930-ə hissə-Casiyə surə -15-20 şərifə ayəon

930-ə hissə

مَنْ عَمِلَ صَالِحًا فَلِنَفْسِهِ  وَمَنْ أَسَاءَ فَعَلَیْهَا  ثُمَّ إِلَى رَبِّکُمْ تُرْجَعُونَ(15)

Hakəs salehə ko əncom bıdo,bəçəy ıştən xeyriye və harki bə bədə əməli mırtəkib bıbu,bəçəy ıştən ziyoniye.peşo (şımə)bəştə pərvərdıqori səmt oqordıney bəbiyon.

Navnə bərnomə oxonə ayədə bə ğıyoməti ruji bə həşə jıəkəson rəftori formə işorə kardedəbe,ın ayə hamyedə:qımon məkənən şımə imon iyən kufr ya şımə itoət iyən nıpemandey bə Xıdo qıləy xəyr iyən ziyon bərosne.hakəs çokə ko bıko,çəy məhsul bəçəy ıştəni obəqarde və ğıyoməti ruji əy ğəbul bəkarde.dırıst bənə qıləy mellimi ki,bəştə şoqirdon votedə:şımə çı dərs bahndiyon ya nıhandiyon çəy mənfəət və zərəl hejo bəşmə ıştəni məxsuse.çəy bomı hiç qıləy nəf` iyən zərəlış ni.çın ayəku omutedəmon:

1-İlahi mıkofot iyən cəzo nizom,bə insonon çok iyən bədə əməlon əsose və həmmə insonon İlahi ğanuni vədə mısoviye.

2-Xıdovənd çı insoniku be ehtiyoce və İlahi təlimon həyğətədə insoni ıştən ruşd iyən kəmoli cəhətədəy.

وَلَقَدْ آتَیْنَا بَنِی إِسْرَائِیلَ الْکِتَابَ وَالْحُکْمَ وَالنُّبُوَّةَ وَرَزَقْنَاهُم مِّنَ الطَّیِّبَاتِ وَفَضَّلْنَاهُمْ عَلَى الْعَالَمِینَ(16)

Və əmə bə Bəni-İsrayili kitob iyən hukumət və nıbuvvət domone və pokizə çiyonku(bəvon)ruzi domone və əvonımon (bə rujiqorədə)bəsə aləmonsə barzəti domone.

وَآتَیْنَاهُم بَیِّنَاتٍ مِّنَ الْأَمْرِ  فَمَا اخْتَلَفُوا إِلَّا مِن بَعْدِ مَا جَاءَهُمُ الْعِلْمُ بَغْیًا بَیْنَهُمْ  إِنَّ رَبَّکَ یَقْضِی بَیْنَهُمْ یَوْمَ الْقِیَامَةِ فِیمَا کَانُوا فِیهِ یَخْتَلِفُونَ(17)

və (dini)əmrədə ruşinə dəlilon bəvon domone.çən,ixtilof nıkardeşone illa bəvon elm iyən aqahəti ome.(əv həm) bəçəvon miyono bıə həsodət iyən rəğobəti xoto,hukmən ıştı pərvərdıqor ğıyoməti ruji çəvon ixtilof kardə çiyon barədə çəvon miyono mıhokimə(hakiməti)bəkarde.

In ayəon bə Xıdovəndi dəvardə devronədə çı Bəni-İsrayili ixtiyorədə ğərol doə dıjdə neməton işorə kardedə ta bə İslomi umməti ibrəti boyis bıbu.sıftədə bə osmoniyə kitobi neməti,bəçəvon bə hukuməti iyən peyğombəron besəti işorə kardedə və peşo bə pokə ruziyon işorə kardedə və hamyedə:bə ın neməton xoto,əvon bəsə ıştə zəmonə millətisə barzəti pəydu kardeşone.əmmo məələsəf bəştə həsodəti iyən rəğobəti xoto,de iyande bə ixtilof dıço bin.deməkə ki,həx boəvon ruşin be və bə İlahi kitobi əsos bo həyğəti zıneyro kifoyət ğədərədə dəlilon çəvon ixtiyorədə beyədə,əvon ıştə ixtilofonku dastışon nıkəşe.əvon hejo jəqo bəştə ixtilofon dəvom doşone tayinki,ıştə ğudrət iyən əzəmətışon çı dasto doşone və hukumətiku sağit bin və bə tənəzzuli dıço bin..çın ayəonku omutedəmon:

1-maddi iyən mənəvi neməton Xıdoku bızınəmon və çəvonku səhih oko bıdəmon ta həmonə bın dınyoədə həm bə barzəti bırəsəmon.

2-nıbuvvət iyən hukuməti miyono qıləy ziddiyyət ni və siyosət bəpe bə dini usul iyən erjon əsos bıbu.

3-Xıdovəndi huccətış bə milləti təmomış kardə və ruşinə dəlilon bo həyğəton dərk iyən zıneyro çəvon ixtiyorədə ğərolış doə.çən,ğıyomətədə çəvonku sıvol kardey bəzıne.

4-fəğət aqahəti iyən zıney vəs kardedəni və nicotbaxş ni.mumkine ki,fərdon bəştə daxili inod iyən həsodəti xoto,həxı ğəbul kardedənin iyən və əvon camiyədə ixtilof icod kardedən.

ثُمَّ جَعَلْنَاکَ عَلَى شَرِیعَةٍ مِّنَ الْأَمْرِ فَاتَّبِعْهَا وَلَا تَتَّبِعْ أَهْوَاءَ الَّذِینَ لَا یَعْلَمُونَ(18)

(Ha pəyğomər ha!) peşo tımon (dini)koyku (komil iyən xısusi) qıləy şəryətədə ğərol domone. çən,bəy pemand və bə nızınə kəson həvəson iyən tələbon tabe məbi.

إِنَّهُمْ لَن یُغْنُوا عَنکَ مِنَ اللَّـهِ شَیْئًا  وَإِنَّ الظَّالِمِینَ بَعْضُهُمْ أَوْلِیَاءُ بَعْضٍ وَاللَّـهُ وَلِیُّ الْمُتَّقِینَ(19)

zira əvon hiçvaxti Xıdo mığobilədə ıştəni mıdofiyə(himoyə)kardey nibəzıneyn və həyğətən sıtəmkoron iyande himoyədorin və Xıdovənd de pərhizkorone.

هَـذَا بَصَائِرُ لِلنَّاسِ وَهُدًى وَرَحْمَةٌ لِّقَوْمٍ یُوقِنُونَ(20)

ım(Ğıron) milləti bəsirəti vəsiləy və bo yəğıni əhli hidoyət iyən rəhməti moyəy.

Bəni-İsrayili ğovmi sərquzəşti bəyoni bəpeştə,ın ayəon bə İslomi peyğombəri(s) xitobən hamyedə:əmə botı həm bə həxə dini səmt qıləy şəryət iyən ruşinə məsir ğərol domone ta bəçəy əsos milləti bə Vohidə Xıdo dini səmt dəvətkoş.həlbəttə,mışrikon iyən mıxolifon ıştı mığobilədə mandin iyən boştı ayini pevolo bıey vəy qəteyro qıləy təklifon nışon bədoon.əmmo bə Xıdo dini əsos hiçvaxti deəvon musalihə iyən saziş məkə.

Ha pəyğomər ha! ıştə qətə həxə royədə ğoym iyən mehkəm bımand və bəy rioyətkə,fəğət bə Xıdo fərmonon pemand iyən bə dini mıxolifon hiç qıləy tələbon dığğət iyən etıno məkə.zira Xıdovənd fəğət pərhizkoron hidoyət iyən əvoni himoyə kardedə.əmmo sıtəmkorə kofiron duston bənə əvon bıə fərdonin.və əvon Xıdovəndi mığobilədə bə ikəsi zərəl rosney ya İlahi əzobiku ozod kardey nibəzıneyn.

Həmonə Ğıron ki,bətlı nozil bıə,bə həmmə kəsi kifoyət kardedə.zira əv bo umum milləti vindey vəsilə iyən vositəy və jimoni həmmə cəhətonədə bə səhihə bəsirəti kəsb kardey boyis beydə. beşək,hakəs ki,bıpyişe bə yəğıni mərhələ bırəso,ım kitob əy hidoyət bəkarde və İlahi məxsusə rəhmətiku bəhrə bəy bərosne.çın ayəonku omutedəmon:

1-İlahi dinon har qıləyni bo bə həx iyən həyğəti rəseyro qıləy roşon heste.əmmo çəvon həmmə ruf iqləyniye.İslomi ayin həm vəynə peyğombəron ayini dəvomədə omə.

2-ikəs ki,bə Xıdo ro nıpamando,məcbure bəştə iyən bə cokəson həvaye-həvəson tabe bəbe ki, bə səhihə elm,dərk iyən aqahəti əsos nin.

3-bə nodonon bemənoə tələbon pemandey,çəvon hukuməti ğəbul kardey iyən və İlahi hukumətiku bə diyəro mandey mənoədəy.

4-dindorəti bəpe bə aqahəti iyən bəsirəti əsos bıbu ta ım bə xotırcəməti iyən yəğıni boyis bıbu.

5-Kərimə-Ğıron qırd fiki,əxloği,iştimoyi,siyosi iyən xıyzoni zəminədə bə bəsirət iyən ruşinəti boyis beydə.