İsxtisodi revnəğ inkişofi mehvər

IRONI sıə telı yəni zəfəroni bəpeştə ımruj əmə bə İroni hanzə telı yəni bə pustə soyəx şedəmon.xoş iyən xosə xosyətış bıə pustə çı nat,xolçə iyən ikra kəno ki,İron iyən dıbyo mıxtəlifə kişfəronədə ziyodə tərəfdoronış bıə və ixracat bıə həmməysə muhimmə ğeyri-natə məhsu bə hisob omeydə.İron dınyoədə pustə ixracatəkə həmməysə dıjdə məhsulonku qıləyniye və çın məhsuli sadirat ya ixracati sahədə ğutb iyən ixracatəkə kişfəre.pustə məhsuli sadirat ya ixracati sahədə İron dayima dınyo səviyyədə pustə sahədə iminə ya dıminə rutbə və məğamədə ğərol qəteydə…..

Pustə qıləy beməye ki,diyəroə zəmononku İroni mıxtəlifə noxtəonədə pəydu beydəbe.vəhşi cənqəlon iyən İroni şimol-şərği tərəfədə çı pustə perəsey və İroni de Tırkməniston iyən Əfğanıstoni marzon kəno bıə vıronədə ruşd kardedə və perəseydə.votey beydə pustə do 3-4 həzo sor bənav ironədə əhli bıə və kaştey iyən perosney bıə.iminə pustə sorton vəhşiyə pustə perosney iyən əhli kardey bıə ki,çın sorton rəğəmon vey məhdud bıə və çəy zohiri şikil və formə de ıştən-boştə perəsə pustə qıləy şəbohətış bıə…..

Ironi zəminonku 360 həzo hektarisə veyə ərazi pustə plantasiyə iyən əraziyone.İronədə pustə məhsuli həmməysə vey istehsol bıə məkon Kermoni ostanədə bə dast omeydə.əmmo bənə Yəzd,Rəzəvi iyən Cənubi Xorasan,Semnan,Ğəzvin,Fars,Ğom,Tehron,İlam,Kermanşah,Kırdıston, Həmədon,Şərği iyən Ğərbi Azərbaycon,Lorseton,Zəncon iyən Ardəvili coqlə ostanon həm pustə hosilot iyən istehsolədə fəol iyən aktivə ostabnon bə hisob omeydə….

Ironi pustə de rəğibə kişfəron mığoyisədə qıləy mığoyisəvi barzətiş heste ki,ım çəy keyfiyyət iyən çandə nevətiyədəy.İroni 70 rəğəm iyən sortisə veyə moə pustə genotip və ziyodə rəğəmədə niyə  genotipış heste və dınyoədə pustə Germplazma(irsi ehtiyaton) HƏMMƏYSƏ muhimmə mənbəonku bə hisob omeydə.İroni pustə formə ranq,zohir.əndozə və həmçinin çəy mazqi profili cəhəto ziyodə nevonış heste. Ironi pustə komilə formədə unikale və mislış ni iyən vey xoşməzzə və ləzzətine.Ironi pustə həmməysə vey çok və məşhurə nev çımonku iborətin:Kəllə ğoçi,Əkbəri,Əla nev, Zərəndi badam,Noği sipiyə pustə,Əhməd Ağayi,Ovhədi,Damğani xəncər,Damğani şahpəsənd iyən Ğəzvini pustəonin…..