751-ə hissə-Səjdə surə-1-6 şərifə ayəon

751-ə hissə

بسم الله الرحمن الرحيم

الم (1) 

Əlif. Lam. Mim.

تَنزِيلُ الْكِتَابِ لَا رَيْبَ فِيهِ مِن رَّبِّ الْعَالَمِينَ (2) 

Im kitobi çı aləmon pərvərdıqori tərəfiku nozil bıeyədə hiç qıləy şək ni.

أَمْ يَقُولُونَ افْتَرَاهُ بَلْ هُوَ الْحَقُّ مِن رَّبِّكَ لِتُنذِرَ قَوْماً مَّا أَتَاهُم مِّن نَّذِيرٍ مِّن قَبْلِكَ لَعَلَّهُمْ يَهْتَدُونَ (3) 

Ayə əvon voteydən: (peyğombər)Ğıronış duyədə pesoxtə? (ne jıqo ni)bəlkəm, əv ıştı rəbbi tərəfiku bıə həmonə həxe ta ıştı bənav hiç qıləy çəşnavi doəkəs nıomə ğovmi bıtorsıno, ğasbu əvon hidoyət bıbon.

Səjdə mıborəkə surə 29 qılə surəonkuye ki, çəvon sıftədə muğəttəə hərfon omə. bənə Bəğərə mıborəkə surə ki, de əlif lam mimi bino bedə, ım surə həm de həmonə hərfon bino bedə. peşonə ayə nışon doydə ki, ım hərfon de Kərimə-Ğıroni nozil bıey əloğədore və qıləy kitobi əzəməti bəyon kardedə ki, çı həmınə əlifa hərfonku təşkilış pəydu kardə. əmmo kəlmə iyən iborəton çineş və dəçıney formə jıqoe ki, hiç qıləy bəşəri tosə ısət bənə əy qıləy kitob vardey hınəş bıəni.

Qıləy kitob ki, çı həxıku sərçəşməş peqətə və ğərəz həxı co qıləy çi bəvədə movcud ni. həlbəttə, əy inkor kardə kəson iyən mıxolifon boəy ğəbul kardey hozzı nin və pəyğombər(s)-i həm mıttəhəm kardedən ki, əv ın ayəonış ıştəku pesoxtəşe və bə Xıdo nisbət doydə. qıləy holədə ki, çəy sıvoy bə insonon yavə iyən bə xoş nıomə xoto bəvon tars doey co qıləy hədəfış ni və piyedəşe millət çı bevəcə koonku bə diyəro bımandon və bə ilahi rostə ro tərəf hidoyət bıbon.

Çın ayəonku umutedəmon:

1-harçənd,dini inkor kardə kəson bo Kərimə-Ğıroni şək-şubhə icod kardey dumon, əmmo Ğıroni həxətiyədə hiç qıləy şubhə vırə mandəni. zira, əv çı aləmon pərvərdıqori tərəfikuye.

2-Kərimə-Ğıron təşriiyi kitobe, çın kitobi mənşə həmonə təkvini sistemi bə vucud vardəkəse.

3-tars iyən çəşnavi ki, bo məxloği yavə koonku bə diyəro kardey xotoe, çı pəyğombəron besəti əsliyə hədəfonkuye.

اللَّهُ الَّذِي خَلَقَ السَّمَاوَاتِ وَالْأَرْضَ وَمَا بَيْنَهُمَا فِي سِتَّةِ أَيَّامٍ ثُمَّ اسْتَوَى عَلَى الْعَرْشِ مَا لَكُم مِّن دُونِهِ مِن وَلِيٍّ وَلَا شَفِيعٍ أَفَلَا تَتَذَكَّرُونَ (4) 

Xıdovənd əkəse ki, osmononədə iyən zəminədə və çə dıqlə miyono bıə çiyonış şəş ruji(ərzədə) ofəyəşe. peşo ərşədə istilo pəydu kardeşe. bo şımə ğərəz hiç qıləy koməqəkə iyən şəfoətəkə ni. ayə pand qəteydəniyon?

Vəynə ayəon Kərimə-Ğıroni çı Xıdo tərəfiku nozil beıy barədə be, əmmo ın ayə de Xıdovəndi vositə ofəyə bıə bə hestemoni aləmi xılğəti işorə kardedə. çoko ki, Kərimə-Ğıroni enovneyədə Xıdovəndi hiç qıləy şərikış bıəni və çın kitobi qırd ayəon çəy tərəfikue, hestemoni aləmi xılğətədə həm çı Xıdo hiç qıləy şərikış bıəni və hestemoni aləmi osmon iyən zəminədə bıə qırd əczo, deçəy irodə ofəyə bıə.

Çoko ki,Kərimə-Ğıron 23 sori mıddətədə enovniyə bıə, dınyo xılğət həm tədrici iyən şəş qılə dovranədə bə əməl omə ki, həlbəttə mumkine çın har qıləy dovrə, qıləy dırozə mıddətışon bıə.

Məələsəf bəşəri fərdon veyni, bə ilahi mıtləğə xalığıyyət iyən hakimiyyəti dığğət kardedənin və bəçəy məxloğati soyəx şedən və əvoni ıştə rəhbər iyən şəfoətəkə hisob kardedən. qıləy holədə ki, sıvoy ilahi ovliyaon ki, əvon həm de Xıdo izni şəfoət kardedən, həni hiçki insonon şəfoət kardey həxışon ni və əvon bə hiçkəsi qıno əfv bıey iyən ilahi neməton ğəbul kardey vositə bıey boyis bıey əzınin.

Çın ayəku umutedəmon:

1-hestmoni aləmi koon tədbir çə kəsi dastədəy ki, əvış ofəyə. de qıləy co iborəti jıqo ni ki, Xalıği ın aləmış ofəyə və bəştə məxloği dasti aspardəşe.

2-insoni bə təzəkkur iyən pandi ehtiyocış heste və hejo bəbe ilahi neməton bəştə yod dənəy. və illa əv, bə ğəfləti dıço bəbe.

يُدَبِّرُ الْأَمْرَ مِنَ السَّمَاءِ إِلَى الْأَرْضِ ثُمَّ يَعْرُجُ إِلَيْهِ فِي يَوْمٍ كَانَ مِقْدَارُهُ أَلْفَ سَنَةٍ مِّمَّا تَعُدُّونَ (5) 

(Xıdovənd)osmonikuzəmini (çın dınyo)koon tədbiri kardeydə. peşo çəy miğdor de şımə aşmardə soron həzo sor bıə ruji bəçəy tərəf bəpe bəşe.

ذَلِكَ عَالِمُ الْغَيْبِ وَالشَّهَادَةِ الْعَزِيزُ الرَّحِيمُ (6) 

Əv, punhon iyən oşko zıneydə(və) məğlub bıənin ni iyən mehribone.

Navnə ayəon dəvomədə ki, bə Xıdovəndi hestemoni aləmədə bıə tədbiri işorə kardedəbe, ın ayəon ijən bəy təkid kardedə və hamyedə: qırd hestemoni aləm çı somoniku de tobə zəmini həmməy çı ilahi tədbiri jiyədən və ğərəz əv hiçki bın dınyokoonədə tədbirəkə ni. əv nəninki, çın dınyo koon tədbiri vindeydə, bəlkəm, şımə qırd kardə koon iyən rəftoron həm  ğıyoməti ruji bəçəy tərəf obəqarde və çəy elm iyən ğudrəti jiku hiççi xaric ni.

Bəşəri palu çəy mıddət i həzo sor bıə rujiku məğsəd, ğıyoməti ruje. həmonə ruji çı dınyo sıftəku de tobə oxo bıə hodisəon ilahi məhkəmədə hozzı bəbe iyən Xıdovənd bəştə benəhoyətə elm iyən ğudrəti əsos,de əvon rəftor bəkay. Xıdovənd bə qırd oşko iyən məxfiyə koon aqahe və əv deştə rəhmət iyən izzəti bəştə bandəon koon hakiməti bəkay.

Çın ayəonku umutedəmon:

1-dınyo Xalığ, hakim iyən Mudəbbir ikəse və həyğiyə tohid, qırd koon bə Xıdo tərəf oqardeye. çoko ki, xılğətədə həmmə çiyon çəykuye iyən bəçəy tərəfe, koon tədbir həm çəyku iyən bəçəy tərəfe.

2-hestemoni aləmi koon iyən dınyoədə hakim bıə ğanunon tədbir, bə ilahi benəhoyətə elmi əsos bərpoe.

3-Xıdovəndi elm bə aləmi qırd koon nisbətədə, ısət çı punon bıbu ya oşko, i iyən yeksane.