513-ə hissə-Kəhfi surə-74-78 şərifə ayəon

513-ə hissə

فَانطَلَقَا حَتَّى إِذَا لَقِيَا غُلَاماً فَقَتَلَهُ قَالَ أَقَتَلْتَ نَفْساً زَكِيَّةً بِغَيْرِ نَفْسٍ لَّقَدْ جِئْتَ شَيْئاً نُّكْراً (74)‏

Çən, bəştə roşon dəvom doe tainki, bə qıləy novcıvoni peqınin. (Xızri)əvış kıştışe. Mosə voteşe: ayə hiçkəsış nıkıştə qıləy beqınoə kəsı kışte? bərosti tı qıləy yavə ko əncomı doe.

قَالَ أَلَمْ أَقُل لَّكَ إِنَّكَ لَن تَسْتَطِيعَ مَعِي صَبْراً (75) 

(Xızri)Voteşe: ayə bətım nıvote tı bə demı həmroəti kardey tov vardey nibəzıneş?

قَالَ إِن سَأَلْتُكَ عَن شَيْءٍ بَعْدَهَا فَلَا تُصَاحِبْنِي قَدْ بَلَغْتَ مِن لَّدُنِّي عُذْراً (76) 

(Mosə)Voteşe: əgər çımi bədiqə ıştıku qıləy çi dəparsıme, həni mıni bəştə həmroəti peməqət ki, bın surətədə çımı tərəfiku uzrin bəbeş.(ehanə demı həmroəti nıkoş,həxı heste).

Vəynə proqramədə votemone ki,Kərimə-Ğıron  çı Mosə(ə) iyən Xızr(ə)-i macəra jıqo bəyon kardedə ki,əvon çı dıyo kəno mıloğoti bəpeştə bə qıləy kəşti suvar bin. Xızr(ə) binoş karde bo həmonə kəşti hıl kardey ki,bın zəmon Mosə(ə) bımi təhəmmul iyən tov vardeyış nızıne və etırozış karde.

In ayəon həmonə bəhsi dəvomədə hamyedə:çı kəştiku piyodə bıey bədiqə,bə qıləy məntəğə rəsin ki,Xızr(ə) hiç qıləy dəlil nıbə holədə qıləy novcıvonış kışte.təbiiyi be ki, çı Xızr(ə)-i ım hərəkət bə Mosə(ə)-i etırozi boyis be iyən çı Xıdo peyğombəriku jıqo qıləy çi çəş kardedə nıbe.rəvoyətədə omə ki,islomi peyğombər(s) hamyedə: ehanə Mosə(ə) səbrış kardəbe,çı Xızr(ə)-iku ziyodə əcib-ğəribə çiyon əvindi.

Deməkə ki,Mosə(ə) sıxanış doəbe ki,həni tam bəje iyən hiç qıləy sıxan nibəvote, əmmo zohirədə bə şəryəti əks bıə qıləy ko mığobilədə,sukut kardeyış cayiz nızıne və bəbe nəhy əz munkər kardənin be.

Çın ayəonku umutedəmon:

1-bə şər`i hukmon və hududon rioyət kardey,çı iştimayi iyən əxloği əhd-peymononsə vey muhimme və hiç qıləy əhd-peymon bə ilahi peymonon mane bıey əzıni.

2-hakəs qıləy norəvoə ko əncom bıdo,bəbe bəy etırozkəy.ehanə çəy dəlilış bıbu, bəbe nışon bıdəy.de qıləy co bəyoni,məğam iyən post bə fərdon bəhonə vardey səbəb nibəbe.

3-Xıdo ovliyaon elm iyən mərıfətədə i formədə nin və mumkine çəvon kali qıləyni çokə ko bəzi qılə tonoku yavə ko hisob bıbu.

فَانطَلَقَا حَتَّى إِذَا أَتَيَا أَهْلَ قَرْيَةٍ اسْتَطْعَمَا أَهْلَهَا فَأَبَوْا أَن يُضَيِّفُوهُمَا فَوَجَدَا فِيهَا جِدَاراً يُرِيدُ أَنْ يَنقَضَّ فَأَقَامَهُ قَالَ لَوْ شِئْتَ لَاتَّخَذْتَ عَلَيْهِ أَجْراً (77) 

Çən, ə dı nəfər bəştə roşon dəvom doe tainki,bə qıləy obodi rəsin.çə vırə camaatiku xorək tələb kardeşone,əvon ə dı nəfərışon mehmon(ğəbul) nıkarde. çən, ə dı nəfər əyo qıləy divoşon vinde ki,rıjidəbe.Xızri ə divoş bərpo karde. (Mosə de təəccıbi) voteşe:ehanə piyəbe bo ım ko qıləy muzd tələbəkəyş.

Seminə mərhələdə kəşti hıl kardey iyən qıləy novcıvoni bə ğətl rosney bədiqə ki, ımon har deynən çı Mosə(ə)-i palu yavə ko bə hisob omeydəbe,bə qıləy di rəsin və qıləy divoşon vinde ki,əv xərob bıəbe iyən rıjiyə holədə be.əvon ha deynən oqıniyə bin və vəşi həm qətəbin.əmmo həmonə di məxloği bəvon hiççişon nıdoe.de ın holi Xızr(ə) coyli binoş karde bo həmonə divo təmir karde.Mosə(ə) nəinki,bəy koməqış nıkarde, bəlkəm ijən etırozış karde ki,tı boçi bo bəmə xorək nıdoə qıləy camaati həvoy ko kardedəş? hiç nıbu tikəy pul əstəniş ki,decəy vositə əmə qıçi xorək əhəmon.

Çın ayəku umutedəmon:

1-bə cokəson bevəcəti xoto, əmə həm ıştə ehson iyən lutfiku dast məkəşəmon iyən bevəci cəvobi de bevəcəti mədəmon.ehanə Xızr(ə) divoş təmir kardəş nıbe,qıləy yavə koş əncom doə nıbe,zair çəy hiç qıləy məsuliyətlış nıbe.əmmo əv bə ehson iyən ıştə coniku dəvardey xoto,ım koş coyli əncom doe.

2-çoko hissımon karde ki,bəmə ehtiyoc heste,bəbe bılıvəmon iyən çı cokəson dəvəti iyən çı qırd mığəddimə hozzı bıey çəş məkəmon.hətta bə cokəson tənğıdon həm etino məkəmon.

3-Xıdo ovliyaon bə cokəson xıdmət kardeyədə qıləy pul sedənin iyən muzd ğəbul kardedənin. əvon vəşi bıə holədə bə cokəson xıdmət kardeydən iyən hiç qıləy maddiyati dumo nin.

قَالَ هَذَا فِرَاقُ بَيْنِي وَبَيْنِكَ سَأُنَبِّئُكَ بِتَأْوِيلِ مَا لَمْ تَسْتَطِع عَّلَيْهِ صَبْراً(78) 

(Xızri)Voteşe: ısət çımı deştı miyono çı coəti zəmone.rəyrə tıni bəvon səbr kardey nızınə çiyon təviliku(sırronku) aqah bəkam.

Həzrəte Mosə(ə) sıxanış doə be ki,ıştə harçi vində çi mığobilədə səbrkəy iyən hiççi nıvoti. əmmo ha seqlə vırədə əv hejo etırozış karde.Mosə(ə)-i nışon doə reaksiya iqlə cəhətiku təbiiye be və bəbe damə bıəbe və co qıləy cəhətiyo ım çı ilahi ovliayon zərfiyyəti fərği nışonəy.Mosə(ə) deməkə ki,zıneydəbe Xızr(ə) çı Xıdo tərəfiku məmur bıə ki,bəy təlim doə bıə ilahi sırron bəy həm umuto,əmmo ijən jıqo qıləy koon ğəbul kardey hınəş nıbe.liza çın vusal və vindemoni dəvomış nıbe və rəyrə bə firoğ iyən coyəti rəse.

Çın ayəku umutedəmon:

1-çı hadisəon fəğət zohiri məvindəmon.vey mumkine bəvonədə sırron noey bıə ki,əmə çəvonku xəbəmon ni və hədərə şikoyət kardedəmon.

2-mumkine dıqlə ilahi ovliyaon yəndeyku co bıbon iyən hakəs bəştə roy bışo iyən ıştə koon əncom bıdəyn.əmmo ım bəçəvon koon hiç qıləy işkal və eyb varid kardey əzıni.