964-ə hissə-Ğafi surə -23-30 şərifə ayəon

964-ə hissə

وَ قالَ قَرِینُهُ هذا ما لَدَیَّ عَتِیدٌ(23)

Və deəy bə ico bıə (qıləy firiştə) bəvote:ım(çəy əməli noməy ki)çımı nəzdədə hozzıye.

أَلْقِیا فِی جَهَنَّمَ کُلَّ کَفَّارٍ عَنِیدٍ(24)

(bə həmonə dıqlə firiştə xitob kardey bəbe:)har qıləy inodkorə kofiri bə cəhəndım şodənən,

مَنَّاعٍ لِلْخَیْرِ مُعْتَدٍ مُرِیبٍ(25)

(əkəs ki)bə xəy saxt maneye və mutəcaviz iyən şubhəkə.

الَّذِی جَعَلَ مَعَ اللَّهِ إِلهاً آخَرَ فَأَلْقِیاهُ فِی الْعَذابِ الشَّدِیدِ(26)

əkəs ki,de Vohidıə Xıdo bə ico coqlə mə`bud ğərolış doe.çən,əy bə saxtə əzobi şodənən.

Navnə proqramədə çı məlayikonku bəhs be ki,hejo de insoni bə icon,çəvon dınyoədə kardə çok iyən bədə koon ğeyd kardedən və nıvışteydən və ğıyoməti ruji əvoni bə vəhışt ya cəhəndımi səmt sevğ bədon.

In ayəon hamyedə:bə firiştəon hozzı kardə əməlon konomə iyən pərvəndə dığğət kardə holədə,inson İlahi məhkəmədə hozzı bəbe iyən Xıdovənd bəçəy əsos kofirə mucrim iyən qınokoron çı çokə odəmonku co bəkarde və əvoni bəçəvon cəzo bərosne.zira əvon bəştə de həxı inodkorəti xoto,bə Xıdo kufr kardeşone və əmələdə həm çı har qıləy xeyə ko mığobilədə maneə icod kardedəbin.jıqo fərdon İlahi həddonku dəvardedəbin iyən cokəsonədə bo həxə roy ğəbul kardero şəkkı-şubhə icod kardedəbin.əvon Xıdo kənoyədə çı cokəsonku bəhs kardedəbin iyən milləti bə coqlə ğudrəton səmt sevğ doydəbin.çın ayəonku omutedəmon:

1-əgər kufr bə nodonəti iyən cəholəti xoto bıbu,bo insoni oqardemoniro qıləy umu heste.əmmo ehanə kufr bə təəssıb iyən inodkorəti xoto bıbu,har ruj vey nığıl iyən vey şiddətin bəbe və jıqo qıləy insoni oqardemon çı zehniku bə diyəroe.

2-bə muminon əks ki,çı çokə ko soybin və cokəson həm bə çokə əməlon səmt dəvət kardedən,əmmo həxı inkorəkəyon,cokəson çokə əməlon əncom doey koyku oqəteydən.

3-cəhəndımi əzobi dərəcəonış heste və ım çı insoni kufr,şırk iyən qınoon mığdoriku bə şıkrəy.

قالَ قَرِینُهُ رَبَّنا ما أَطْغَیْتُهُ وَ لکِنْ کانَ فِی ضَلالٍ بَعِیدٍ(27)

Çəy həmnışin bıə (şəyton) bəvote:Xıdolim ha! mı əvım bə hışkəqıyəti (itoət nıkardey)vodor nıkardıme. bəlkəm əv ıştən qıləy nığıl iyən diyəroə zəlolətədə be.

قالَ لا تَخْتَصِمُوا لَدَیَّ وَ قَدْ قَدَّمْتُ إِلَیْکُمْ بِالْوَعِیدِ(28)

(Xıdovənd bəhamye:)çımı nəzdədə de iyande mıxosimə(canq) məkənən.az çımi bənav çı əzobi və`dəon bəşməm doəbe.

ما یُبَدَّلُ الْقَوْلُ لَدَیَّ وَ ما أَنَا بِظَلاَّمٍ لِلْعَبِیدِ(29)

(kofiron bə cəhəndım eğandey)çımı nəzdədə əvəz nibəbe iyən mı hiçvaxti bəştə bandəon sıtəm nibəkardem.

یَوْمَ نَقُولُ لِجَهَنَّمَ هَلِ امْتَلَأْتِ وَ تَقُولُ هَلْ مِنْ مَزِیدٍ(30)

qıləy ruj ki,bə cəhəndımi bəvotemon:aya si biiş? Və əv bəvote:aya çımisə əlovə həm heste?

Bın ayəonədə insoni bə cəhəndım eğandə bənə yavə dust,kufri yolon iyən çəvon sədə şəytoni bıə həmnışinonku sıxan bə miyon vardedə.fərdon deştə hətmiyə tale ğıyoməti ruji dimbədim omə zəmonədə mucrimon və qınokoron de iyande və deştə fosidə rəhbəron və həmçinin de şəytoni mıbohisə iyən mıcodilə bəkardeyn və çəvonku har qıləyni səy bəkardeyn qıno bə coqləyni qərdəni şodon. qınokoron bəvoteyn ki,ehanə şımə bıə nıbiyon,əmə ısət çı imoni əhliku əbimon.və ya bəvoteyn ki,əmə bəşmə tabe bıey xoto,bə ın fəlokəti iyən siyuə ruji eqınimon.həlbəttə ım bəhs iyən cidolon çəvon cəzo piyo hiç qıləy təsirış nibəbe və hiççi çəyku bəkam nibəkarde.

Şəyton həm boştəni difo iyən mıdofiyəro bəvote:Xıdolim ha! az ikəsım bəçəy kufr iyən tuğyongərəti xoto bəştı fərmoni nıpemandey koyədə məcburım nıkarde,bəlkəm əvon ıştən tışon çı viro bekardəşonbe və əvon qıləy nığılə zəlolətədə bin.əmmo cəhəndımi əhl əy mığəssır bəzıneyn və boştə qınoon bəhonə bəvardeyn.

İyoe ki,İlahi nido çəvon ım mıcodilə iyən hesıpesi bə oxo bərosne ki,ısət çın sıxanon zəmon ni və çı hakəsi təklif iyən vəzifə ruşin iyən məlume və hakəs ıştə taxsıri mığdorədə cəzo bəvinde.nə kam və nə ziyod. hiçkəs qımon nıko ki,çı cəhəndımi zərfiyyət məhdude və bə dıjdə qınokoron vucudi xoto,nevbət bəy nibərəse.bəlkəm cəhəndım de holi zıvoni qınokoron bəştə səmt hele bəjəne və dəbəparse:aya çımisə əlovə həm heste?.çın ayəonku omutedəmon:

1-pı-mo,hovə iyən bıvə əmə vıjnedənimon.əmmo bəd iyən çokə dust iyən həmnışini əmə ıştən səçın kardedəmon iyən əvon çəmə taleyədə ziyodə təsir noydən.

2-ğıyoməti ruji hiçkəs ıştə taxsıron bəştə bədə duston,bə sıtəmkor iyən fosidə rəhbəron iyən bə şəytoni qərdəni şodey və ıştə məsuliyyəti vitey nibəzıne.

3-Xıdovənd nə çı insonon hidoyəti koyədə kutoətiş kardə ki,bəvon zılm bıko və nə çı zolımon cəzoədə kutoətiş kardə.zira çı zolımon cəzoyədə təxfif,bə məzlumon və çokə şəxson sıtəm kardey boyis bəbe.

4-mucrim iyən qınokoron bəştə həxədə mırtəkib bıə zılmi təsiri xoto,bə cəhəndımi dıço bəbeyn. nəyinki,Xıdovənd bəvon sıtəm bəkarde.zira Xıdovənd hiçvaxti bə ikəsi sıtəm kardedəni.