496-ə hissə-İsra surə-102-106 şərifə ayəon

496-ə hissə

قَالَ لَقَدْ عَلِمْتَ مَا أَنزَلَ هَـؤُلاء إِلاَّ رَبُّ السَّمَاوَاتِ وَالأَرْضِ بَصَآئِرَ وَإِنِّي لَأَظُنُّكَ يَا فِرْعَونُ مَثْبُوراً (102)

Mosə voteşe: hukmən zıneydəş ki, (mecuzəonro) ğərəz osmonon iyən zəmini pərvərdıqor boşımə bəsirətiro cokəsi vığandəşni.ha Fironha! Fik kardedəm tı həlok bəbeş.

Dəvardə proqramədə votemone ki,Firon Mosə(ə)-I mecuzəon vindeyədə,imon vardey əvəzi,əvış cındo iyən codu bıə şəxsış zıne.ın ayə çı həzrəte Mosə(ə)-I cəvobi bəyon kardedə ki,çı Fironi cəvobədə jıqo hamyeşe:çımı əncom doə çiyon, cehro-codu ni ki,tı bəmı sehrboz iyən sehr bıə kəs elan kardedəş. bəlkəm,ımon xariğul-addə koonin ki,de pərvərdıqoori-aləmi əmri bə əməl omeydə. əv həm nəinki, boştə ğudrəti nışon doey və ya bo şohrət iyən sərvəti kəsb kardey dumo, bəlkəm huccəti bə məxloği təmom kardey xotoe ki,ta çı ilahi kəlomi ğəbul kardey və çəvon bəsirət iyən aqahəti ziyod kardey zəminə hozzıkəy.təbiiye ki,hakəs ilahi hidoyət və bəsirəti ğəbul nıkəy,həlok bəbe.

Çın ayəku umutedəmon:

1-qahi faxti inson həxı zıneydə,əmmo ıştəni bə nodonəti noydə.Firon zıneydəbe ki, Mosə(ə) rost voteydə,əmmo boçəy sıxani ğəbul kardey iyən çı pərvərdıqori-aləmi vədə təslim bıey hozzı bedənıbe.

2-çı məxloği hakim və yolon zolım və fosid bıə camiyədə,milləti bə həxı tərəf dəvəti koyədə sıftədə bəbe bə hukmdoron soyəx bışi.

فَأَرَادَ أَن يَسْتَفِزَّهُم مِّنَ الأَرْضِ فَأَغْرَقْنَاهُ وَمَن مَّعَهُ جَمِيعاً (103)

Çən,(Firon)bə ğərol ome ki,əvoni çı (Misri) sərzəminiku dərbədərkəy.çən,əmə əv iyən deəy bə ico bıəkəson ğərğımon karde.

وَقُلْنَا مِن بَعْدِهِ لِبَنِي إِسْرَائِيلَ اسْكُنُواْ الأَرْضَ فَإِذَا جَاء وَعْدُ الآخِرَةِ جِئْنَا بِكُمْ لَفِيفاً (104)

Və çəy bəpeştə bə Bəni-İsraili votemone:bın sərzəminədə vırə bə vırə bıbənən. çən, çoko axırəti və`də rəse,qırd şıməni ijən cəm bəkamon.

Sıtəmkorə hukuməton metodonku ımbe ki,həxtələbə merdon ya dərbədər kardedəbin və ya əvoni bə ğətl rosneydəbin,ta çəvon həxə sıxanon bə məxloği quşon nırəso.Firon həm bə jıqo ğərol ome.əmmo həni xəbəş nıbe ki,Mosə(ə) coyli ni və peştədə əy bo məxloği hidoyətiro vığandə Xıdo mandə.liza Firon iyən çəy ləşkər Mosə(ə) iyən çəy ğovmi çı Misriku xaric və təğib kardeyədə,de Xıdovəndi izni Mosə(ə) deştə ğovmi çı Nili ruku dəvarde,əmmo Fironıjon əyo ğərğ bin. jıləvoni Xıdovənd ıştə ğudrətış nışon doe.

Çoko ki,Məkkə mışrikon həm məğsədışon hestebe peyğombər(s)-I bıkışton və ə həzrət məcbur be,Məkkə şəhriku xaric bıbu.əmmo de ilahi irodə peyğombər(s) Mədinə şəhrədə islomi iminə hukumətış təşkilış karde iyən ıştə dəvətış hevujış karde və Məkkə fəthi faxti həm mışrikonış xaro-zəlilış karde.

Ayə dəvomədə hamyedə:de Fironi məhv kardey Bəni-İsrail ıştə sərzəminədə sakin bin iyən çı Fironi şərriku nicotışon pəydu karde.həlbəttə ğıyomətədə həm ivrədə hozzı bəbeyn iyən çəvon miyono de ədoləti mıhokimə bəbe.

Çın ayəonku umutedəmon:

1-ilahi sınnət və ğanun ıme ki,Xıdovəndi irodə bə tağutə rejimon ğalib bıbu iyən çəvon məkro-hiylə de Xıdovəndi tədbiri bə puç beşedə.

2-dınyo çı həmmə koon mıkofot və cəzo zərfiyyətış ni.liza Xıdovənd ğıyoməti ruji de məxloği cəm kardey,bə həxı əsos mıhokimə bəkay iyən cəzo bədoe.

وَبِالْحَقِّ أَنزَلْنَاهُ وَبِالْحَقِّ نَزَلَ وَمَا أَرْسَلْنَاكَ إِلاَّ مُبَشِّراً وَنَذِيراً (105)

Və Ğıronımon həxədə nozil karde iyən əv həxədə nozil be və əmə tınımon fəğət bəşorətədə iyən tarsədə unvanədə vığandemone.

وَقُرْآناً فَرَقْنَاهُ لِتَقْرَأَهُ عَلَى النَّاسِ عَلَى مُكْثٍ وَنَزَّلْنَاهُ تَنزِيلاً (106)

Və Ğıronımon hissə-hissə nozil kardemone ta əy ahəstə bo məxloği bahandoş və əvımon de tədrici nozil kardemone.

Həzrəte Mosə(ə) de Fironi macəra zikri bəpeştə bıə ayəon,ijən bə Kərimə-Ğıroni məğami iyən bə peyğombəri risoləti işorə kardedə hamyedə:ım Ğıron Xıdovəndi tərəfiku həxədə enovniyə bıə və həm əv de Cəbrəyil(ə)-I vositə omə bə peyğombər(s)-I həm həxədə rəsə və bəvədə hiççi əvəz bıəni.peyğombər(s) həm məmure ki, bəçəy təlimi əsos,bə məxloği mıjdəvoni ya tars bıdəy və bəy hiççi əvəz kardey həxış ni.çən,Ğıronədə botılə sıxan movcud ni.

Ayə dəvomədə hamyedə:Xıdovənd ım bılındə maarifi çı məxloği dıl iyən fikədə vırə bə vırə kardey xoto,əvış tədrici surətədə iyən baxş-baxşış karde.əve ğıron ayə bə ayə ya surə bə surəy.və ım çı Xıdovəndi tərbiyə şivəy ki,ıştə hukmon və maarifon de milləti ğabiliyyət və zərfiyyəti mıtobiğ bəyon kardedə.çoko ki, osmoniyə kitobon nozil bıey iyən çı Odəm(ə)-I faxtiku tosə islomi peyğombəri(s) bıə peyğombəron silsilə ro,çı maarifi nozil bıey həmonə tədrici bıey nışon doydə.həyğətədə ım çı Ğıroni kəmole,nəinki,çəy qıləy ayb və işkalış heste.zikr kardey lozıme ki,çı mışrikon irodonku qıləyni ımbe ki,boçi Kərimə-Ğıron bə ikkərə nozil bıəni?

Çın ayəonku umutedəmon:

1-Ğironi çı harcurnə təhrifiku səlomət mandey,de Xıdovəndi vositə zəmonət doey bıə və ilahi vəhy solim bə məxloği dast omə rəsə.

2-təlim,tərbiyə və perosniye,bəbe tədrici bıbu ta bə məsəkəsi nufuzkəy iyən təsir bınəy.

3-Xıdovəndi təkvini iyən təşriyi koonədə ğanun,tədriciye.dınyoro şəş mərhələdə ofəyəşe. əv kardey əzıni iləzədə xəlğkəy və osmoniyə kitobon və Ğıronro tədricən nozilış karde və ijən kardey əzıni əvoni bə ikkərə bıvğando.