İsxtisodi revnəğ

Pokiston de 200 milyon nəfərisə ziyodə cəmyəti bənə dınyo şəşminə ziyodə cəmyətış bıə kişfəri qıləy idxoləkə vıjore ki,ıştə ehtiyociş bıə məhsuli nimə idxol kardedə.çın kişfəri çı İroniku idxol kardə məhsulon həcm bənə de maşini boftə bıə xolçə,kaşi iyən seramikəku qətə de tosə di təsərrufoti məhsulon və şiniyonku iborəte.

Pokistonədə bıə İroni məhsulon mahbubiyyət iyən revnəğ pəydu kardey muhimmə amilonku qıləyni, bəçəvon barzə səviyyədə bıə keyfiyyəti,əmniyyəti,ali dərəcədə bıə dizayn,mınosibə ğeymət,çı mıosirə texnoloqiyəku istifodə kardey və de rəğibon mığoyisədə de muhiti mıtobiğəti iyən ğoyməti işorə kardey bəbe.Huseyn laşari ki,İroniku bə Pokistoni  pətu ya ədyal idxol kardedə,votedə:ironi məhsulon keyfiyyəti barədə bəpe bıvotom ki,vey çokə keyfiyytış heste və ın məhsulon tələb Pokistonədə har ruj ziyod bıə holədəy.İroni bənə seramikə,kaşi,sement,xolçə,zəfəron,sef iyən coqlə ziyodə mıxtəlifə məhsulon çı Pokistoni milləti miyono veyə mahbubiyyətış bıə məhsulonin….

İroni bə Pokistoni bə ixracat kardə məhsulon sorton xısusədə bə de maşini boftə bıə iyən dəvoştə bıə xolçə,şıştəninə maddəon,seramikə və kaşi,miyvə və tərəvəz min cumlə do sef,lobyə,gişnisi donə, pudtə, xımo,murəbba,sement,şokolat,plastiki maddəon,xomə pustə iyən nati ğıriku iborət məhsulon işorə kardey bəbe.Pokistoni Kəraçiyədə bıə Abadgəran iyən İstehsoləkəyon Assosiasiya rəyis Arif Ysuif Civa de bə İroni seramikə və kaşi məhsulon bə dınyo standardi mıtobiğ iyən çəvon çı Pokistoni milləti miyono bıə ziyodə mahbubiyyəti işorə kardə holədə votedə:İroni zəvodon soxtə seramikə və kaşi məhsulon çı Pokistoni vıjoronədə qıləy mınosibə məğam və vırəş kəsb kardə.Pokistoni tociron tərcih doydə ki,çı Avropə məhsulon əvəzi hamsuyə kişfər bıə İroni məhsulon hozzıkon.