969-ə hissə-Zariyati surə -24-37 şərifə ayəon

969-ə hissə

هَلْ أَتاکَ حَدِیثُ ضَیْفِ إِبْراهِیمَ الْمُکْرَمِینَ(24)

(Ha pəyğombər ha!)aya çı İbreymi qıromiyə mehmonon daston bətı(omə)rəsə?

إِذْ دَخَلُوا عَلَیْهِ فَقالُوا سَلاماً قالَ سَلامٌ قَوْمٌ مُنْکَرُونَ(25)

ə zəmon ki,bəy varid bin və voteşone:səlom(bətı) Əy voteşe:səlom(bəşmə ki)qıləy nooşnoə  dastəon.

فَراغَ إِلى‏ أَهْلِهِ فَجاءَ بِعِجْلٍ سَمِینٍ(26)

çən,punhoni bəştə xıyzoni soyəx şe və qıləy kokə poynə (bışteşe və)vardeşe.

فَقَرَّبَهُ إِلَیْهِمْ قالَ أَلا تَأْکُلُونَ(27)

çən,xorəkışon çı mehmonon nəzdədə noşe.(əmmo de təəccıbi vindeşe ki,əvon bə xorəki dast jeydənin).voteşe:çıro hardedəniyon?

فَأَوْجَسَ مِنْهُمْ خِیفَةً قالُوا لا تَخَفْ وَ بَشَّرُوهُ بِغُلامٍ عَلِیمٍ(28)

çən,(ıştə dılədə)çəvonku qıləy tarsi hissış karde.əvon voteşone:mətars!(əmə Xıdo firiştəonimon)və bəy qıləy əzınə zoə mıjdəvoni doşone.

فَأَقْبَلَتِ امْرَأَتُهُ فِی صَرَّةٍ فَصَکَّتْ وَجْهَها وَ قالَتْ عَجُوزٌ عَقِیمٌ(29)

çən,İbreymi jimoni həmro (de fərzəndi mıjdə məsey) fəryod jıə holədə bənav ome və bəştə dimi jeşe və voteşe:qıləy besonə piyəjen(çokonə fərəndi soyb bıey bəzıne?)

قالُوا کَذلِکِ قالَ رَبُّکِ إِنَّهُ هُوَ الْحَکِیمُ الْعَلِیمُ(30)

voteşone:ıştı pərvərdıqori jıqoş votə və həlbəttə Əv həkim iyən əzıne.

Bın ayəonədə İlahi məlayikon bə həzrəte İbreymi(ə) nozil bıey macəraku bəhs kardey beydə ki,çı insoni ğolibədə iyn noməlumə formədə bə ə həzrəti daxil bin.əvon məmur bin ki,dıqlə muhimmə xəbə bə həzrəte İbreymi(ə) bırosnon.qıləyni çı həzrəte İbreymi(ə) piyəti zəmonədə fərzəndi soyb bıey və coqləyni və coqləyni həm bo Luti fosid iyən qınokorə ğomvi əzobi nozil bıey be.

In ayəon ibtido bəçəvon çı həzrəte İbreymi(ə) palu omey şivə işorə kardedə və hamyedə:deməkə ki, həzrəte İbreymi(ə) əvonış nızıne,əmmo bənə mehmoni unvoni əvonış ğəbulış karde və bəvon ehtıromış nışon doe.həzrəte İbreymi(ə)bo həmonə noməlumə mehmonon sufrəş dəğande.qıləy heyvonış zibh karde və çəy qujdış pateşe.

Əmmo çoko ki,vindeşe əvon xorək hardedənin,niqəron be və fikış karde ım noməlumə fərdon yəğın qıləy yavə niyyətışon heste.zira ğədimə zəmonədə adət be ki,əgər ikəs boəy hozzış kardə çı cokəsi xorəki hardedəbebu,bın mənoədə be ki,bəy qıləy zərəlo-ziyon nibərosne.liza həzrəte İbreym(ə) çı mehmononku çəvon xorək nıhardey dəllış dəparse.bın zəmon əvon ıştənışon İlahi firiştəon təğdım kardeşone ki,bənə coqlə məlayikon xorək hardedənin.

Çı hikmət bıə ki,ibtido firiştəon ıştənışon bə həzrəte İbreymi(ə) təğdım nıkardeşone ta bo əvoni ğəbul kardero anədə xarc nıəkəy və zəhmət nıəkəşi.ğasbu ım həm bo həzrəte İbreymi(ə) mehmon nəvozəti iyən səxovətin bıey pamuyero qıləy imtovon bıə.

Eyni holədə çı həzrəte İbreymi(ə) zəhməton becəvob nımando və əvon bəy bəşorətışon doe ki,Xıdovənd rəyrə bəy qıləy zoə fərzənd bədoe ki,ıştə zəmonə alim iyən zınə kəsonku bəbe.bə zəmon həzrəte İbreym (ə) iyən çəy jimoni həmro har dəqləyni piyə odəmon bin.liza qıləy vaxt ki,ım sıxan bə İbreymi(ə) jimoni həmro Sara quş rəse,ıştəku qıləy tındə reaksiyəş nışon doe və voteşe:az ısət qıləy piyə jenim və çımı fərzəndi soyb bıey ğudrət və imkonım ni.çokonə mumkine ki,az çı fərzəndi xıvand bıbum?.quya əv çı Xıdovəndi bə dınyo bıə irodə hakimiyyətiku xaric bıəbe.çın ayəonku omutedəmon:

1-mehmoni əziz qətey,İlahi peyğombəron siyrə və şıə roye.harçənd mehmon noməlum həm bıbu və de kə soybi qıləy dustiyəti iyən ğohuməti nisbətış həm nıbu.

2-səlom doey qıləy osmoniyə ədəbe və firiştəon həm de səlomi ıştə kəlomi bino kardedən.

3-mehmonon ğəbul kardeyədə səxovətin bıbəmon iyən bə minimumi kifoyət məkəmon.

4-peyğombəron həm bəşər bıən və qahi zəmon həm de təbiiyi tərzi bənə sayir insonon bə inev tars iyən niqəronəti dıço beydən.

5-Xıdo ğudrəti hiç qıləy məhdudiyyətış ni və bə həmmə təbiiyi amilon ğalibe.çoko ki,qıləy piyə merd iyən besonə piyəjeniku qıləy əzınə fərzənd bə dınyo vardedə.binobərin hiçvaxti bəpe İlahi lutf iyən rəhmətiku məyus məbəmon.

قالَ فَما خَطْبُکُمْ أَیُّهَا الْمُرْسَلُونَ(31)

(İbreymi) voteşe:çən,ha vığandə bıə kəson ha!şımə çəy dumo omə ko çiçe?

قالُوا إِنَّا أُرْسِلْنا إِلى‏ قَوْمٍ مُجْرِمِینَ(32)

voteşone:əmə bə qıləy qınokorə ğovmi səmt vığandə bıə kəsonimon.

لِنُرْسِلَ عَلَیْهِمْ حِجارَةً مِنْ طِینٍ(33)

ta(boçəvon nobudiro)çı qıliku sığon bəçəvon ru kardemone.

مُسَوَّمَةً عِنْدَ رَبِّکَ لِلْمُسْرِفِینَ(34)

(qıləy sığon ki)ıştı pərvərdıqori nəzdədə bo isrofkoron(məhfiro) nışondo bin.

فَأَخْرَجْنا مَنْ کانَ فِیها مِنَ الْمُؤْمِنِینَ(35)

çən,muminonku hakəs ki,əyo be,xaric kardemone.

فَما وَجَدْنا فِیها غَیْرَ بَیْتٍ مِنَ الْمُسْلِمِینَ(36)

əmmo əyo mısılmınonku ğərəz iqlə kə(lut iyən çəy fərzəndon)(co kə) pəydu nıkardemone

وَ تَرَکْنا فِیها آیَةً لِلَّذِینَ یَخافُونَ الْعَذابَ الْأَلِیمَ(37)

və həmonə(diyorədə) bo dardnokə əzobiku tarsə kəson (ibərtamizə)nışonəon baği haştemone.

İlahi firiştəon bə həzrəte İbreymi(ə) fərzəndi doey bəpeştə elon kardeşone ki,çəvon əsliyə məmuriyyət Lut(ə) ğovmi həlok kardeye.qıləy ğovm ki,həmcinbozon iyən homoseksualiston yavə əməlon çəvon miyono rəvocış pəydu kardəşbe və əvon ıştə kardə ko nopəsənd iyən çırkinə ko hisob kardedə nıbin.əvon bə həzrəte Luti(ə) çəşnavi iyən xəbədoətiyon hiç qıləy dığğət kardedə nıbin.

Həzrəte Luti(ə) çı həzrəte İbreymi(ə) tərəfiku bo həmonə ğovmi irşodiro vığandə bıəbe.liza məlayikon sıftədə bə həzrəte İbreymi(ə) xıdmət rəsin ta əy çı İlahi ın əzobi cərəyonədə ğərol bıdon və bəy qıləy peştıpurəti bıdon ki,Lut(ə) iyən deəy bə ico bıə pokə muminə şəxson bə İlahi əzobi giriftor nibəbeyn.çın ayəonku omutedəmon:

1-mucrimon cəzo fəğət bə ğıyoməti ruji məxsus ni.kali fərdon iyən ğovmon həmınə bın dınyoədə bə cəzo bərəseyn iyən həlok bəbeyn.

2-harçənd fosidə iştimo,çı fəsodi zəminə hozzı kardedə.demiyən fosid iyən notəmizə camiyədə solim jimon kardey bəbe.çən,hiçkəs bəpe boştə qınoon bəhonə vardero bə muhiti fəsodi istinod nıko.

3-İlahi ədolətinə nizomədə əgər çı qıləy camiyə əksəriyyət qınokor iyən fosid bıbu,beqınoə insonon bə mucrim iyən fosidon cəzo giriftor beydənin iyən oxoyədə nicot pəydu kardedən.

4-zolımkorə ğovmonku baği mandə antik iyən ğədimə əşyoon,bo vəoməyon qıləy ibrəti dərse ki,bə Xıdo nıtarseyku pərhizkon.