy. qıləy zəmon ki, insonədə həyğiyə peşmonəti holət icod bedə və bə ğərol omeydə ki, həni ıştə roy əvəzko və çı səhfə royku oqardo, ilahi məğfırət və baxşeşi zəminə hozzı kardedə və Xıdovənd həm əy baxşedə.

Im çı Xıdovəndi lutfikuye ki, bə qınokorə insonon de ıştə bandəon nomi xitob kardedə. bənə qıləy pıə ki, ıştə fərzəndon yavə koonku norohəte, əmmo boçəvon ıştə bədə koon tərk kardey səmt dəvət kardey xoto, hamyedə: harçi bıbu tı çımı fərzəndiş və ıştı dəvardəyon baxşedəm. jıqoşə səy bıkə həni jıqo xəto və səhfon tikror məkə.

Həyğətədə,”bəştə sıtəmon kardə” cumlə ki, bın ayədə omə, çın nuktəku hikoyət kardedə ki, ha inson ha! ıştı yavə və bə xoş nıomə rəftor, ğərəz tı bə hiçkəsi zərəl nibərosne. çən, bəştə sıtəm və zılm məkə və ıştə fikədə bıbu.

Çın ayəku omutedəmon:

1-ilahi rəhmət məhdud ni, bəlkəm bə Xıdo bandəon həmmə şomil bedə və fəğət bə muminon məxsus ni.

2-qınoon baxşey, ilahi rəhməti tələbe. liza, məyusəti və noumu bıey, Xıdo rəhmətiku cayiz ni və qınokoron bəpe hiçvaxti Xıdo rəhmətiku məyus nıbon.

3-qıno, inev bəştə sıtəm və çı etıdol iyən miyonə royku xaric bıey mənoədəy.

4-bə ilahi əmron nıpemandə qıno kardə kəs, həyğətədə, bəştə ziyonış rosnə, nəyinki, bə Xıdo.