946-ə hissə-Muhəmmədi surə -25-28 şərifə ayəon

946-ə hissə

إِنَّ الَّذِینَ ارْتَدُّوا عَلَى أَدْبَارِهِم مِّن بَعْدِ مَا تَبَیَّنَ لَهُمُ الْهُدَى الشَّیْطَانُ سَوَّلَ لَهُمْ وَأَمْلَى لَهُمْ(25)

Hidoyəti roy boəvon ruşin bıey bəpeşt bəy peşt qordınə kəson,şəyton (çəvon bədə rəftoron)boəvon dərostedə və əvoni de dırozə oruzuon bə dast dənoydə.

Navnə proqramədə çı zəyifə imoni soyb bıə mınofiğonku sıxan votedəbe ki,ıştənışon çı Ğıroni ayəon tədəbbırədə məhrumışon kardə və de Ğıroni təbiri jıqo bızın bəçəvon dılon ğıfl jıə bıə.

In ayə hamyedə:ikəs ki,Ğıron iyən peyğombəri hidoyəti bə kəno bıno,bə şəytoni şıə roy tabe bəbe.təbiiye ki,şəyton sıftədə yavə ko boəy ğəşənq cilvə doydə və peşo əy bo həmonə ko əncom doey dəvət kardedə. həmonə ko səbəb beydə ki,insoni bədə koon əy bə dast dəno.

Jıqo fərd boştə ayəndə həm bəştə oruzuon əsos qıləy plan kəşeydə və har ruj əy çı həxə royku bə diyəro kardedə və həni bə həxə roy oqardemoni imkoni boəy saxt bəkarde.çın ayəku omutedımon:

1-bə mınofiğon əks ki,ıştəni ruşinəfik iyən mutərəğği zıneydən,Ğıroni nəzəku əvon mırtəce iyən retroqressivə fərdonin ki,hidoyəti ruşinə royku bə zəloləti toykiyəti oqardən.

2-bə şəytoni vəsvəsəon tabe bıey,bə fərdi imoni zərəl rosnə amilonkuye və çəy oxo insoni çı həxə royku bə diyəro mandey iyən bədə ağıbət bıeye.

3-həyğətonku aqah bıey yali kifoyət kardedəni.bəlkəm bəpe de şəytoniyə vəsvəsəon həm de ciddiyyəti mıborizə bardey lozıme.

4-bədə koon ğəşənq cilvə doey və dırozə oruzuon şəytoni koon əbzore.

ذَلِکَ بِأَنَّهُمْ قَالُوا لِلَّذِینَ کَرِهُوا مَا نَزَّلَ اللَّهُ سَنُطِیعُکُمْ فِی بَعْضِ الْأَمْرِ وَاللَّهُ یَعْلَمُ إِسْرَارَهُمْ(26)

Im boçəy xotoye ki,əvon (noxəşədılon) bə İlahi əmronku norozi bıə kəson voteşone:əmə kali koonədə  bəşmə itoət bəkardemon.qıləy holədə ki,Xıdovənd çəvon punhunətiyonku aqahe.

In ayə bə mınofiğon de kofiron bıə rabitə işorə kardedə və hamyedə:Mədinə mınofiğon bə Mədinə şəhri yəhudiyon soyəx şeydəbin və deəvon həmkoəti mığovilə bastedəbin və bəzi koonədə çəvon mıştərəkə mənfəətonışon hestebe və bə mısılmınon ələyh bə ico hərəkət kardedəbin.həlbəttə əvon səy kardedəbin ım irtiboti çı peyğombər iyən mısılmınonku məxfi oqəton.əmmo Kərimə-Ğıron hamyedə:Xıdovənd çəvon ım xəyonətış ifşo kardeşe ta çəvon məkrinə planon oşko bıbu və millət əvoni bızınon.çın ayəku omutedəmon:

1-mısılmınon bəpe mığət bıbon və bızınon ki,İslomi camiyə kali fərdon de kofir iyən deşmınon rabitəşon heste və deəvon həmdastin.ım qrup hozzon İslomi camiyə mənafe boştə iyən bo deşmınon mənfəəton fido kardedən.

2-mınofiğon de deşmınon rabitəon əyani ni.bəlkəm,noməhsus iyən məxfiyonəy.liza camiyə məsulon bəpe ağılmand bıbon və çın punhoniyə rabitəon kəşfi cəhətədə mınosibə şivə və əbzoronku oko bıdon.

3-inson bəpe dığğətko ki,Xıdovənd çəy qırd məxfi iyən sırrinə koonku xəbədoye və əgər əv bə ım ko bovəko,bə cokəson ələyh suyi-ğəsdonku dast bəkəşe.

فَکَیْفَ إِذَا تَوَفَّتْهُمُ الْمَلَائِکَةُ یَضْرِبُونَ وُجُوهَهُمْ وَأَدْبَارَهُمْ(27)

Çən,ısət əvon çokonə bəbeyn.firiştəon çəvon conon sıə zəmonədə qıləy holədə ki,bəçəvon dim iyən peşti bəjəneyn?

ذَلِکَ بِأَنَّهُمُ اتَّبَعُوا مَا أَسْخَطَ اللَّهَ وَکَرِهُوا رِضْوَانَهُ فَأَحْبَطَ أَعْمَالَهُمْ(28)

ım boçəy xotoye ki,əvon bə Xıdo ğəzəbin kardə çiyon tabe beydən və çəy roziyətiku xoşışon nıome çən,Xıdovənd həm çəvon əməlonış məhfış karde.

Vəynə ayəon dəvomədə ın ayə bə mınofiğon dınyoədə bıə koy oxo işorə kardedə və hamyedə:əvon saxt və şiddətinə formadə con bədon.zira çəvon coni sıey məmur bıə firiştəon sıftədə bəvon zəcr və əzob bədoon,peşo əvoni ğəbze-ruf bəkardeyn.ım nev con doey çəvon ıştən əməlon nəticəy.ım boçəy xotoye ki,əvon Xıdo rozi nıbə əməlon bə vırə rosneydəbin və çımi əks bə Xıdo xoş nıomə koon əncom doydəbin.

Təbiiyə formədə əmə həmmə jimoni mıxtəlifə zəmononədə çı dıqlə roy piyo ğərol qətedəmon ki,bəpe iqlə roy bıvıjnəmon.əmmo umum millət qıləy roy səçın kardedən ki,deçəvon meylon mıtobiğe və çəvon mənfəəton veyni təmin kardedə.

Qıləy holədə ki,bə Ğıroni fərhənqi əsos qıləy muminə insoni ıştə jimoni dıqlə royədə vıjniye meyar,çəy ıştən tələb və mənfəəton ni.bəlkəm boəy təyinəkə amil Xıdovəndi rozi bıey ya nıbeye.yəni əv Xıdo rozi bıə çiyon əncom doydə,harçənd deçəy meylon mıvofiğ həm nıbu və Xıdo norozi bıə harçi tərk kardedə, harçənd çəy dıli piyə çi bıbu və bəy meylış həm bıbu.çın ayəonku omutedəmon:

1-maq çı insoni koy oxo ni.bəlkəm,çəy dınyəvi jimoni oxoye və məlayikon xılğəti sıftədə bəy əto kardə bıə çəy rufi komilə surətədə çəyku seydən.

2-dıdim iyən mınofiğə insonon maq saxt iyən de əzob iyən xari bəicoye.

3-harçənd inson ıştə roy səçınədə ozode.əmmo bəpe ıştə vıjniyə roy harcurnə təsir iyən nəticəon həm ğəbulko.beşək bə İlai roziyəti tabe bıey bo insoni çokə nəticəş bəbe və de Xıdo roziyəti mıxolifət kardey saxt iyən dardnokə nəticəş bəbe.

4-insoni koon harçənd zohirədə çok,ğəşənq iyən milləti pəsənd kardə holədə bıbu,əmmo Xıdo çəvonku rozi nıbu, puç və məhf bəbe.