995-ə hissə-Vağiyə surə -41-56 şərifə ayəon

995-ə hissə

وَأَصْحَابُ الشِّمَالِ مَا أَصْحَابُ الشِّمَالِ(41)

Və çəpə(tərəfi)dastə(ki,çəvon naməye-əmal bəçəvon çəpə daston doey bəbe)çı (bədbəxtin)

فِی سَمُومٍ وَحَمِیمٍ(42)

çe sutunə vo iyən qılə ovi miyono.

وَظِلٍّ مِنْ یَحْمُومٍ(43)

və ğəliz iyən suyə duyəvuləku soğnəon(hestin)

لَا بَارِدٍ وَلَا کَرِیمٍ(44)

ki,nə sarde və nə mənfəətbaxşe.

إِنَّهُمْ کَانُوا قَبْلَ ذَلِکَ مُتْرَفِینَ(45)

əvon çımi bənav nazo-nemət(rifoh)iyən eyş-işrəti(tuğyonqərəti)dılədə bin

وَکَانُوا یُصِرُّونَ عَلَى الْحِنْثِ الْعَظِیمِ(46)

və dayima bə dıjdə qınoon təkid kardedəbin.

Navnə proqramədə votemone ki,bə Vağiyə mıborəkə surə ayəon əsos,millət ğıyoməti ruji bə seqlə dastə təğsım bəbeyn.dıqlə mığərrib iyən hərəbaxtə dastəonin ki,əvon vəhışti əhlin ki,vəynə bərnomədə təğdım be.ım bərnomə bə seminə qrupi işorə kardedə və hamyedə:əkəson ki,çəvon əməlon pərvəndə və dosye bəçəvon çəpə daston doey bəbe, əvon cəhəndımi əhlin iyən çı cəhəndımi əhli bıeyku həm bəpe qıləy mısibət mevcud ni.

Bə vəhışti əhli əks ki,əvon de ovi pur bıə nəhron,honiyon iyən ovşuron kənon iyən barz və reçinə doon soğnədən və çe lətif iyən bə dıl nıştə həvoku bəhrə bardedən,əmmo çı cəhəndımi əhl bə qıləy ğəlizə duyəvulə giriftor bıən ki,otəşiku rost beydə və qılə ov boçəvon təşnəti bərtərəf kardey əvəzi,çəvon ətəşi ziyod həm bəkarde.

Ayəon dəvomədə çəvon cəhəndımi əhli bıey dəlilon aşmardedə və hamyedə:əvon dınyoədə jıqo məst iyən deştə sərvət,məğam iyən posti məğrur bin ki,peyğombəron sıxan iyən osmoniyə kitobon məseydə nıbin.liza əvon yavə koon ğəşənq fik kardedəbin iyən bəştə dıjdə qınon iyən noloyığə koon isror kardedəbin.çın ayəonku omutedəmon:

1-behəddə rifoh iyən eyşu-işrət ki,bə insoni çı Xıdo iyən ğıyomətiku ğəfləti boyis beydə,bo insoni qıləy yavə tale vardedə və əy bə həlokət iyən bədbəxti səmt bardedə.

2-bə qıno mırtəkib bıey,insoni bə cəhəndım nibəbarde.zira çəy tobə kardey imkon mevcude.əmmo bə qıno isror kardey və dəvom doey,boyis bəbe ki,inson çı qıno yavəti dərk nıko və nəticədə ıştə qıno və bevəcə koonku dast nıkəşo.

3-jimonədə məstəti iyən məğrurəti çı qınon irtikobi zəminə hozzı kardedə və ım roy dəvom doey bo insoni xətər ofəyedə.

وَکَانُوا یَقُولُونَ أَئِذَا مِتْنَا وَکُنَّا تُرَابًا وَعِظَامًا أَإِنَّا لَمَبْعُوثُونَ(47)

Və hejo votedəbin:aya qıləy zəmon ki,əmə mardimon iyən xok bimon və (pıxə)astəon bimon,aya əmə(ijən) rost kardey bəbemon?

أَوَآبَاؤُنَا الْأَوَّلُونَ(48)

və aya çəmə dədə-bobon (həm bəyji kardey bəbeyn?).

قُلْ إِنَّ الْأَوَّلِینَ وَالْآخِرِینَ(49)

vuji:bərosti navkonəyon iyən omə(nəslon)

لَمَجْمُوعُونَ إِلَى مِیقَاتِ یَوْمٍ مَعْلُومٍ(50)

hukmən bo mıəyyənə ruji və`dəqoro cəm kardey bəbeyn.

Bo çın qrupi cəhəndımi əhl bıey dəlilonku qıləyni həm ıme ki,bə İlahi peyğombəron çı ğıyoməti ruji  həxədə bıə sıxanon əvon məsxərə kardedəbin.əvon votedəbin:çokonə mumkine çəmə dədə-bobon ki, ısət çəvon cəsədonku hiççi baği mandəni iyən çəvon astə və puston bə xoki təbdil bıə iyən mıxtəlifə noxtəonədə prevolo bıə,ijən sənibəton bəyji bəbeyn?

Kərimə-Ğıron çəvon cəvobədə hamyedə:bo Xıdovəndi ğudrəti ım ko vey hostone və ım İlahi və`də real və həyğət bəbe.Odəmi(ə) zəmoniku bıə insonon de tobə oxonə isnonon zəmoni ki,bə zəmini kurə poşon noə,həmmə kəson qıləy məkon iyən zəmonədə hozzı bəbeyn və bəştə əməlon cəzo iyən səvobi bərəseyn.çın ayəonku omutedəmon:

1-kofir iyən miodi munkiron bo miodi nıbeyro qıləy ğəti iyən ruşinə dəlilışon ni və sırfən əy qıləy ğeyri-mumkinə ko zıneydən.

2-i dastə səy kardedən ıştə Xıdo iyən ğıyoməti ruji barədə bıə şəkkon camiyədə mıntəşirkon və cokəson həm mınhərifkon ki,ım vey təhlukənine.həlbəttə çı muminon vəzifə ıme ki,bə jıqo şubhəon de ruşinə dəlilon cəvob bıdon.

3-ğıyoməti ruji iqlə mıəyyənə zəmonədə həmmə insonon hozzı və cəm kardey bəbeyn.

ثُمَّ إِنَّکُمْ أَیُّهَا الضَّالُّونَ الْمُکَذِّبُونَ(51)

Peşo şımə ha ro qim kardə munkiron ha!

لَآکِلُونَ مِنْ شَجَرٍ مِنْ زَقُّومٍ(52)

hukmən Zəğğumi doyku bəhardiyon

فَمَالِئُونَ مِنْهَا الْبُطُونَ(53)

və ıştə luz-ləvəon çəyku pur bəkardiyon

فَشَارِبُونَ عَلَیْهِ مِنَ الْحَمِیمِ(54)

və çəy piyo çı qılə oviku pebəşomiyon.

فَشَارِبُونَ شُرْبَ الْهِیمِ(55)

çən,bənə təşnə şaturon pebəşomiyon.

هَذَا نُزُلُهُمْ یَوْمَ الدِّینِ(56)

ğıyoməti ruji bo əvoni ğəbul kardero ım(iminə) pişvoze.

Navnə ayəon dəvomədə ki,bə qınokoron cəhəndımədə bıə məğami işorə kardedəbe,ın ayəon bəçəvon hardemon iyən peşomoni işorə kardedə və hamyedə:bə vəhışti əhli əks ki,çandə nev xoşə tam iyən ləzzətinə miyvəonku bəhrə bəbardeyn,cəhəndımi əhl noçorən çı cəhəndımi tel iyən bədə buş bıə doon miyvəonku hərisonə və bənə məvindəki bəhardeyn və ıştə luz-ləvəon deəy pur bəkardeyn.əmmo çı foydə ki,ım miyvəon fəğət çəvon renc iyən əzobon ziyod bəkarde.

Əvon ıştə ıştə luz-ləvəon de cəhəndımi xorəkon pur kardey bədiqə,təşnəgi bəvon təzyiğ bəvarde və əvon bənə ətəşi və təşnəti noxəşətiş bıə şaturi anədə çı cəhəndımi həmonə sutunə oviku pebəşomon ki,çəvon dılə bəqıle,əmmo çəvon təşnəti bərtərəf nibəkarde.

Həlbəttə,ım saxtə əzob bo ıştə roy qim kardə ə kəsone ki,həxı fameydən və dərk kardedən,əmmo əvon bəştə inodkorəti xoto,boəy ğəbul kardeyro hozzı nin.əkəson ki,de şubhəon pevolo kardey,çı cokəson inhirofi vəsiləon həm hozzı kardedən.çın ayəonku omutedəmon:

1-zəlolətədə bıə ziyodə insonon mumkine oxoyədə həxə roy pəydukon.əmmo həmmə çiyku vey təhlukənin çi ıme ki,bəziyon bə de həxı inodkorəti  iyən əy təkzib kardey xoto,zəlolətədən.

2-beşək Xıdovənd adile və hiçvaxti bə ikəsi sıtəm kardedəni.həyğətədə bə cəhəndımi əhli rəsə əzob, dənyoədə çəvon ıştə kardə əməlon nəticəy.