471-ə hissə-İsra surə-11-14 şərifə ayəon

471-ə hissə

وَيَدْعُ الإِنسَانُ بِالشَّرِّ دُعَاءهُ بِالْخَيْرِ وَكَانَ الإِنسَانُ عَجُولاً (11)

Və(dastpoşə və nodonə) inson çoko ki,xəy tələb kardedə,şərrış həm piyedə və inson hejo tadibəsəy(dastpoçəy).

Kərimə-Ğıronədə bənə əcul(daspoçə bıey) iyən bəxıl bıey bıə çandə qılə mənfiyə sıfəton bə insoni nisbət doey bıə ki,ımon həmmə bə tərbiyə nıvində insoni ayide. yəni ehanə inson dırıst tərbiyə nıvindo,ım xısusiyyəton bəvədə zohir bəbe və qırd ım xısusiyyəton çı insoni bə dınyo meyl bıey iyən dınyopərəstəti nışon doydə.

In ayə hamyedə:çun inson çı ziyodə mənfəəton dumoe,kali vırəonədə hiç dığğət nıkardə holədə bə ğərolon omeydə ya koon əncom doydə ki,ım çəy dastpoçə bıey nışon doydə.çəy ım tadibəsə bıey bəy xəy iyən mənfəət rosney əvəzi,bəy şər və zərəl rosneydə.həyğətədə əv dumo xəy bıə,əmmo çun de dastpoçəti ımış əncom doə,oxoyədə bə şəri rəseydə.

Çın ayəku umutedəmon:

1-inson fitrətən xəy tələb kardey dumoe,əmmo çəy əcələ və nodonəti boyis beydə ki,şərri xəy bıvindo və bəy rəseyro cəhdkəy.

2-əcələ və dastpoçəti çı insoni ğərol iyən əməli ofotonkue.zira əy bə həlokəti batlağ ğandeydə.

وَجَعَلْنَا اللَّيْلَ وَالنَّهَارَ آيَتَيْنِ فَمَحَوْنَا آيَةَ اللَّيْلِ وَجَعَلْنَا آيَةَ النَّهَارِ مُبْصِرَةً لِتَبْتَغُواْ فَضْلاً مِّن رَّبِّكُمْ وَلِتَعْلَمُواْ عَدَدَ السِّنِينَ وَالْحِسَابَ وَكُلَّ شَيْءٍ فَصَّلْنَاهُ تَفْصِيلاً (12)

Və əmə şəvı-rujımon(ıştə ğudrətikumon) dıqlə əlomətımon ğərol doe. çən, çı şəvi nışonə(ovşumi ruşnə) pok kardemone(peqətemone)iyən çı ruji nışonə(həşi) ruşinımon karde ta ıştə pərvərdıqoriku fəzl iyən ruzi dumo bınəvənən iyən çı soron və hisobon miğdori bızınənən və əmə qırd çimon ruşinə şikilədə bəyon kardemone.

Vəynə ayədə əcələ kardey iyən dastpoçə bıey mızəmmət kardey dəvomədə,ın ayə hamyedə:Xıdovənd dınyoş bə nəzm,hikmət iyən tədbiri əsos ofəyəşe.şəvı-ruj har qıləyni ıştə vırədə zohir beydə və bə qıləy mınəzzəmə proqrami əsos tənzim və tərtib bıə və ıştə koy əncom doydə.şımə həm bəbe bə qıləy mıəyyənə hisob-kitobi əsos ıştə jimoni tənzimkənən ta kardey bızınon ilahi əto kardə neməton və rızğo-ruziyonku çok-çoki istifodə bıkoyn.əmmo ehanə çı hestemoni aləmiku qıləy dırıst və səhihə məlumaton nıbu və bə qıləy ğərol omiyon,bə xəy iyən mənfəəti rəsey əvəzi,bə zərəl iyən xusrani giriftor bəbiyon.

Çın ayəku umutedəmon:

1-zəmini ıştə qırdo qardey iyən çı şəvı-ruji bə meydon beşey,bə ilahi həkimonə irodə əsose iyən bın tədbirədə çı insonon mənfəət, çəvon hədəfe.

2-ilahi rəhmət və fəzl çəy neməton nozil bıey zəminə hozzı kardedə.əmmo bəbe boəy rəseyro cəhd bıkəy.

وَكُلَّ إِنسَانٍ أَلْزَمْنَاهُ طَآئِرَهُ فِي عُنُقِهِ وَنُخْرِجُ لَهُ يَوْمَ الْقِيَامَةِ كِتَاباً يَلْقَاهُ مَنشُوراً (13)

Və har qıləy insoni əməli dəftəri bəçəy giy dəvastəmone və ğıyoməti ruji bo əy qıləy nıvıştə bə bi bebəkamon ki, əy ıştə vədə oj bıə holədə bəvinde(ğıyoməti ruji bə insoni votey bəbe).

اقْرَأْ كَتَابَكَ كَفَى بِنَفْسِكَ الْيَوْمَ عَلَيْكَ حَسِيباً (14)

Iştə kitobi bahand. ımruj ıştən ıştə hisobi bardey bətı vəs kardedə.

In ayəon ki,ğıyoməti ruji bə insoni yod dənoydə,həyğətədə navnə ayə dəvom doydə ki, bəbe inson bızıno dınyo çı koy oxo ni ta fəğət bəy rəseyro bəbe cəhdkəy. bəlkəm,çəy qırd koon çı çok ya çı bəd  bənə qıləy qıyozə bəçəy gi ehaştey bəbe iyən çəyku co nibəbe.ğıyoməti ruji həmonə əməlon mıfəssələ şikilədə iyən bənə sıxan kardə əməl dəftəri, çəy mığobilədə zohir bəbe və əv bəbe bəştə əməli nomə və dəftəri cəvob bıdəy.

Vey əcib ıme ki, de Kərimə-Ğıroni təbiri insoni əməli dəftər joqo şəffof iyən oşkoe ki, həni bə məhkəmə və ğazi ehtiyocış ni ta ittihamon boəy mıəyyənkəy iyən əv həm ıştəni mıdofiyəkəy.bəlkəm,har qıləy inson kardey bəzıne ıştə koon ğazi və hakim bıbu və sərəsi ki, çı koon oxo və nəticə çiçe və çəy çı ağıbətış heste.

Çın ayəku umutedəmon:

1-har insoni əməl nəinki,dınyoədə bəlkəm,ğıyomətədə həm deəy bə icoe iyən çı hakəsi baxtəvərəti iyən bədbəxtəti bəçəy əməlon anqıle.

2-çı insoniku sadir bıə çi, ısət çı sıxan ya əməl bıbu,bın aləmədə səbt iyən ğeyd bedə və ğıyoməti ruji çı əməl dəftəri formatədə, çəy ixtiyorədə noey bəbe.

3- fəğət  ğıyoməti məhkəmədəmucrim iyən qınokor ıştə conoyəti inkor kardey nibəzıne iyən hətta bəştə ələyh hukm həm sadir bəkay.