481-ə hissə-İsra surə-45-48 şərifə ayəon

481-ə hissə

وَإِذَا قَرَأْتَ الْقُرآنَ جَعَلْنَا بَيْنَكَ وَبَيْنَ الَّذِينَ لاَ يُؤْمِنُونَ بِالآخِرَةِ حِجَاباً مَّسْتُوراً (45)

Hafaxti ki, tı Ğıron handeydəş,əmə ıştı iyən bə ğıyoməti imon nıvardə kəson miyono qıləy(bəçəş nıçiyə mənəviyə) hicob ğərol doydəmon(ta çı həxı maarifiku məhrum bımandon).

وَجَعَلْنَا عَلَى قُلُوبِهِمْ أَكِنَّةً أَن يَفْقَهُوهُ وَفِي آذَانِهِمْ وَقْراً وَإِذَا ذَكَرْتَ رَبَّكَ فِي الْقُرْآنِ وَحْدَهُ وَلَّوْاْ عَلَى أَدْبَارِهِمْ نُفُوراً (46)

Və çəvon(kofiron) dılon(sape) qıləy pardə ğərolımon doe ta əy nıdərəson və bəçəvon quşon qonəti(ta həxı nıdərəsəon)və çoko ki,tı Ğıronədə ıştə pərvərdıqori deçəy yeqənəti zikr kardeydəş,əvon peşt qordıneydən və viteydən.

Xıdovənd bın ayəonədə bə islomi-peyğombəri(s) xitob kardedə hamyedə:mışrikon iyən bo ğıyoməti ruji ğəbul kardey hozzı nıbə kəson,Ğıroni həyğəton dərk kardeyku məhrumin.liza hafaxti tı ıştə rəbbi vəsf kardeydəş,əvon bə şırki giriftor bedən və ıştıkufərol kardeydən.əvon hətta hozzı nin ki,Kərimə-Ğıroni həyğəton bıməson,ısət çı bımando çəy həyğəton dərkkəyn .

De qıləy co iborəti məadi inkor kardey,bə usuli-dini, yəni bə tohidiyən nıbuvvəti təkzib kardeyboyis bedə.liza Xıdo kəlom yəni Kərimə-Ğıron bo joqo fərdon saxt iyən sanqine.joqo ki,icur çəvon de  Ğıroni miyono qıləy bəçəş nıçiyə pardə ğərol doə bıə iyən çəvon ın həyğəton vinde iyən məse ğudrətışon ni.

Çın ayəku umutedəmon:

1-ehanə inson həmmə çi inkor iyən təkzib bıko,ıştə hidoyət bıey ğabiliyyəti ç dasto doydə.liza Xıdo kəlomi de Xıdo-Rəsuli(s) vositə tilovət kardey həm təsirış ni.

2-ğıroni mənəviyə həyğəton dərkiku məhrum mandey,inov bo inodkorə şəxson qıləy ğəhro-ğəzəbe.

3-deməkə ki,mışrikon Xıdovəndi vucudi etırof kardeydəbin,əmmo bə ğıyoməti inkor kardey iyən bə şırki etığod bıey xoto,əmələdə Xıdo kəlomi ğəbul kardeydənin.

نَّحْنُ أَعْلَمُ بِمَا يَسْتَمِعُونَ بِهِ إِذْ يَسْتَمِعُونَ إِلَيْكَ وَإِذْ هُمْ نَجْوَى إِذْ يَقُولُ الظَّالِمُونَ إِن تَتَّبِعُونَ إِلاَّ رَجُلاً مَّسْحُوراً (47)

Əmə veyçok zıneydəmon ki,əvon bətı boçi quş doydən və bə zəmon ki,əvon bətı quş doydən və həmonə zolımon deyənde pıç-pıç kardeydən(bə cokəson) voteydən:” şımə bə qıləy əfsun (sehr) bıəmerdi tabe beydon”.

Bın ayədə bə kufri yolon və rəhbəron sıxan iyən rəftoron işorə kardedə hamyedə:tı Ğıron handə faxti,əvon  bəy quş doydən.əmmo bəştə inodkorəti xoto,əy ğəbul kardedənin və bə cokəson Ğıroni maarifi məse mane bedən.əvon  peyğombəri qıləy sehrbozi unvanədə elan kardedən  və voteydən ki,ımi məxloğış sehro-coduş kardə.

Çın ayəku umutedəmon:

1-Xıdovənde-Aləm həmmə kəsi dıləku xəbədoe və çəyku hiççi məxfi kardey nibəbe.əv çı həmmə kəsi hədəf iyən niyyəton zıneydə.

2-dini deşmınon de təhğır iyən bohtoni ilahi ovliyaon şəxsiyyəti xərob kardey dumon.əmmo əvon bəbe bə dumo penıkırnon,bəlkəm qırd çiyon Xıdo nəzorəti jiyədən.

انظُرْ كَيْفَ ضَرَبُواْ لَكَ الأَمْثَالَ فَضَلُّواْ فَلاَ يَسْتَطِيعْونَ سَبِيلاً (48)

(Ha peyğombər ha!)Erəx diyəkə çoko əvon botı misol jeydən və oxoyədə ro dəqıjniyedən.çən,əvon həxı roy pəydu kardey zıneydənin.

In ayə vəynə ayə bəhsi dəvomədə bə peyğombər(s) dılvandi doydəvə hamyedə: harçənd ki,əvon tıni sehrboz iyən səfi zıneydən iyən botı jıqoqıləy misolon jeydən. əmmo əvon bətı zərbə jıey əvəzi,ıştən bə zəlolət iyən rodəqıjney dıço beydən iyən çı həyğəton dərkiku məhrum mandən.

Mıxolifon bızınon ki, de yəvə sıxanon vote iyən norəvoə nisbəton doey bə qıləy vırə nibərəseyn və həyğət de botılə sıxani puşniyey nibəbe və çı miyoniku nibəşe.

Çın ayəku umutedəmon:

1-de Ğıroni ayəon iyən de ilahi ovliyaon deşmınəti şivəonkuqıləyni,çı zərbul-misolon,təmsilon və təşbihonku bəhrə bardeye.

2-məntığışon nıbə kəson de nomınosibə zərfət iyən misolon jıey,ilahiyə merdon şəxsiyyəti xərob kardey dumon.

3-ilahi rəhbəron təhğır kardey çı həx iyən həyğəti məsir və royku inhirof bıey amile. həlbəttə ım inhirof tədricən hosil beydə ta inson çı royku xaric bedə və həni bo oqardey imkonış bedəni.