istehsoli rovnəğ,inkişofi mehvər-56

Kırış bıə moyon təbyətdə di bə buluğ rəseydən və perəseydən.adətən bə dı haftə nezi zəmon lozıme ta qıləy moyku kırı bə dast boy.dəvardə zəmonədə kırış bıə moyon de lastik iyən rezinə çəkıti bihuş kardedəbin ta çəy dumi zərbəku əmonədə bımandon.peşo çəy xavyar ya ikrə təxliyə kardedən iyən çəy qujdi həvatedəbin.əmmo ımruj jıqo moyon bəkam bıey dığğət kardə holədə de moğnəon ğeysəriyyə əməliyyoti çı moy luz-ləvəku xaric kardedən və çəyku I mığdori de kırı rukardey məğsədi iyən səniobəton səmərə doey məğsədi çı moy ləvədə baği haştedən.peşo moy se manqi mıddətədə xısusi hovuzədə karantin vəzyətədə oqəteydən və çın mıddəti bəpeştə bəy qıləy əlomət noydən və ijən bə dıyo oqordıneydən.təğribən tosə şəş kərə bo har qıləy moy ım ko əncom doey bəbe….

Ironi kırış bıə moyon xısusədə bəpe votey bıbu ki,ironi kırı donəon kurəvi iyən çəy ranq bə ın moyon telı, ğəhvəyi iyən xokı ranqiku qətə tosə siyuə ranqi nevi dığğət kardə holədə əvəz beydə.dəavrdə soronədə hasor 300 ton kırı çı Kaspi dıyo moyonku bə dast omeydə.əmmo bə Şurəvi ya Səvet İttifoği volo bıey bəpeştə Kaspi dıyo kəno bıə devləton həddiku ziyodə bıə şikoron dəlil xoto,çın cur moyon nəsl bə puç bıey səmt hərəkət kardedəbe.əve bə həmonə dəlili xoto,bə Kaspi dıyo kəno bıə kişfəron  miyono sazışi əsos 2011-ə milodi sori Kaspi dıyoku kırış bıə moyon şikor kardey ğədəğən kardey be.çımi bədiqə hasor bəyjiyə mənbəon komisiyyədə bın xısusədə qıləy ğərol bekardey be.kırış bıə moyon muhafizə idorə,əvoni reproduksiya iyən ziyod kardey və əvoni bə Kaspi dıyo vadoey iyən ozod kardey bə İroni ehdəy.İroni dıyəvonəti baxş de ın curnə kam pəydu bıə moyon oqətey iyən muhafizə məğsədi hasor təğribən 20 tosə 22 milyon kırış bıə moyon çı ğara buruni neviku bə Kaspi dıyo vodoey beydə….