504-ə hissə-Kəhfi surə-27-31 şərifə ayəon

504-ə hissə

وَاتْلُ مَا أُوحِيَ إِلَيْكَ مِن كِتَابِ رَبِّكَ لَا مُبَدِّلَ لِكَلِمَاتِهِ وَلَن تَجِدَ مِن دُونِهِ مُلْتَحَداً (27)

Iştı pərvərdıqori kitobiku bətı vəhy bıə çi (bo məxloği) bahand və ilahi kəliməon əvəz kardəkəs ni və hiçfaxti sovə əy qıləy pənohqo pəydu nibəkayş.

Əshabi-Kəhfi dastani oxoyədə ın ayə bə islomi peyğombəri(s) xitob kardə holədə hamyedə: çəvon barədə be dəlil iyən xorafi sıxanon ziyode,əmmo de vəhyi vositə bətı rəsə çiyon bo məxloği bıvot iyən de cokəson sıxanon ko nıbu.

Peyğombər(s)-i mıxolifon de mıxtəlifə bəhonəon çə həzrətiku tələb kardedəbin ki, kali ayəon ya həzfkə ya əvəzkə ta çəvon ğəbul kardey zəminə hozzı bıbu.əmmo peyğobər bə ın ayəon əsos məmur be ki,çəvon sıxanon ğəbul nıkəy və bıvoti: Kərimə-Ğıron Xıdo kəlome iyən bəvədə hiççi əvəz bıənin ni və ehanə qıləy şəxs jıqo bıko ilahi ğəzəbi vədə qıləy nicoti roş nibəbe.

Çın ayəku umutedəmon:

1-Kərimə-Ğıron Xıdo kəlome,nəinki,çı bəşəri.liza bəvədə hiççi əvəz bıənin ni.

2-Kərimə-Ğıron oxonə osmoniyə kitobe.zira çı harcurnə təhrifiku əmonədəy.əve həni co qıləy kitob nibome.

‏ وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطاً (28) 

Və de ıştə pərvərdıqori (har) sıb iyən şanqonə vanq jıəkəson və çəy rozi bıey dumo bıə kəson bə ico səbrkə və ıştə nəzə çəvonku peməqət ki,dınyo zər-zibo tələb məkə və bə mıni ıştə dılədə bə yod dəneyku ğafil kardə kəson iyən ıştə həvaye-həvəsi dumo bıə kəson iyən puç və ifrotə ko kardə kəson tabe məbi.

Tarıxiyə rəvoyətədə omə ki,çı Ğureyşi yolon və əşrəfonku idastə ıştə imon vardey şərtışon ım noe ki, tı fəğır iyən zəyifə şəxson ıştə tonoku bıtojon və tı bəmə dığğətkə iyən əməni ğəbulkə.əvon de komilə behəyoəti bə peyğombər(s)-i voteşone: çanəndə jıqo şəxson ıştı palun,əmə bəştı məclison nibomemon və bəştı sıxanon quş nibədomon.

Odəmi dığğəti cəlb kardə çi ıme ki,jıqo qıləy tələbon çı həzrəte Nuh(ə)-i zəmonədə həm hestebe vəə həzrət cəvobədə hamyeşe:mən mominon bəçəvon fəğır iyən beçizətiro tərk iyən əvoni rədd nibəkam.

In ayə joqo təfəkkur iyən intizori rədd kardedə və əy mızəmmət kardedə iyən bə peyğombər(s) çəşnavi doydə ki,nobənobu tı bəçəvon sıxanon bovəkəş  və bənə Səlman Farsi iyən Əbuzəri bıə fəğıron,əmmo ğoymə imoni soybon ıştə paluku bıtojnoş ya bə dınyo dılışon dəbastə iyən Xıdo zikr nıkardə kəson dumo nıbu.zira əvon bəştə həvaye-nəfsi tabeyin iyən əvon çı dınyoku hiçfaxti dast nibəkəşen.

Çın ayəku umutedəmon:

1-de beçizə fərdon bə ico nıştey iyən de əvon həmdardi kardey saxte.əmmo mominə fəğıron bəsə puldorə kofironsə bəpeye və islomi ummət bəbe bəvon komilə şikilədə dığğətkəyn.

2-islomi dınyo rəhbəron dınyo tələbi anəndə ciddiye ki, Xıdovənd bəştə peyğombəri xəbərdorəti doydə.

وَقُلِ الْحَقُّ مِن رَّبِّكُمْ فَمَن شَاء فَلْيُؤْمِن وَمَن شَاء فَلْيَكْفُرْ إِنَّا أَعْتَدْنَا لِلظَّالِمِينَ نَاراً أَحَاطَ بِهِمْ سُرَادِقُهَا وَإِن يَسْتَغِيثُوا يُغَاثُوا بِمَاء كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءتْ مُرْتَفَقاً (29) 

Və vuji : həx şımə pərvərdıqori tərəfiku rəsə.çən,ki piyeşe imon biyəy və ki piyeşe kofir bıbu.həyğətən,əmə bo sıtəmkoron qıləy otəş hozzımon kardə ki, (çəy şuləon) bənə pardə(çodı) əvoni dəbəqəte və çun pənoh bıpyişone de qıləy ovi çəvon dimon sutune, bəvon koməq bəbe.çı bevəcə peşoməninə(çiye) və çı yavə vırəy.

Bə ğafilə sərvəti soybon bemənoə tələbon cəvobədə ın ayə hamyedə:hiçki çəvon imon vardey dumo bıənin ki,joqo şərto-şuruton noydən.Xıdo həxə kəlom çəy tərəfiku nozil bıə,ısə hakəsi dılış heste imon biyəy və ki piyedəşni imon biyəy, kofir bıbu. imon qıləy iltimas və lovə kardəninə çi ni.hiç qıləy şərt nınonə qıləy ğoymə momin,bəsə həzo qılə kofirisə veyçoke.çımisə əlovə, jıqo şəxson ki, dınyoədə de fəsod iyən eyşo-işrəti məşğulin,axırətədə vey yavə məğam iyən vey bevəcə hardənin iyən peşoməninə çiyon çəvon intizorədən.bəçəvon ımrujnə  rujon diyə məkənən ki,rə dəvardedə iyən kırte.

Çın ayəku umutedəmon:

1-məxloği imon iyən kufri çı dini həx bıeyədə hiç qıləy rolış ni.Kərimə-Ğıron həxe, harçənd qırd millət kofir həm bıbon.

2-harçənd millət kufr iyən imoni vıjniyedə ozodin,əmmo çı har dıqlə əməlon oxo, dınyo iyən axırətədə fərğ kardedə və kufri ağıbət,çı cəhəndımi şiddətinə əzobe.

إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلاً (30)

Həyğətən,imonışon vardə iyən çokə ko əncom doə kəson(bızınon ki) bərosti əmə çokə ko soybi mıkofoti zay nibəkamon.

أُوْلَئِكَ لَهُمْ جَنَّاتُ عَدْنٍ تَجْرِي مِن تَحْتِهِمُ الْأَنْهَارُ يُحَلَّوْنَ فِيهَا مِنْ أَسَاوِرَ مِن ذَهَبٍ وَيَلْبَسُونَ ثِيَاباً خُضْراً مِّن سُندُسٍ وَإِسْتَبْرَقٍ مُّتَّكِئِينَ فِيهَا عَلَى الْأَرَائِكِ نِعْمَ الثَّوَابُ وَحَسُنَتْ مُرْتَفَقاً (31) 

Boəvon çəvon jiku ruon cari bıə əbədiyə boğon heste.(əvon)əyo de telıə dastinə dərostey bəbeyn.və əvon nozık və sırafə avşımiku bıə havzə oləton bə tan bəkayn. qıləy holədə ki,əvon əyo (bə vəhışti) taxton təkyə jıəşone.çı çokə mıkofot iyən çı çokə məğam.

Çı məğrur iyən həvopərəstə ğafilə kofiron cəhəndımədə bıə məğami mığobilədə,ın ayəon bə imoni əhli məğami işorə kardedə və hamyedə:şımə bın dınyoədə vində fəğır iyən beçizə mominon,bə peyğombər(s)-i bəfodorəti iyən Xıdo royədə ğoym mandey xoto ğıyoməti ruji vey çokə məğamışon bəbe.qıləy vırə ki,sərvətinə fərdon bəvon həsrət bəbardeyn.ehanə ımruj əşraf və sərvətinə fərdon ki,çı fəxr iyən boho ğeymətinə və ziynətinə libos bə tankardəşone iyən yoləşəxəti kardeydən,dınyoədə dast təyliyə fəğıron ğıyoməti ruji ziynətinə oləton bəştə tan bəkan ki,de dınyo sərvətinə fərdon libosi mığoyisə bıənin ni.həlbəttə fəğırə mominon ımoni həmmə çı imon, əməl iyən çı Xıdo inoyəti sayədə bə dast omeydə.

Çın ayəonku umutedəmon:

1-imoni əhl bə Xıdo əmron tabe  bıey xoto dınyoədə çı dastoşon doə,Xıdovənd ğıyoməti ruji çəy əvəzi bebəşe və çəysə çoki bəvon bədoe.

2-bo Xıdo xoto ko bıkəmon ki,nə çəmə muzdiku bəkam bəkay və nə çəy mıkofot rədəvardə iyən faniye.