706-ə hissə-Ğəsəsi surə-47-50 şərifə ayəon

706-ə hissə

وَلَوْلَا أَن تُصِيبَهُم مُّصِيبَةٌ بِمَا قَدَّمَتْ أَيْدِيهِمْ فَيَقُولُوا رَبَّنَا لَوْلَا أَرْسَلْتَ إِلَيْنَا رَسُولاً فَنَتَّبِعَ آيَاتِكَ وَنَكُونَ مِنَ الْمُؤْمِنِينَ (47) 

Və əgər bıənıəbe, çəvon deştə ıştən dasti əncom doə əməlon xoto, qıləy mısibət bəvon rəsə faxti, votedən: Xıdolim ha! boçi boəmə qıləy pəyğombər nıvğande ta əmə bəştı ayəon tabe bıbəmon iyən çı imon vardə kəsonku bıbəmon.

فَلَمَّا جَاءهُمُ الْحَقُّ مِنْ عِندِنَا قَالُوا لَوْلَا أُوتِيَ مِثْلَ مَا أُوتِيَ مُوسَى أَوَلَمْ يَكْفُرُوا بِمَا أُوتِيَ مُوسَى مِن قَبْلُ قَالُوا سِحْرَانِ تَظَاهَرَا وَقَالُوا إِنَّا بِكُلٍّ كَافِرُونَ (48) 

Çən, çoko çəmə tərəfiku həx bəvon ome rəse, voteşone: çıro(bə ın peyğmobəri) doə bıə çiyon, bənə bə Mosə doə bıə çiyon nin. bəqəm bə Mosə doə bıə çiyon kufr nəkardeşone. (bəqəm əvon nıbin ki,)voteşone: (ım dıqlə kitob)bə iyənde peşt və koməq bıə sehronin. və(ijən) voteşone: həyğətən, əmə bəçəy həmmə kufr kardemone(kofir bimon).

In ayəon bə ilahi tarıxi dırozi bıə sınnət iyən ğanunon qıləyni işorə kardedə və hamyedə: Xıdovəndi bə insonon ağlış doə və əvon həm deştə ağli, koon çoki-bədi ya adət iyən ənənəon,rəsmon iyən əğaidon veyni dırıst iyən nodırıs bıey, dərk kardedən. de ın holi Xıdovəndi adət ıme ki, çanədə ki, bo qıləy ğovmi pəyğombərış vığandəni, bəçəvon kardə koon xoto,bəvon cəzo nibədoe. zira bın surətədə xətokoron bəhonə iyən uzr vardedən ki, əgər boəvon qıləy pəyğombər oməbe, əvon çı hidoyət və nicoti əhliku əbin.

Ayəon dəvomədə hamyedə: həlbəttə, peyğombər vığandey bəpeştə həm, bəhonə vardedən və votedən: boçi həzrəte Muhəmməd(s) bənə Mosə(ə)-i qıləy mecuzə bəmə nışon doydəni? çıro çəy dasti ləvo bə mori oqardedəni ya əv dıyo poə kardey zıneydəni ta çəy deşmınon ovi dılədə ğərğ bıbon.

Kərimə-Ğıron bəçəvon bın vavunəon cəvob doydə hamyedə: bəqəm çı həzrəte Mosə(ə)-I zəmonədə bıə qırd insonon deçəy mecuzəon vindey, bəy imon vardeşone. çən, şımə qımon kardedon ki, islomi peyğombər(s)həm jıqo bıko, həni co kəson imoni tərk nibəkan və bəhonə nibəvardeyn.

Həyğət ıme ki, har zəmonədə bəhonə vardə kəson ilahi mecuzəonışon sehro-codi hisob kardə və bo həxı ğəbul kardey hozzı bıənin. həm həzrəte Mosə(ə)-i mıxolifon ə həzrəti sehrboz və codugər hisob kardedəbin və həmən çı həzrəte Muhəmməd(s)-i mıxolifon. iqlə dastə çu bə mori təbdil kardey codu hisob kardedəbin və coqlə qrup həm Kərimə-Ğıroni sehri sıxan və kəlom zıneydəbin.

Çın ayəonku umutedəmon:

1-Xıdovənd de pəyğombəron vığandey, huccətış bo milləti təmom kardə və çı harcurnə uzrxahəti vırəş dəvastə.

2-veyə muşkilat iyən mısibəton, çəmə ıştən əməlon nəticəy və çəmə çok iyən bədə əməlon bəmə həmonə bın dınyoədətəsir noydə.

3-sehr iyən codu, kofiron bə ilahi peyğombəron ğandə vey məşhurə behtone. dini inkor kardə kəson iddio kardedən ki, dıqlə kitob yəni Tovrat iyən Ğıron sehri kitobin ki, bə iyənde koməq kardedən.

قُلْ فَأْتُوا بِكِتَابٍ مِّنْ عِندِ اللَّهِ هُوَ أَهْدَى مِنْهُمَا أَتَّبِعْهُ إِن كُنتُمْ صَادِقِينَ (49) ‏

(Ha pəyğombər ha! bəvon)Vuji: ehanə rost votedon, şımə Xıdo tərəfiku qıləy kitob biyənən ki, çın dıqləsə(Tovrat və Ğıron) vey hidoyət baxş kəy ta mı bəy tabe bıbum.

فَإِن لَّمْ يَسْتَجِيبُوا لَكَ فَاعْلَمْ أَنَّمَا يَتَّبِعُونَ أَهْوَاءهُمْ وَمَنْ أَضَلُّ مِمَّنِ اتَّبَعَ هَوَاهُ بِغَيْرِ هُدًى مِّنَ اللَّهِ إِنَّ اللَّهَ لَا يَهْدِي الْقَوْمَ الظَّالِمِينَ (50)

Çən, əgər tınışon ğəbul nıkarde, bızın ki, əvon bəştə nəfsoniyə həvəson tabeyin və ilahi hidoyətış nıbə, bəştə həvaye-həvəsi tabe bıəkəsisə vey(həxə) roy dəqıjnə kəs kiye? bərosti Xıdovənd sıtəmkorə ğovmi hidoyət nibəkay.

Vəynə ayəon dəvomədə ki, kofiron ilahi peyğombəron coduqər hisob kardedəbin, ın ayəon bə islomi peyğombəri(s) xitob kardə holədə hamyedə: bə mıxolifon vuji: şımə ki, ilahi dıqlə kitob bıə Tovrat iyən Ğıroni inkor kardedon, ıştən qıləy kitob nışon bıdənən ki, çın dıqlə kitobisə ziyodə hidoyət baxş kardedə və xatırcəm bıbənən ki, ehanə jıqo qıləy kitob biyon, bın surətədə az həm bəy tabe bəbem. de qıləy co iborəti peyğombər hamyedə: hədəf bə ilahi hidoyəti rəseye. ehanə şımə həm Xıdovəndi tərəfiku məbus bıbiyon iyən qıləy kitob biyon, mı əy ğəbul bəkam və bəy tabe bəbem.

Həlbəttə, ruşine ki, nə əvon Xıdovəndi tərəfiku jıqo qıləy kitob vardey bəzıneyn və nə çı Ğıronisə bəpe iyən komilə kitob movcud ni. əvon bəştə həvaye-həvəson rəsey xoto ın koon kardedən və çun əvon osmoniyə kitobon iyən ilahi peyğombəron bəştə koon mıxolif zınedəbin, əve əvoni bə sıvoli ji bardedəbin.

Həyğətədə, həvapərəstəti bə bo həxı ğəbul kardey mane bedə və insonon bə zəloləti tərəf kəşeydə. tosə əvrə ki, həvapərəston bəştə həx doydən ki, əvon peyğombəron ro dəqıjniyəkəs bızınon və ıştəni hidoyət vində kəs.

Çın ayəonku umutedəmon:

1-bo həxı isbot kardeyro, qahi faxti bəbe de mubariz tələb kardey iyən mınozirə və debati ro de əvon rəftorkəy. çoko ki, çı peyğombər(s) iyən Ğıroni həx bıey, həmonə mıboriz tələb kardey be.

2-inson bəbe bə həxı tabe bıbu. hətta ehanə çəy mıxolif həxə sıxanko, əy bəbe ğəbulkəy.

3-həyğiyə hidoyət, qıləy hidoyəte ki, ilahi benəhoyətə elm iyən hikmətiku sərçeşməş peqətə, nəinki, çı bəşəri noğis və de həvaye-həvəsi umuj qıniyə elmonku.