617-ə hissə-Muminoni surə-105-111 şərifə ayəon

617-ə hissə

أَلَمْ تَكُنْ آيَاتِي تُتْلَى عَلَيْكُمْ فَكُنتُم بِهَا تُكَذِّبُونَ (105) 

(Bəvon votey bəbe)Ayə çımı ayəon bo şımə handey bedənıbe? çən, şımə əvonon du hisob kardeyone?

قَالُوا رَبَّنَا غَلَبَتْ عَلَيْنَا شِقْوَتُنَا وَكُنَّا قَوْماً ضَالِّينَ (106) 

Bəvoteyn: Xıdolim ha! çəmə bədbəxti bəmə ğələbəş karde və əmə qıləy ro dəqıjnə dastə bimon.

Vəynə proqramədə Kərimə-Ğıron ğıyoməti ruji çı bandəon cəzo iyən mıkofoti əsosi çəvon dınyoədə bıə çok iyən bədə koon zıneydə və bo cəhəndımi əhli hozzı kardə bıə şiddətinə əzobiku bəhs kardedəbe.bın ayəonədə Xıdovəənd bə cəhəndımi əhli xitob kardedə və hamyedə:bəqəm mı bo şımə dınyoədə ruşinə dəil,ayəon iyən pəyğombəron nıvğandıme iyən çı hidoyəti səbəbon boşımə hozzı nıkardıme? Çən, çıro bo həxı ğəbul kardey əvəzi,bəçəy ələyh beşiyon iyən kofir biyon?

Çı kofiron bə Xıdovəndi bıə cəvob ımbe ki,jıqo əməni bədbəxti iyən sığədələti  eqətəş be ki,hiç qıləy həxə sıxan bəçəmə dılon nufuz kardedə nıbe və əmə ıştə romon dəqıjniyəbe.

Ruşine ki, ım cəvob boçəvon ıştə dınyoədə əncom doə xilofə koon qıləy vavunəy və bəhonəy.zira çəvon noloyığə koon boyis be ki,əvon sığə dıl bıbon iyən çı həxı vədə be etino bıbon və əvon çı moəku bıə saatiku sığə dıl nıbin iyən əvon bə dınyo bədbəxt omənin.

Çın ayəonku umuteydəmon:

1-ilahi cəzo iyən tənbihon,çı peyğombəron və osmoniyə kitobon bə milləti ıştə huccəti təmom kardey bədiqəy.

2-ğıyoməti ruji qınokoron bəştə əncom doə xəto iyən səhvon etırof bəkayn.əmmo ım etırofon həni diye və boəvon hiç qıləy foydəş nibəbe.

رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ (107) 

Xıdolim ha! əməni çı cəhəndımiku bə bi bekə! ehanə ijən əmə(bəştə kufr iyən qıno) oqardəmon, şək ni əmə sıtəmkorimon.

قَالَ اخْسَؤُوا فِيهَا وَلَا تُكَلِّمُونِ (108) 

(Xıdovənd cəvobədə)Hamyedə: çımıku bə diyəro bımandənən və cəhəndımədə gim bıbənən iyən demı qəp məjənən.

Kofir iyən qınokoron bəştə qınoon etırof kardey bədiqə,Xıdoku tələb kardedən ki, əvoni çı cəhəndımiku xarickəy və hətta əvoni bə dınyo oqordıni ta əvon ıştə dəvardə koon əvəzi beşon.qıləy holədə ki,ım tələb ğeyri-mumkine.zira həni bə dınyo oqardeyro qıləy ro mandəni və ğıyomət həm çı cəzo ruje nəinki,çı əməli ruj.

Iyo Xıdovənd əvoni ıştə dərqoyku bətojne və çoko sıpə tojniyə faxti təbiron oko doey bedə, bəvon bəhamye:qim bıbənən çiyo,şımə demı sıxan kardey ləyoğəton ni. şımə vırə otəşe və şımə bo vəş qətey iyən bo sutey loyığiyon.

Çın ayəonku umutedəmon:

1-çanədə dınyoədəmon iyən fırsət heste,qıləy ko bıkəmon ki,həni ğıyoməti ruji bə dard iyən ğəmi dıço məbəmon.

2-təkəbbır, kufr iyən inodkorəti çı insoni erji bəsə heyvonon həddisə həm saru vardedə və çı insoni şəxsiyyəti əvəz bıey ğıyoməti ruji mıcəssəm bedə.

إِنَّهُ كَانَ فَرِيقٌ مِّنْ عِبَادِي يَقُولُونَ رَبَّنَا آمَنَّا فَاغْفِرْ لَنَا وَارْحَمْنَا وَأَنتَ خَيْرُ الرَّاحِمِينَ (109) 

(Ayə şımə yodo bekardəyone ki)Çımı bandəonku qıləy qrup voteydəbin: Xıdolim ha! imon vardemone. çən, əməni bıbaxş iyən bəmə rəhmkə və tı həmməysə veyçokə rəhməkəş!

فَاتَّخَذْتُمُوهُمْ سِخْرِيّاً حَتَّى أَنسَوْكُمْ ذِكْرِي وَكُنتُم مِّنْهُمْ تَضْحَكُونَ (110) 

(Əmmo)Şımə bəvon məsxərə kardeyone tain ki,(de ın ko) çımı nomon çı xatırəonku bardeyone və şımə bəvon sıreydəbiyon.

إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ (111) 

Az ımruj(şımə bə muminon istehzoro) bəçəvon səbr kardey xoto bəvon mıkofot bədomon ki, əvonin nicot pəydu kardə kəson.

Navnə ayəon dəvomədə ki,qıınokoronçı Xıdovəndi rəhməti dərqoyku tojniye barədə be, ın ayəon çın cəzo dəlili jıqo bəyon kardedə ki,əvon nəinki,fəğət ıştə yavə koonku peşmon bıənin iyən çəyku dast kəşeydənin,bəlkəm imoni əhlki,həmən çı tobə və istiğfori əhl bin,bəvon həm ləğ-ləğə və istehzo kardedəbin iyən məsxəramizə formədə bəvon sıreydəbin.

Jıqo bızın əvon ıştəni zırənq və ağılmand hisob kardedən və muminon qıləy sodəlohf və rə bovə kardə kəson.muminon hafaxti bə qıləy xəto mırtəkib bıbon,çı cəhəndımi otəşi tarsiku bə Xıdo pənoh bardedən iyən çəyku ıştə xətoon baxşey tələb kardedən.əmmo bə məsxərə iyən istehzo məruz mandə muminon ğıyoməti ruji vəhıştədə çı komilə rifoh iyən asayişi dılədə bəbeyn və həmonə məsxərə kardə kəson bə ruji çı cəhəndımi dılədə bəbeyn və bo əvon fərol kardeyro həni qıləy ro nibəbe.

Çın ayəonku umutedəmon:

1-imoni şərt və lozımə ıştə qınoonku istiğfor kardey iyən Xıdoku əfv tələb kardeye. zira mumin hejo ıştəni ilahi dərqoyədə mığəssır zıneydə.

2-bə mumini məsxərə iyən əy təhğır kardey,Xıdo zikri insoni dıliku bardedə və insoni bə cəhəndımi tərəf rəvonə kardedə.

3-axırəti ruji perəxey iyən nicot pəydu kardey şərt,de səbr iyən hovsələ bə dast omeydə.