608-ə hissə-Muminoni surə-47-51 şərifə ayəon

608-ə hissə

فَقَالُوا أَنُؤْمِنُ لِبَشَرَيْنِ مِثْلِنَا وَقَوْمُهُمَا لَنَا عَابِدُونَ (47) 

Çən,(çı Mosə iyən Haruni cəvobədə) voteşone: ayə əmə bənə ıştə bıə bə(ım) dıqlə insoni imon biyəmon? qıləy holədə ki, çı Mosə iyən Haruni ğovm çəmə bandə(nokə) bin.

فَكَذَّبُوهُمَا فَكَانُوا مِنَ الْمُهْلَكِينَ (48) 

Çən, həmonə dıqlə peyğombəronışon bə həşə je və çı həlok bıə kəsonku bin.

وَلَقَدْ آتَيْنَا مُوسَى الْكِتَابَ لَعَلَّهُمْ يَهْتَدُونَ (49) 

Və həyğətən, əmə bə Mosə kitob(Tovrat) domone. ğasbu(millət deçəy vositə) hidoyət bıbu.

Vəynə proqramədə ərzımon karde ki,Xıdovənd həzrəte Mosə(ə) iyən çəy bo həzrəte Harun(ə)-ış bə Firon iyən çəy saray əhli tərəf vığandeşe ta əvoni bə həxı tərəf dəvətkəy. əmmo əvon bə sıxani nıpemandin iyən yoləşəxəti kardeşone.ın ayəon bəçəvon həmonə yoləşəxəti ruhiyyə işorə kardedə ki,əvon voteydəbin: Mosə(ə) iyən Harun(ə) həm bənə əmə dıqlə insonin və həmçinin çəvon  ğovm bıə Bəni-İsrayili ğovm çəmə bandə iyən nokə bıən.çən,nə Mosə(ə) iyən nə Harun(ə) bəsə əməsə bəpeye və nə çəvon ğovm.çokonə intizorışon heste ki,əmə çı ğovmi əyano-əşraf iyən ğovmi yolon çəvon sıxanon ğəbulkəmon iyən bəvon pemandəmon.

Odəmi dığğəti bəştə cəlb kardə çi ıme ki,Firon iyən çəy ətorofədə bıə kəson, ilahi peyğombəron yoləşəxə insonon unvanədə elan kardedəbin.qıləy holədə ki, əvon məxloği ıştə bandə iyən nokəon zıneydəbin iyən qıləy yavə formədə ıştə sultə bə milləti zəyifə təbəğə diktə kardedəbin.

Oxoyədə ım tuğyongərəti iyən yoləşəxəti bə Firon iyən bəçəy ğovmi yolon Nili ruyədə ğərb bıey boyis be ki,ım həm çı Bəni-İsrayli ğovmi ozodəti zəminəş hozzı karde.

Ayəon dəvomədə Tovrati bə həzrəte Mosə(ə)-i nozili işorə kardedə ki,Xıdovəndi ım kitobış bo Bəni-İsrayli hidoyətiro vığandeşe ta əvon ıştə yavə koonku bə diyəro bımandon iyən bə rostə roy tərəf hidoyət bıbon.

Çın ayəonku umutedəmon:

1-bənə Fironi bıə sistemədə məntığ iyən istidloli hiç qıləy ğeymətış ni.çı fərdon ijtimayi movğıyyət iyən vırə,çəvon ıştən iyən sıxanon etıbor və erji təyin kardedə.

2-milləti ıştə nokə kardə mustəkbir iyən yoləşəxə insonon,oxoyədəqıləy ruj de ilahi irodə məhvo-nobud bəbeyn.

وَجَعَلْنَا ابْنَ مَرْيَمَ وَأُمَّهُ آيَةً وَآوَيْنَاهُمَا إِلَى رَبْوَةٍ ذَاتِ قَرَارٍ وَمَعِينٍ (50) 

Və əmə Məryəmi zoə(İsa) iyən çəy mo mecuzə ğərol domone və ə dıqlə oroməti, əmniyyət iyən nuş kardəninə ovış bıə bılındə sərzəminədə vırə(ğərol) domone.

Həzrəte Mosə(ə)-i bəpeştə həzrəte İsa(ə) qıləy yolə peyğombəri unvanədə bo Bəni-İsrayili məbus be ki,çəy ıştən vucud qıləy dıjdə mecuzə iyən nışonə bə hisob omeydəbe. zira çəy mo Məryəm(ə) ki,qıləy pok iyən ismətinə jen be, jimoni həmroş nıbə holədə de Xıdovənde-Xalıği tələbi və de yolə mələk bıə Cəbrəyili  bəy pu kardey vositə hamilə be və İsa(ə)-ış bə dınyo varde.ım fərzənd ilahi ğudrəti ayəonku bə hisob omeydəbe.zira həzrəte Məryəm(ə) hiç kəsi dast bəy nıqınə holədə dıconi be və həzrəte İsa(ə) hiç qıləy pıəş nıbə holədə bə dınyo ome.

Çın ayəku umutedəmon:

1-həzrəte İsa(ə) çı Məryəmi zoəy,nəinki çı Xıdo zoə.əv çı Xıdo nışonəy, nəinki əv ıştən Xıdoe.

2-Xıdovənd həzrəte İsa(ə)-ış iyən çəy mo çəvon deşmınonku hifzış karde iyən əvonış qıləy əmniyyət iyən bərəkətış bıə vırədə ğərolış doe.

يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحاً إِنِّي بِمَا تَعْمَلُونَ عَلِيمٌ (51) 

Ha çımı pəyğombəron ha! çı çokə xorəkonku bəhənən iyən çokə ko əncom bıdənən. həyğətən, mı bəşmə əncom doə çiyon aqahim.

Muminon mıborəkə surəku penco ayə dəvardey bədiqə ki,ım ayəon icmoli surətədə bə ilahi peyğombəron sərquzəşton işorə kardedəbe,ın ayə hamyedə: bə mıxolifon sıxanon ələyh ki,votyedəbin:boçi peyğombəron bənə co insononin və çıro Xıdovənde-Aləmi əvonış çı bəşəri nəsliku ğərolış doə iyən əvon həm bənə insonon  xorək hardedən.?eyni holədə əvon çı co insononku de dıqlə çi fərğ kardedən. qıləyni ıme ki, əvon insonədə heyvonə rufi zumand kardə çı həromə xorək iyən həromə peşoməninə çiyonku ciddiyə formədə bə diyəro mandedən və co qıləyni ıme ki, de həlolə xorəki vositə bə dast vardə zu iyən enerji foydənin iyən loyığ bıə vırəonədə sərf kardedən.

Peyğombəron xorək iyən hardemoni bo təkamuli xoto zıneydən.bəçəyro fəğət çı pok iyən həlolə ruziyonku oko doydəbin.qıləy holədə ki,çəvon hədəf fəğət hardey bıə kəson bə jıqo ğanuni əməl kardedənin və əvon hejo dumo ıştə həvaye-nəfsi piyə çiyonin. ısət çı çokə çi bıbu ya bevəcə çi.

Kərimə-Ğıroni co ayəonədə həm çı “kulu”(bəhənən)əmri bədiqə-çandə qılə əmron omə ki,nışon doydəhardey iyən peşomey hədəf ni,bəlkəm ım bo insoni ruşd iyən təkamuli xoto bıə qıləy vositəy.

Bın barədə bə Kərimə-Ğıronədə  bıə çandə qılə tovsiyə iyən nımunə işorə kardedəmon:

bəhənən iyən şukrkənən,bəhənən və ehtiyocinə şəxson həm bıdənən. bəhənən iyən isrof məkənən.

Çın ayəku umutedəmon:

1-ilahi peyğombəron de jimoni maddiyə neməton vositə bə aliyə mənəviyə kəmolaton rəsən.

2-Xıdo ovliyaon rəhbaniyyat(rahibəti) iyən riyozəti(məşəğğəti) əhl bıənin, bəlkəm maddiyə nemətonku həm bəhrə bardedəbin iyən çəvon jimon adiyə jimon bıə.

3-salehə əməli ovandəti şərt,həlolə xorək hardeye.həromə loğmə insoni çı çokə koonku oqəteydə.