962-ə hissə-Ğafi surə -9-15 şərifə ayəon

962-ə hissə

وَ نَزَّلْنا مِنَ السَّماءِ ماءً مُبارَکاً فَأَنْبَتْنا بِهِ جَنَّاتٍ وَ حَبَّ الْحَصِیدِ(9)

Və osmoniku de bərəkəti pur bıə ovımon vığande.çən,deəy boğon iyən devənin bıə donəon  perosnemone.

وَ النَّخْلَ باسِقاتٍ لَها طَلْعٌ نَضِیدٌ(10)

və həmçinin xımo barzə boluə doon de pur və pepuştə bıə huşəon(perosnemone)

رِزْقاً لِلْعِبادِ وَ أَحْیَیْنا بِهِ بَلْدَةً مَیْتاً کَذلِکَ الْخُرُوجُ(11)

ta çı bandəon ruzi bıbu və de əy mardə sərzəmin bəyji kardemone.rostbemon (və ğəbonku xaric bıey) jıləvoniye.

Navnə ayəon dəvomədə ın ayəon bo miadi bə əməl omey Imkoni izoh doeyro,bə Bahari fəslədə rəsəyon rostbemoni istidlol kardedə.Əvəsori fəslədə beconə donə de voşi ovi bəsə mardə zəminisə rubey,bə cınbə-cuşəti eqıneydə və çı zəmini jiku sə rost kardedən.çən,bə qıləy veyə səmərə iyən barzə huşə təbdil bıey bənav,kaştevonon bo nun iyən xorək hozzı kardero əy devedən.

Doon həm zımostonədə mardedən,əmmo de əvəsori rəsey iyən voşi voye çəvon həmonə hışk bıə xıçonku nuyə livəon bə əməl omeydə və çandə nev zizə iyən miyvəon ki,çı beməyon jimone,zohir beydə.

Kərimə-Ğıron dəvomədə hamyedə:insonon ğıyoməti ruji çı zəmini jiku rostbemon həm jıləvoniye.de Xıdovəndi irodə çı bımyon bədəni zərrəon ki,tuli jiyədə pərokəndə bıən,bənə rəsəyon donəon xoki jiku sə rost bəkardeyn iyən bəyji bəbeyn.ım ko bo Xıdovəndi oxoş nıbə ğudrəti nə qıləy məholə koye və nə ğeyri-mumkinə ko.çın ayəonku omutedəmon:

1-voş,de ziyodə bərəkəti pur bıə iyən həyot baxşəkə qıləy fenomen iyən təzahure ki,zəmini dimisə bıə həmmə mevcudoti jimon,min cumlə beməyon,heyvonat iyən insonon jimon çəyku bə şıkrəy.

2-do iyən miyvəon miyono xımoə do iyən çəy ləl-qılon qıləy məxsusə vırəş heste ki,Xıdovəndi çəy nomış co formədə zikrış kardə.

3-beməy iyən doon həm bə havzəti iyən reçinəti boyis beydən və həmən çı rızğo-ruzi səbəbonin.və həm çı maqi bədiqə bıə həyoti nışonə.məlume əkəson ki,qıləy ibrət vində çəşonışon heste,bın koyədə fik-fam kardedən.

کَذَّبَتْ قَبْلَهُمْ قَوْمُ نُوحٍ وَ أَصْحابُ الرَّسِّ وَ ثَمُودُ(12)

(Ha pəyğombər ha) çımon bənav həm Nuhi ğovm və Rəssi əholi və Səmudi ğovm (ıştə peyğombəronışon) təkzib karde.

وَ عادٌ وَ فِرْعَوْنُ وَ إِخْوانُ لُوطٍ(13)

və(həmçinin) Adi(ğovm) və firon və luti bıvon

وَ أَصْحابُ الْأَیْکَةِ وَ قَوْمُ تُبَّعٍ کُلٌّ کَذَّبَ الرُّسُلَ فَحَقَّ وَعِیدِ(13)

və (Şueybi ğovm bıə)Əykə əholi və Tubbə ğovm,(ımon)həmmə(ıştə)peyğombəron inkor kardeşone.çən,çımı əzobi və`dəon boəvon ğəti be.

In ayəon bə Xıdo-Rəsuli(s) iyən imonI əhli dılsandi doeyro hamyedə:qımon məkənən ki,fəğət Məkkə mışrikon çı islomi-peyğombəri(s) risoləti təkzib kardedən və əy ğəbul kardedənin.bəlkəm,İlahi dıjdə peyğombər bıə həzrəte Nuhi(ə) zəmoniku de tosə ısət dayima peyğombəron bə həşə jıey bıən və mıxtəlifə qrup iyən ğovmon de nevbənevə bəhonəon həxə sıxanışon ğəbul kardəşon ni və bə İlahi rəsulon həxəti iğror kardəşon ni.

Həlbəttə bəçəvon təəssıb iyən inodkorəti xoto bıə həxı ım inkor iyən təkzib,becəvob mandəni iyən İlahi ğəzəb de mıxtəlifə formə əvonış dəqətə.idastə de ovəyz iyən tufoni və coqlə qrup de osmoniku omə avəçəkə və coqlə dastə həm de şiddətinə buməlarzə vositə.çın ayəonku omutedəmon:

1-həmonə Xıdo ki,ın əzəmətinə dınyoş bərpo kardə iyən insonış ofəyə,əy de peyğombəron təriği vositə rahnuma iyən hidoyətış kardə tə çı ruşd iyən kəmoli roy dəvardo.eyni holədə həxı ğəbul kardey icbori ni və bın vırədə insonon bəştə ixtiyor iyən intixobi ehdə noey bıə.

2-dəvardə ğovmon ki,peyğombəronışon vində iyən çəvon həxəti boəvon ruşin bıə,bə əvoni inkor kardey dəlili xoto,bə İlahi ğəzəbi dıço bıən.ım bo vəoməyon qıləy ibrəti dərse.

أَ فَعَیِینا بِالْخَلْقِ الْأَوَّلِ بَلْ هُمْ فِی لَبْسٍ مِنْ خَلْقٍ جَدِیدٍ(15)

Bəqəm iminə xılğətədə ociz iyən dəmandə bimon (kI,ijən ofəyeyədə ociz bıbəmon? ne)bəlkəm əvon nuyə xılğəti həxədə şəkkədən.

Mışrik iyən kofironku ziyodə dastə Xıdo bənə inson iyən dınyo ofəyə kəsi unvoni ğəbul kardedən iyən çəy vucudi inkor kardedənin.ın ayə bəçəy əsos hamyedə:əmə bəqəm şımə sıftənə ofəyemonədə ociz iyən dəmandə bimon ki,şımə sənibəton xılğətədə ociz bıbəmon iyən şıməni xəlğ kardey nızınэmon? çın ayəku omutedəmon:

1-Xıdovəndi ğudrətədə bo insoni ğıyoməti ruji ijən xılğətiro şəkki hiç qıləy əsosış ni.zira qıləy mevcudi ofəyə kəs,boəy ijən xəlğ kardero ğadire.

2-de munkiron diyaloqədə çı sıvoli şivəku oko doey lozıme ta əvon ıştən bə təfəkkuri ğərğ bıbon iyən bəvədə fik-famkon ki,ğasbu həxı pəydukon.

3-miodi bə həşə jıə kəson boəy inkoriro qıləy məntıği dəlilışon ni.bəlkəm ıştə şəkki ıştə dəlil zıneydən.